Sürücüləri qarət edən “İskəndər Asa" kimindir: Dövlət içində dövlət? – Polkovnik açıqladı
Reportaj2 oktyabr 2019 17:08
Bakı Nəqliyyat Agentliyi Bakıda parklama yerlərinin ödənişsiz, sürücülərdən pul alınmasınınsa qanunsuz olması ilə bağlı açıqlama yayıb.
Lakin buna baxmayaraq, Bakının demək olar ki, hər yerində bəzi şəxslər sürücülərdən pul tələb edir, üstəlik ödənişə görə də POS-terminalla sürücülərə qəbz verirlər. Qəbzdə isə "İskəndər Asa Parkinq" adlı müəmmalı bir MMC-nin adı qeyd olunur.
Bəs bu MMC kimə tabedir, sürücülərdən yığılan pullar hara gedir? Əlaqədar dövlət orqanları hara baxır? Bu günə kimi bir məsuliyyətə cəlb etmə faktı qeydə alınıbmı?
Bakı Nəqliyyat Agentliyinin mətbuat katibi Mais Ağayev Qaynarinfo-ya bildirdi ki, bu məsələni araşdırmaq BNA-nın səlahiyyətində deyil:
"Bu sualın cavabı sizin kimi bizə də çox maraqlıdır. Lakin bunu araşdırmaq bizim səlahiyyətlərə aid məsələ deyil. Buna görə də təklif edirəm ki, problemi mətbuat araşdırsın.
Bizim faktla bağlı hər hansı bir məlumatımız yoxdur. Ancaq məsələ ilə bağlı BNA tərəfindən müvafiq qurumlara müraciət olunub. Dediyim kimi, alınan vəsait qanunsuzdur. Vətəndaş qanunsuz hərəkətlə üzləşdiyi halda təbii ki, hüquq-mühafizə orqanlarına müraciət etməlidir".
Əldə etdiyimiz məlumata görə, yuxarıda adı qeyd olunan İskəndər Asa Parkinq MMC əvvəllər Bakı şəhər İcra Hakimiyyəti ilə işləyib. Daha sonra bu səlahiyyət İcra Hakimiyyətindən alınaraq BNA-ya verilib. Sonradan Nəqliyyat Agentliyi də nə üçünsə bu şirkətlə işləməkdən imtina edib. Baxmayaraq ki, parkinq yerləri BNA-nın tərkibində olsa da, bu şirkət bir çox parklama yerlərində iş başındadır.
"Bəli, biz yerləri təhvil almışıq. Amma qiymət hələ təsdiqlənməyib. Qiymət təsdiqlənmədiyi halda necə pul alına bilər? Bu şəxslər qanunsuz olaraq BNA-ya aid olan parklama yerlərində sürücülərdən pul toplayırlar", - BNA sözçüsü əlavə etdi.
Yol nəqliyyatı eksperti Elməddin Muradlı da Qaynarinfo-ya açıqlamasında bildirdi ki, vətəndaşlar ayıq olmalı və paytaxtda soyğunçuluqla məşğul olan İskəndər Asa Parkinq MMC-nin əməkdaşlarına pul verməməlidirlər:
"İskəndər Asa Parkinq MMC hüquqi şəxsdir, bir şirkətdir və bu şirkət iddia edir ki, onlar o parkinqləri Bakı şəhər İcra Hakimiyyətindən icarəyə götürüblər. Parkinq məsələsinə İcra hakimiyyəti nəzarət etdiyi dövrdə bunlar Bakı şəhər İcra Hakimiyyəti ilə müqavilə bağlayıblar və 100-ə yaxın parkinq onlara icarəyə verilib. Bu səlahiyyət Bakı şəhər İcra Hakimiyyətindən alındıqdan sonra həmin şirkətin əl-qolu bir az da genişlənir və Bakı şəhərində bütün parkinqlərə sahiblik etməyə başlayırlar. Lap götürsək ki, qanuni müqavilə ilə onlara 100-ə yaxın parkinq verilib, ancaq onlar 100-ə yaxın parkinqlə kifayətlənmirlər, yaranmış boşluqdan istifadə edərək bütün parkinqlərə adamlar qoyub pul yığırlar. Xüsusi Pos-terminalları var, onları göstərib, insanlara hədə-qorxu gəlirlər ki, ödəniş etməsəniz, sizə cərimə gələcək və s. kimi metodlardan istifadə edirlər. Konkret desək, soyğunçuluqla məşğuldurlar. Şəhərin ortasında İskəndər Asa Parkinq MMC əməkdaşları soyğunçuluğa yol verir və bunu çox təəssüflər olsun ki, bütün strukturlar bilə-bilə, qarşısını almaq üçün heç bir tədbir görmürlər. Mən BNA-nın açıqlamasını qəbul edirəm, başa düşürəm. Onlar öz üzərlərinə düşən missiyanı yerinə yetirib açıqlama verirlər ki, bizlik deyil. Amma kimlikdi, onu da demirlər. "İskəndər Asa Parkinq”in sahibinin kim olduğunu bir çox struktur bilir. Sadəcə olaraq, boş buraxıblar, onlar da bundan məharətlə istifadə edirlər, qanunsuz olaraq vətəndaşlardan pul yığırlar. Mənə elə gəlir ki, onların Bakı şəhər İcra Hakimiyyəti ilə olan müqaviləsinə dərhal xitam verilməli və onlar bu işdən kənarlaşdırılmalıdır. Əgər bu səlahiyyət İcra Hakimiyyətindən alınıbsa, onun verdiyi müqaviləyə də xitam verilməlidir. Başqa yol qalmır. Vətəndaşlar da ayıq olmalı, onlara pul verməməlidirlər. Çünki "İskəndər Asa Parkinq”in buna səlahiyyəti çatmır".
Məsələni dəqiqləşdirmək üçün "işarə oxları"nın tuşlandığı Bakı şəhər İcra Hakimiyyətinə də müraciət etdik. Qurumun Mətbuat xidmətinin rəhbəri İsrafil Kərimov açıqlamasında bildirdi ki, "Keçən ilin aprel ayından Bakı şəhərindəki bütün parkinqlər, yeraltı və yerüstü dayanacaqların səlahiyyəti Bakı Nəqliyyat Agentliyinə verilib. Ona görə də bu məsələnin Bakı şəhər İcra Hakimiyyətinə heç bir aidiyyəti yoxdur. Çünki dediyim kimi, bütün səlahiyyətlər BNA-ya verilib".
Onu da qeyd edək ki, İskəndər Asa Parkinq MMC ilə bağlı axtarışlarımız nəticəsiz qaldı. Çünki sözügedən qurumla bağlı rəsmi ünvana, sayta, telefon nömrəsinə, bir sözlə, əlaqə yaratmaq üçün heç bir vasitəyə rastlamadıq - xəbər saytlarında yer alan mənfi xəbərlərdən başqa...
Bəs bu qurum hara baxır, haradan, kimdən, hansı dövlət qurumundan icazə alaraq sürücülərdən pul yığır?
"Belə olan təqdirdə sürücülərə ancaq diqqətli olmaq düşür”. Bunu isə Qaynarinfo-ya açıqlamasında Bakı şəhər Dövlət Yol Polisi İdarəsinin bölmə rəisi, polkovnik Vaqif Əsədov dedi. Polkovnik xüsusi olaraq vurğuladı:
"Bir halda ki, pulsuz olan parklama yerlərində qeyri-qanuni yolla pul yığılır, sürücülər diqqətli olub bu məsələ həllini tapana qədər pul verməsinlər. Yox, əgər kimsə sürücülərdən israrla pul tələb edirsə, ərazi üzrə polis orqanlarına müraciət edərək şikayət etmələrini tövsiyə edirəm".
Oxşar xəbərlər
- Allahverdi İsrafilov və qohum-əqrəbası BakI Dövlət Sirkini zəbt edib…
7 may 2024 12:14
- Füzulidə dağıntıların miqyasını görəndə çox təsirləndim - ABŞ səfiri
7 may 2024 02:13
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
7 may 2024 01:30
- 500 illik zavod görün hansı sirrin üstünü açdı
7 may 2024 00:32
- Elçin Quliyev III Çarlzla bir arada - Fotolar
7 may 2024 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
7 may 2024 01:02
- Alimlər 2700 ildən çox yaşı olan Assuriya məbədinin sirrini açdı
4 may 2024 22:25
- COP29: Bakıda 70 min nəfərlik tədbir
3 may 2024 18:53
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
3 may 2024 12:45
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
2 may 2024 22:16
Xəbər lenti
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
Video & Fotoqalereya
Video
Fotoqalereya