Məktəblərin bağlanması müəllimlərə də aiddir

"Koronavirus təhlükəsi ilə əlaqədar tədrisin dayandırılması ilə bağlı çıxarılan qərar təkcə şagird və tələbələrə deyil, eləcə də təhsil müəssisəsinin bütün işçi heyətinə şamil olunur".

"Qafqazinfo" xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Qurum rəsmisinin sözlərinə görə, ilk tədris günü martın 10-da olmaqla martın 3-dən 9-dək bütün təhsil müəssisəslərində təlim-tərbiyə prosesi müvəqqəti dayandırılır. Əsas məqsəd bu müddət ərzində təhsil müəssisəslərində tibbi-profilaktik, sanitar-epidemioloji tədbirlərin intensivləşdirilməsidir. 

Qeyd edək ki, bu, nazirliyin tabeliyində olub-olmamasından asılı olmayaraq, bütün dövlət və özəl təhsil ocaqlarına aiddir.