Atambayevin toxunulmazlığı ləğv edildi

Qırğızıstan parlamenti sabiq Prezident Almazbek Atambayevin toxunulmazlığını ləğv edib.

“Qafqazinfo”nun “Vedomosti” nəşrinə istinadən verdiyi xəbərə görə, müvafiq qərar bu gün parlamentin keçirilən iclasında qəbul edilib.

103 deputat qərarın lehinə, 6 -sı isə əleyhinə səs verib.

Xatırladaq ki, A. Atambayev 2011-2017-ci illərdə Qırğızıstana rəhbərlik edib. O, ilk dövrdən sonra vəzifəsindən könüllü şəkildə ayrılan ilk prezident olub.

Cari ilin iyunun 23-də ölkə parlamentinin yaratdığı xüsusi komissiyasının işinin nəticələrinə əsasən, A.Atambayevin korrupsiya daxil olmaqla altı cinayətdə əlinin olması ehtimalı var. Parlament iyunun 20-də bu rəyi qəbul edərək Baş Prokurorluğa göndərib.

Baş prokuror Otkurbek Jamşitov iyunun 25-də bildirib ki, cinayət işi açmaq üçün altı faktdan beşi üzrə əsas var. Əgər onun bu cinayətlərdə iştirakı təsdiqlənərsə, o zaman ömürlük azadlıqdan məhrum olunacaq.