Azərbaycanda yeni zavod açılır: “RUS AZERİ SPİRTS” zavodu Qusarda fəaliyyət göstərəcək (FOTOLAR)

Bu barədə Qaynarinfo-ya "CARÇIOGLU GROUP” MMC-nin mətbuat katibi Səbinə Yusif məlumat verib.

İstehsal üçün mütəxəssislər Rusiya Federasiyasından - Tatarıstan respublikasının "Tatspirtprom” şirkətindən dəvət olunublar.

Rusiya Federasiyasında iki böyük zavodda araqlar gümüş və qızıl filtrlərdən süzülür. Azərbaycanda isə ilk olaraq "RUS AZERİ SPİRİTS” zavodunda araqlar qızıl və gümüş filtrlərdən süzüləcək.

Arağın istehsalı üçün yalnız ALFA tipli spirtdən istifadə olunacaq. Yeni və müasir 4 pilləli filtrlərdən istifadə olunacaq.

1. Yumşaldıcı filtrlər

2. Gümüş filtrlər

3. Acılığı götürən filtrlər

4. Qızıl filtrlər

Araq və spirtin analizləri üçün labaratoriya ən yeni və müasir tipli Qaz Xromotoqrafla təmin olunub.

İstifadə olunacaq su Qusar rayonu "Qarabulaq” bulağından götürüləсək. Sular yumşaldıcı filtlər və geriyə osmos üsulu ilə təmizlənəcək. Sular həmçinin bakteriya əleyhinə lampalardan keçiriləcək.

DÜNYA MARKALARI ARTIQ AZƏRBAYCANDA SATIŞA ÇIXARILACAQ

Ukrayna, Rusiya, Belarusiya və Avropanın bir neçə dövlətlərinin istehsal etdiyi araq markalarının  Azərbaycanda ilk olaraq lisenziyalı istehsalına başlanılacaq. Dünya markaları artıq Azərbaycanda satışa çıxarılacaq. Əsas məqsədimiz ölkənin qeyri-neft sektorunun inkşafına xidmət etməkdir. 

Zavodun özəlliklərindən biri də budur ki, eyni xarici məhsulları biz istehsal edirik və milyonlarla pul Azərbaycan büdcəsinə qalır. Qiymətlərimiz xarici bazarlardan alınan məhsullarla müqayisədə 30-40% aşağı olacaq. Bu da təbii ki, alıcıların cibinə uyğun olacaq. Texnologiya, texnoloq, qablaşdırma bütünlükdə xarici bazarlarda satışa çıxarılan araqlarla tam uyğundur. İstehsal zamanı həmin zavodların mütəxəssisləri məhsulların istehsal və qablaşdırmasında iştirak edəcəklər. 

Lisenziyalı məhsullarımız: Tatspirtprom araqları "TUNDRA”, "Graf  LEDOFF”, Rusiya araqları "KREMLİNKA”, "ВОЗДУХ”, İsveç arağı "TOVARITCH”.

Yeni lisenziyalı süzülən məhsullarımız: Rusiya araqları "AKDOV”, "РУССКАЯ ВАЛЮТА”, Tatspirtprom "Серебряная Гора”, Ukrayna araqları "PRIME”, "ЖИТНИK”, "ПЕРША ГИЛЬДИЯ”, "Rada”, "Celsius”, "BAYADERA”, Krım Алеф-Виналь "MARLIN”, "SOLOD”, Rusiya "BIONICA”. Bunlardan əlavə Sankt-Peterburq məhsulu "ЦАРСКАЯ” arağı istehsal olunacaq. 

UKRAYNA, RUSİYA, BELARUSİYA ARAQLARI 30-40 FAİZ UCUZLAŞACAQ

"RUS AZERİ SPİRİTS” zavodu həmin araqları istehsal edib (Ukrayna, Rusiya, Pribaltika araqlarını) dünya bazarına satışa çıxaracaq. Məhsullarımız Bolqariya, Türkiyə, İraq və Orta Asiya ölkələrinə satışa çıxarılacaq. Həmin dövlətlərlə artıq müqavilələr bağlanılıb. Şirkətimiz istehsal etdiyi məhsullarla Azərbaycana idxal olunan araq məhsullarının 80 %-ni dayandıracaq. Bu isə bazarda Ukrayna, Rusiya, Belarusiya məhsullarının 30-40 % ucuzlaşması deməkdir. Keyfiyyətimiz isə Azərbaycana idxal olunan məhsullardan olduqca üstün olacaq.

Zavodumuz eyni zamanda yerli məhsullar da istehsal edəcək. "WHITE TIGER”, "WHITE BEAR”, "EXCLUSIVE” araqları həmin məhsullara daxildir.

"TEQUILA” içkiləri Meksikada istehsal olunur.  Keçmiş Sovet ölkələrindən yeganə olaraq "TEQUILA” məhsullarının istehsalına Azərbaycanda "RUS AZERİ SPİRİTS” zavoduna icazə verilib. Zavod "TEQUILA”nın üç məhsulunu istehsal edəcək: "DILIGENCIAS”, "Sombrero”, "SENOR”.

Zavod   birnövbəli çalışacaq. İşçilər yerli əhali olacaq. Bu da rayonlarda yeni iş yerlərinin açılmasına böyük töhvədir. Zavodun qonaq evi var. Qonaq evi hər bir şəraitlə təmin olunmuşdur. Yaxın gələcəkdə zavod yeni layihələrlə müştərilərinin xidmətində dayanacaq. Respublikada ən yeni pivə zavodu "RUS AZERİ SPİRİTS”in nəzdində inşa olunacaq. Həmçinin zavodun nəzdində mağazalar olacaq. İstehsal olunan məhsullar həmin mağazalarda satışa çıxarılacaq. Hal-hazırda bir mağaza zavodun girişində, bir mağaza Bakı şəhərində istifadəyə hazırdır. Bakı, Gəncə və digər şəhərlərdə mağazalarımızın açılışı nəzərdə tutulur. 

Oktyabr ayının ortalarında zavodun möhtəşəm açılışı olacaq. Açılışda Rusiya, Ukrayna, Tatarıstan, Meksika səfirləri iştirak edəcəklər. Eyni zamanda İqtisadi İnkişaf  Nazirliyinin məsul şəxsləri, yerli icra hakimiyyətləri, marketlər şəbəkələrinin nümayəndələri, tanınmış simalar və media nümayəndələri də açılışda iştirak edəcəklər.

"RUS AZERİ SPİRİTS” Azərbaycanda analoqu olmayan zavoddur. Yeni zavodlarımızın açılışı işsizliyin aradan qaldırılması deməkdir. Hədəfimiz keyfiyyəti yüksəltmək, qiymətləri endirməkdir.