Azərbaycanlı deputatı kasıbları "parazitlər və alkaşlar" adlandırdı

Cəmiyyət7 mart 2019 11:20

Rusiyanın Volqoqrad vilayəti Dumasının hakim "Vahid Rusiya” partiyasından deputatı, azərbaycanlı Həsən Nəbiyev pensiyasının azlığından şikayətlənən yoxsul şəxsləri "parazitlər və alkaş” adlandırıb. 
Ann.az baku.ws-ə istinadən xəbər verir ki, deputatın bu çıxışı ciddi qalmaqala səbəb olub və Dumanın Etika Komissiyasının xüsusi iclasında müzakirə ediləcək.
"Vahid Rusiya” partiyasının regional bölməsinin katibi Sergey Qornyakov Nəbiyevin çıxışına görə partiyanın adından üzr istəyib. Partiyasının yerli şöbəsinin digər nümayəndələri də Nəbiyevin çıxışını pisləyiblər. 
Qeyd edək ki, H. Nəbiyev bu qalmaqallı çıxışını martın 6-da vilayət Dumasının işləməyən pensiyaçıların pensiyalarının hesablanması və ödənilməsi ilə bağlı yeni qaydaların müzakirəyə çıxarıldığı iclasda edib. O, çıxışında bildirib ki, pensiyası 10 min rubla çatmayan volqoqradlılar ona parazitləri və alkaşları xatırladır və belə şəxslərin pensiyalarına əlavələrin edilməsi məqsədəuyğun deyil.
Bu çıxışından sonra Rusiya mediası onun var-dövlətini və illik gəlirini hesablamağa başlayıb. Məlum olub ki, onun 2016-2017-ci illərdə rəsmi gəliri 70 milyon rubl olub. Nəbiyevin özünün və həyat yoldaşının adına onlarla daşınmaz əmlak var.
Onun parazit və alkaş adlandırdığı aztəminatlı pensiyaçılar isə hər ay 8 min rubl alırlar. 
Həsən Nəbiyev uzun müddət "Qazprom transqaz Volqoqrad” MMC şirkətinin rəhbəri olub. 1954-cü ildə Azərbaycanın Gədəbəy rayonunun Zəhmət kəndində anadan olan Nəbiyev 1976-cı ildən indiki "Volqoqradneftmaş” ASC-də işləyib. Mühəndis vəzifəsindən sex rəisi, daha sonra "Volqoqradneftmaş” ASC-nin filialı olan Kotelnikovsk armatur zavodunun direktoru vəzifəsinə qədər yüksəlib. 2004-2016-cı illərdə "Qazprom transqaz Volqoqrad” MMC-nin baş direktoru işləyib. 2003-cü ildən isə vilayət Dumasının deputatıdır.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1454