SOCAR-ın əlil əməkdaşı Rövnəq Abdullayevə müraciət etdi

 SOCAR-ın əlil əməkdaşı Rövnəq Abdullayevə müraciət etdi  

SOCAR-a məxsu “Kompleks qazma işləri” trestinin keçmiş işçisi Əhmədov Asif Babaş oğlu  Azərbaycan Respublikası Dövlət Neft  Şirkətinin ( ARDNŞ ) prezidenti cənab Rövnəq Abdullayevə müraciət edib.

NUH.az-a daxil olan müraciəti olduğu kimi dərc edirik:

“Hörmətli Rövnəq müəllim !

Mən uzun müddət  “Kompleks qazma işləri” trestində vışkaquraşdırıcı  qaynaqçı  peşəsində  işləmişəm. 07 aprel  2018-ci ildə saat 16-00 radələrində Pirallahı sahəsi 1150 saylı  meydançada  istehsalatda baş verən bədbəxt hadisə nəticəsində sağlamlığımı itirmişəm. Belə ki hadisə zamanı fəqərələrim  sındığı üçün hazırda 2-ci qrup əlil kimi əmək qabiliyyətli deyiləm.

Cənab R.Abdullayev!

Maddi durumum zəif olduğu üçün hazırda Qərb-Kaspi universitetində oxuyan oğlumun və Azərbaycan Pedoqoji Universitetində təhsil alan qızımın təhsil haqqını ödəyə bilmirəm. Sizdən xahiş edirəm övladlarımın təhsil haqqının ödənilməsinə və həyat yoldaşımın SOCAR-ın uyğun qurumlarının birində işlə təmin olunmasına kömək edəsiniz.

Hörmətlə, 2-ci qrup əlil Əhmədov Asif Babaş oğlu. “