Maygülü müəllim danışdı

Daha əvvəl isə maygülü adlandırılan quş növünün adının batağan, ördəktutan kimi tanıdığımız quş növünün adının da sərçəçalan kimi dəyişdirildiyi açıqlanmışdı. Bu dəyişikliklər cəmiyyətdə birmənalı qarşılanmayıb.  Bəs adı dəyişdirilən quşlar özü bu barədə nə düşünür? 

Qaynarinfo-nun əməkdaşı həmin quşlardan biri olan Maygülü ilə görüşərək fikirlərini öyrənib. 

– Bir yandan kədərləndim, o biri yandan da qəzəbləndim. Kədərləndim ona görə ki, uzun illər mənə qarşı aparılan çirkin təbliğat axır ki, öz məqsədinə çatdı. İnsanlar "maygülü" sözünü başqalarını aşağılamaq vasitəsinə çevrilmişdilər, tez-tez qulağıma çatırdı ki, onlar bir-birlərinə təhqiramiz şəkildə "ə, maygülü"-zad deyə xitab edirlər. Görünür, Elmlər Akademiyasının alimlərinin belə qərar verməsində bu cür anti-maygülü təbliğatının ciddi rolu olub. Mən burdan maygülünü kinayə, həqarət vasitəsinə çevirən insanlara həm salam göndərirəm, həm də demək istəyirəm ki, di gedin dincəlin, axır ki arzunuza çatdınız... Qəzəbləndim ona görə ki, Elmlər Akademiyasındakılar bizim fikrimizi soruşmadan hansı haqla adımızı dəyişdirirlər? Üstəlik, mənim adımı "Batağan" qoyublar. Mən Elmlər Akademiyasının adını dəyişib "Bataqlıq" qoysam xoşlarına gələr? 

– Bilmirlər, əziyyət çəkib öyrənsinlər. Yekə-yekə zooloqlardı, quşların, heyvanların hesabına maaş alırlar, professor, akademik olurlar, ancaq quş dilini öyrənə bilmirlər?

– Mən bayaq sizinlə müsahibəyə gələndə yolda Qızılquşu gördüm. Təsəvvür edirsiniz, o qədər qürurlu quşun ağlamaqdan gözləri şişib, hirsindən qan az qalır təpəsinə sıçrasın. Götürüb "Sərçəçalan" adı qoyublar ona. Deyir, heç olmasa, "Sərçəifaedən" olardı... Ayıbdı e! Qızılquşun Sərçəçalandan nəyi pisdi, niyə dəyişirlər? Yeri gəlmişkən, müsahibəyə gəldiyimi eşidəndə Qızılquş xahiş elədi onun əvəzindən deyim: "Əgər "qızılquş" adı "sərçəçalan" olursa, onda "alim" sözünü dəyişib "nağaraçalan" eləsinlər". Hesab edirəm ki, boş yerdən gurultu qoparanlar, dambadurum salanlar üçün çox yerinə düşən, yaxşı təklifdir. 

– Sizdə məhkəmə məzhəkədən başqa bir şey deyil. 

– Müxalifətçiliklə nə əlaqəsi var? Sadəcə, növünüzə – insanlara inamımız olmadığı üçün onlardan ədalətli heç bir addım da gözləmirik. Balamıza dəyməyin, balanızı istəmirik... Nə olsun quşuq, ancaq bir-birlərinin ətini yeyən, qanını içməyə hazır olan bu varlıqlardan ədalət umacaq qədər də quşbeyin deyilik. Ümid edirəm, növünüz haqqında belə açıq danışdığımız üçün məndən inciməzsiniz.

– Qətiyyən! Biz Akademiyada nə ilə məşğul olduqlarını yaxşı bilirik. İşləri-gücü səhərdən axşamacan oturub domino çırpmaqdı. "Elm, elm" deyirlər, indiyəcən mələyin uçma sürətini ölçməkdən başqa hansı kəşfə imza atıblar? Belə danışanda xətirlərinə dəyir, ancaq hər şey göz qabağındadır. Durub Maygülünün, Qızılquşun adı ilə uğraşmaqdansa, dünya elminə töhfə versinlər. Allahın  bir "Nobel" mükafatını ala bilmirlər, ancaq başlayıblar ki, "Batağan" elə gəldi, "Sərçəçalan" belə getdi. Olar axırda bir sual da mən verim?

– Müsahibə hansı saytda gedəcək?

– Qaynarinfo.az-da... 

– Lap yaxşı. Redaktorunuza deyin, fikirlərimə toxunmasınlar. Nə demişəm, müsahibədə hamısı olduğu kimi getsin. İnsanlar haqqında sərt açıqlamalarımı növbazlıq eləyərək kəsib-doğramasınlar. Adımızı dəyişirsiz, heç olmasa, sözlərimizi dəyişməyin. Ok?

– Siz də sağ olun.