Azərbaycanlı biznesmen Rusiyanın məşhur mağazalar şəbəkəsini aldı

29 yaşlı İlqar Sabir oğlu Səfərova məxsus “Falcon Home Distribution” şirkəti 2019-cu il dekabrın 12-də “Mosxoztorq” mağazalar şəbəkəsinin yeganə sahibinə çevrilib. “Qafqazinfo” “RBK”ya istinadən bildirir ki, bu barədə Rusiyanın Rusiyanın hüquqi şəxslərin qeydiyyatı Reyesterindən bildirilib.

Buna qədər “Mosxoztorq”un 39,5%-i reteylerin təsisçilərindən biri İlya Polyaçkova məxsus olub. O, aksiyaları hansı səbəbdən satdığını açıqlamayıb.

2018-ci ildə Sofiyada qeydiyyatdan keçən “Falcon Home Distribution” barədə şirkətin mebel, parça, ayaqqabı və s. malların satışı ilə məşğul olduğu məlumdur. Onun əvvəlki sahibi 50 yaşlı Azərbaycan vətəndaşı Zaur Mişiyev olub. 2019-cu ilin sentyabrından onun yeganə sahibi Azərbaycan vətəndaşı İlqar Səfərovdur.

2019-cu il ərzində “Mosxoztorq”un aksiyonerlərinin tərkibi dəfələrlə dəyişib. Fevraldan sentyabradək kompaniyanın 10%-i Sankt-Peterburqlu sahibkar İlya Traberə məxsus olub. Daha əvvəl öz payından şəbəkənin təsisçilərindən biri olan Veronika Kiryanova imtina edib.

“Mosxoztorq” mağazalar şəbəkəsi ötən ildən problemlər yaşamağa başlayıb - ard-ardınca mağazaları bağlanıb. Nəhayət, bu idən şəbəkənin yalnız 20 mağazası fəaliyyət göstərir.

Bundan əlavə, “Mosxoztorq”la bir çox təchizatçılar və şəbəkənin kirayişinləri məhkəməlik olub. Ötən ildən şirkət ödənişləri gecikdirməyə başlayıb. İndi kompaniya ümumi dəyəri 149,6 milyon rubl olan 53 işə görə cabahdehdir.