Vəsilə Abulova əxlaqlı təbliğat-təşviqat aparan xanım namizəddir

Qadınlar zərif varlıq olsalar da, onlar daim yaşadığımız cəmiyyətdə müstəsna rola malik olublar. Belə ki, bugünə kimi ölkəmizin ictimai-siyasi həyatında xüsusi rol oynayan Azərbaycan qadını, məhz yenə də bu yöndə fəaliyyətini davam etdirməkdədir. Hər kəs açıq-aşkar şəkildə təsdiq edə bilər ki, Azərbaycan Respublikası dövlət müstəqilliyini əldə etdikdən sonra, qadınlar dövlət quruculuğu proseslərində və dövlətimizin siyasi–iqtisadi qüdrətinin, beynəlxalq nüfuzunun artırılmasında və s. əvəzsiz rol oynadılar. Bu da bir faktdır ki, hal-hazırda qadınlar ölkəmizin səhiyyə, təhsil, mədəniyyət və s. kimi sahələrində daha çox çalışırlar və üzərinə düşən vəzifələri dolğun şəkildə də yerinə yetirirlər. Bəli, onu da qeyd edək ki, bu gün Azərbaycan qadını bəzi sahələrdə fiziki işlərin yerinə yetirilməsi ilə də məşğul olurlar və hər zamman yenilməzlik nümayiş etdirməklə, açıq-aşkar şəkildə nəyə qabil olduqlarını ortaya qoymağı da bacarırlar. Belə bir səbəblər üzündəndir ki, hal-hazırda tam əksəriyyət Azərbaycan qadınını məğrur, qəhrəman, yenilməz bir obrazda görürlər. Yəni, bu da o deməkdir ki, respublikamızda qadın azadlığına, qadın hüququna, şərəf və ləyaqətinin müdafiə olunmasına olduqca önəm verilir. Ona görə də hər kəs qadın adına, qadın ləyaqətinə hörmətlə yanaşmalı, onu lazımınca qiymətləndirməyi də bacarmalıdır. Bu belə olmalı olduğu halda sual oluna bilər ki, görəsən hər kəs Azərbaycan qadınına qarşı belə bir yanaşmanı ortaya qoymağı bacarırmı? Əsla, yox! Çünki, son günlər tərəfimizdən aparığımız araşdırmalar və ümumi müşahidələrimiz zamanı tam şəkildə bunun əksini gördük.

Yəqin ki, o da tam əksəriyyətə bəllidir ki, ölkəmizdə həyata keçirilən islahatların nəticəsi olaraq 09 fevral 2020-ci il tarixdə Azərbaycan Respublikasının Milli Məclisinə növbədənkənar seçkilərin keçirilməsi qərara alındı. Belə bir qərardan sonra Azərbaycan Dəmir Yolları QSC-i, Maliyyə idarəsi rəisinin müavini vəzifəsini daşıyan Vəsilə Çapay qızı Abulova da, keçiriləcək parlament seçkilərində iştirak etmək üçün namizədliyini 99 saylı Şəmkir kənd seçki dairəsindən irəli sürdü və qanunamüvafiq qaydada onun namizədliyi qeydə alındı. Qeyd olunası halın varlığı odur ki, həm çalışdığı sahədə, həm də ictimai-siyasi həyatda öz fəallığı ilə seçilən Vəsilə xanım Abulova, çox keçmədi ki, namizədliyi qeydə alınmış seçki dairəsi ərazisində hədsiz dərəcədə nüfuz sahibi oldu. Adicə bir faktı deyək ki, rayonun kənd və qəsəbələrində, iri yaşayış məntəqələrində seçicilərlə adı çəkilən xanımın görüşü zamanı böyük izdiham yaşanmaqdadır. Bütün bunlara da səbəb, 99 saylı Şəmkir kənd seçki dairəsindən namizədliyi qeydə alınmış Vəsilə xanımın sadə xarakterə malik olması, hər kəsə qarşı həssaslıq nümayiş etdirməsi, seçiciləri maraqlandıran məsələ və problemlərə məntiqlə, faktlara əsaslanmaqla cavab verməsi olur. Belə bir göstəriciləri özündə cəmləşdirən, qısa müddət ərzində seçici etimadını qazanan Vəsilə xanım Abulovanın bugünkü reytinqi olduqca yüksəkdir və 9 fevral günü qələbəsi də qaçılmazdır. Əslində, ali qanunverici orqanda kifayət qədər hazırlığa, lazımi göstəriciləri özündə cəmləşdirən şəxslər olmalıdır ki, ən ümdə məsələlərimizin həllinə qısa zaman kəsiyində nail ola bilək.

Düşündürücü hal odur ki, bu gün Vəsilə xanım Abulova 99 saylı Şəmkir kənd seçki dairəsi ərazisində uğurlu təbliğat-təşviqat kompaniyasını həyata keçirməkdədir. Atdığı hər bir addımın, seçicilərlə keçirdiyi hər bir görüşün olduqca uğurlu alınmasına əsas səbəb, məhz bu xanımın öz rəqiblərinə, rəqiblərini təbliğ edən hər kəsə qarşı əxlaqlı kompaniya aparmasıdır. Yəni, bir kimsə deyə bilməz ki, təbliğat–təşviqat kompaniyasının keçirildiyi ötən günlər ərzində o, hansısa şəxsə qarşı “qara piar” kompaniyasından istifadə edib. Vəsilə xanımın əxlaqlı kompaniya aparmasına baxmayaraq, bu gün onun uğuruna sevinməyənlər də var. Belə ki, hal-hazırda sosial şəbəkələrdə bu xanımın adı ətrafında xoşagəlməz məlumatlar yayanlar da tapılır. Həmin şəxslər isə heç bir halda düşünmürlər ki, fakta söykənməyən, əsası olmayan məlumatlar nə uzağa gedər, nə də ki, əsaslı uğura kölgə sala bilər. Yəni, onu dərk etmək lazımdır ki, Vəsilə xanım millət vəkili olmaq üçün lazımi kriteriyaları özündə cəmləşdirən bir şəxsdir. Ona görə də düşünürük ki, əxlaqlı təbliğat-təşviqat kompaniyası aparan, elmi cəhətdən hazırlıqlı olan, insanlarla ünsiyyət qurmağı bacaran, ən əsası öz qabiliyyəti ilə seçici etimadını qazanan bu xanıma qarşı əxlaqlı davranmaq lazımdır. Ən əsası, o, bir Azərbaycan qadınıdır, millət vəkili olmaq üçün iddiasını ortaya qoyan xanımdır. Yəqin ki, əxlaqı olan hər kəs Vəsilə xanıma qarşı formalaşdırmaq istədiyi çirkin oyun qaydalarından əl çəkib, sivil mübarizə yolunu seçəcək. Məsələnin təəssüf və təəccüb doğuran tərəfi odur ki, adı çəkilən namizədə qarşı düzülüb-qoşulan çirkli oyun qaydalarında, bəzən baş rollarda hansısa KİV nümayəndəsi durur. Bu da o deməkdir ki, həmin media mənsubları hansısa “çirkli pullar”ın “qurbanı”na çevriliblər. Odur ki, bir qədər düşünmək, bir qədər də götür-qoy etmək gərəkdir. Yoxsa, …Millimeclisxeber.az