Cinayətkar aləmin iyerarxiyası: “Leş”, “Beluqa”, “Bala”, “Volk” (VİDEO)

Maraqlı21 oktyabr 2019 20:11

"Leş Tofiq”, "Beluqa Tahir”, "Bala Tofiq”, "Volk Qədir”... Son günlər bu kimi ləqəblər sosial şəbəkələrdə ən çox müzakirə və məsxərə obyektinə çevrilib. Hüquq mühafizə orqanları tərəfindən müxtəlif cinayətlərə görə, saxlanılan şəxslərin cəmiyətə belə təqdim olunması, əksər insanlar tərəfindən birmənalı qarşılanmır.

ARB TV-nin "Günə Doğru” proqramında mövzu ilə bağlı maraqlı süjet hazırlanıb.
Sakin: "Mənfi münasibət bəsləyirik. Günahı da özümüzdədir. Çünki biz elə şərait yaradırıq”.
Ekspertlər deyir ki, bu kimi taxılma adlar və ya ləqəblər kriminal aləmlə bağlıdır. Eyni zamanda bu kimi terminlər həmin insanların fəaliyyət sahəsi ilə də bağlıdır.
Teymur Baloğlanov  - Kriminalist ekspert: "Onlar öz aralarında bir-birlərini tanımaq üçün xüsusi ləqəblər götürürlər. Bəzən bu ləqəblərin içərisində alçaldıcı ifadələr də yer alır. Bu adətən cinayətkar aləmdə iyerarxiya ilə bağlıdır. Onlar bəzən belə ləqəblərdən istifadə edirlər ki, hüquq-mühafizə orqanları tərəfindən onların şəxsiyyətini müəyyən etmək çətin olsun”.
Mahmud Hacıyev - Sabiq Polis rəisi: "Bəzən bu ləqəblər kiminsə fiziki qüsurlarına uyğun şəkildə qoyulur, bəzən isə məşğul olduğu sahəyə uyğunlaşdırılır”.
Mütəxəsisslər deyir ki, onların belə təbliğ olunması, eləcə də gülüş məsxərə obyektinə çevrilməsi həmin insanların mənəvi sarsıntı keçirməsinə yol açır.
Əli Nağıyev – Psixoloq: "Bu ləqəblər bəzən həmin insanların psixologiyasından xəbər verir. Çünki o insanlar istəyir ki, onu belə adlandırsınlar, belə çağırsınlar. Bu hansısa insanlarda psixi problemlərin göstəricisi ola bilər”.
Mahmud Haciyev - Sabiq Polis rəisi: "Siz rəsmiyyətə salıb elə adamların ad soyadını soruşsanız onları tanıyan adamların heç  biri onu tanımayacaq, lakin siz onların ləqəblərini desəniz hər kəs tanıyacaq”.
Adlar həm də insanın xarakterinə uyğunlaşır. Elə o adın üzərinə götürülən xüsusi ləqəblər də. Amma bəzən taxılma isimlərin böyüklüyü o insandan da, adında da uca olur. Və əbədiyyən onu xatırladır. Yaxşısı ilə, pisi ilə...

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1326