Xameneyi aksiyalardan danışıb, qiymət artımını dəstəklədi

İranın dini lideri Ayətullah Əli Xameneyi ölkədə keçirilən aksiyalara münasibət bildirib.

“Qafqazinfo” xarici mediaya istinadən xəbər verir ki, Xameneyi əslində aksiyalarda İran xalqının yox, İran düşmənlərinin iştirak etdiklərini deyib. O, eyni zamanda benzinin qiymətinin 50% artırılmasını dəstəkləyib:

“Bəzi insanlar bu qərardan narahatdır. Təxribatlar və yanğınlar xalq tərəfindən yox, xuliqanlar tərəfindən törədilir. Benzinin qiymət artımı isə mütəxəssis rəyinə əsasən edilib, hər kəs tərəfindən dəstəklənməlidir. Təhlükəsizlik qüvvələrini də vəzifələrini yerinə yetirməyə çağırıram”.