Buraxmış deputat qoca jurnalistdən 10 min manat istəyir
“Möhtərəm hakim, bu foto da həmin qızla təyyarədə çəkilib, baxın Axundov dilini çıxarıb…” Bakı Apelyasiya Məhkəməsində hakim İlham Kərimlinin sədrliyi ilə ölkə ictimaiyyətinin diqqət mərkəzində olan apelyasiya şikayətinə baxılır. Məhkəmədə buraxılmış parlamentin deputatı Elmira Axundovanın, onun oğlu Həbib Axundovun adı hallanan qalmaqallı dələduzluq əməllərindən yazan qocaman jurnalist Firuz Haşımovun əsassız olaraq cərimələnməsi məsələsi mübahisə mövzusudur.
2013-cü ildə Axundovların adı 8 milyon manatlıq dələduzluq işində hallandıqdan sonra bir çox mətbu orqanlarda bu haqda yazılar dərc olunub. Həmin yazıların bir neçəsini iddialarına əlavə edən Elmira Axundova və oğlu Həbib Axundov ayrı-ayrı məhkəmə instansiyalarına üz tutublar. İddia ediblər ki, 8 milyon manatlıq dələduzluq işinə aidiyyətləri yoxdur, onlar heç kimdən pul almayıblar. Məhkəməyə təqdim etdikləri məqalələrdə yer alan faktların da şərəf və ləyaqətlərini alçaltdığını, işgüzar nüfuzlarına xələl gətirdiyini iddia ediblər. 82 yaşlı jurnalist Firuz Haşımovu məhkəməyə çəkməklə yazıların müəllifi olduğuna israr ediblər. Firuz Haşımov Binəqədi Rayon Məhkəməsində 3 il sərasər davam edən, faktiki isə heç bir araşdırma aparılmayan məhkəmə prosesləri boyu iddialara əlavə olunan məqalələrin müəllifi olmadığını bildirib. İş üzrə 3 hakim dəyişsə də, nəticə etibarı ilə Firuz Haşımovu dinləyən olmayıb. Məqalələrin onun və Həbib Axundovun, Elmira Axundovanın adı hallanan 8 milyonluq dələduzluq işi üzrə digər zərərçəkənlərin yazması haqda qeyri-müəyyən qətnamə çıxarılıb. Firuz Haşımov da daxil olmaqla dələduzluq işi üzrə zərərçəkənlərin hər biri məqalələrə görə ayrı-ayrılıqda 10 min manat cərimə olunublar. Sahib Quliyev deyib ki, Elmira Axundova ile ilgili görsel sonucu Qocaman jurnalist müəllifi olduğu məqalələrdə, hansılar ki, məhkəməyə təqdim olunmayıb, Axundovları tənqid etdiyini, təhqirə yol vermədiyini deyir. Firuz Haşımov Binəqədi Məhkəməsinin məlum qanun adına yamaq, böyük biabırçılıq adlandırıla biləcək qətnaməsindən apelyasiya şikayəti verib. Bakı Apelyasiya Məhkəməsində Firuz Haşımovu müdafiə edən vəkil Sahib Quliyev deyib ki, müvəkkili eyni iddia üzrə digər məhkəmə prosesində cərimə olunub. Həmin iş hazırda Avropa Məhkəməsindədir. “Həmin iddia yolverilməz olsa da, məhkəmə qəbul etmişdi. Forma və məzmununa görə düzgün olmayan iddia idi. İddia ərizəsində yazırdılar ki, guya cavabdehlər Axundovlar haqda həqiqətə uyğun olmayan məlumatları KİV-də yayıblar. Söhbət ondan gedir ki, zərərçəkənlərin əksəriyyəti ittiham aktında, məhkəmə hökmündə də, konkret Fərman Məmmədovla bağlı hissədə göstərilir ki, Həbib Axundova 575 min manat biznes üçün pul verib. Bununla bağlı ölkə rəhbərliyinə müraciətlər ünvanlanıb və zərərçəkənlər xahiş ediblər ki, məsələ nəzarətə götürülsün. Burada təhqir, böhtan haradadır?” Sahib Quliyev deyib ki, Elmira Axundova ile ilgili görsel sonucu Sahib Quliyev deyib ki, Elmira Axundova bu məsələlərlə bağlı hüquq-mühafizə orqanları rəhbərlərinə müraciətlər ünvanlayıb: “Axundovaya verilən cavablarda qeyd olunur ki, bəli, Həbib Axundov Fərman Məmmədovdan pul alıb. Həbib Axundov həmin pulu kimə verib özü bilir. Fərman Məmmədov həmin adamları tanımır. Yəni Binəqədi məhkəməsi bu və digər çoxsaylı faktlar ola-ola iddianı icraata götürüb. Əslində isə iddianın icraata qəbulu yolverilməz idi. Ən əsası isə burada kiminsə təhqir olunmasından söhbət getmir. İddia əsassız olduğundan rədd olunmalıdır”. Axundovların vəkili Afət Qazıyeva vəkilin fikirlərinə münasibət bildirməyib. Firuz Haşımov ile ilgili görsel sonucu Firuz Haşımov F.Haşımovun digər vəkili Elçin Sadıqov deyib ki, Binəqədi Rayon Məhkəməsi hesab edib ki, həmin məlumatlar subyektiv mülahizə xarakteri daşımaqla Axundovların şərəf və ləyaqətini ləkələyib: “Cavabdehlər həmin məlumatların doğruluğunu sübut edə bilməyiblər. Məhkəmə məqalələrdəki faktlara qiymətverici mülahizə kimi yanaşıb və sübut olunmasını tələb edib. Yazır ki, bunu sübut edə bilmədilər. Avropa Məhkəməsinin birmənalı mövqeyi ondan ibarətdir ki, faktın doğruluğunu sübut etmək vəzifəsi qarşı tərəfin üzərinə qoyulmalı qanuni vəzifələrdən olsa da, qiymətverici mülahizələrin sübut olunmasını tələb etmək Konvensiyanın 10-cu (ifadə azadlığı) maddəsinə ziddir. Məhkəmə həmin məqalələrdəki fikirlərə mülahizə kimi yanaşdığından mülahizənin doğruluğunu sübut etməni tələb etməsi əsassız olub. Qiymətləndirici mülahizənin deyilməsi üçün faktual baza var idi. Birinci instansiya məhkəməsində də sənədləri təqdim etmişik. Hazırda da faktları məhkəməyə təqdim edirik. Həbib Ramiz oğlu Axundov ”Amalya” Məhdud Məsuliyyətli Cəmiyyətdə 40 faiz paya sahibdir. Daşınmaz Əmlakın Dövlət Reyestrində pulun mənimsənildiyi dövrdə əmlaklar əldə edib. Məhkəməyə Həbib Ramiz oğlu Axundova məxsus avtomobillərin siyahısını da təqdim edirik. Bu sənəd Baş Dövlət Yol Polisi İdarəsi tərəfindən verilib və onun 111 nömrəsi ilə olan avtomobillərinin siyahısıdır. Adamın sürdüyü avtomobillərin nömrəsi hamısı 111-lədir. Bu da ona məxsus villaların fotolarıdır. Bu siyahıda isə Axundovlara məxsus daşınmaz əmlakların siyahısıdır. Hörmətli sədr, baxın, deyirlər ki, Firuz Haşımov harınlıq milli xəyanətə bərabərdir qiymətləndirici mülahizə yazıb. Bu da Axundov Həbibin fotolarıdır, mətbuatda yayılıb. Xalq necə yaşayır, onun da yanında olan gəzdiyi qızın əlində 50 min dollar var. Möhtərəm hakim, bu foto da həmin qızla təyyarədə çəkilib, baxın, Axundov Həbib dilini çıxarıb, bu da bir başqa fotodur, yenə də Həbib Axundov dilini çölə çıxarıb. Bu da həmin qızla bir başqa fotosudur Həbib Axundovun, yenə də əllərində pul paçkalarıdır. Xahiş edirəm bunları işə əlavə edin. Bu da Hafiz İbrahimovun fotosudur, cinayət işinin materiallarında o, bir gündən bir Elmira Axundovaya 5 min manat pul aparıb. Hazırda dələduzluğa görə həbsdə olan Elnur İbrahimovun əmisi oğludur. Məhkəmə götürüb qətmanə çıxarıb ki, iş üzrə cavabdehlərin hər biri 10 min manat cərimələnməlidir. Məhkəmə aydınlaşdırmayıb ki, həqiqətən iddiaçılara zərər vurulubmu? Pul kompensasiyanın ödənilməsinə yönəlir, yoxsa cavabdehləri cəzalandırmaq məqsədi daşıyır? Burada açıq-aşkar məhkəmə 10 min manatın haradan götürüldüyünü müəyyən etmir. Aydınlaşdırmayıb ki, iddiaçının şərəf və ləyaqətinin müdafiəsi məqsədi daşıyıb ya yox. Qarşı tərəfin iddiası cavabdehləri cəzalandırmaq və öz yolundan döndərmək məqsədinə xidmət edib. İş materiallarında ərizə var, cavabdehlərdən biri yazılan ifadələrdən imtina edir və hər iki şəxs – Elmira Axundova və oğlu Həbib Axundov həmin gün ərizə verirlər ki, biz həmin cavabdehə qarşı iddia tələbindən imtina edirik. Yaxşı, əgər iddiaçılara zərər vurulmuşdusa, necə ola bilər ki, cavabdeh geri götürən kimi məsələ bitir? Bu iddia faktiki olaraq bu işdə cavabdeh olan, digər işdəsə zərərçəkən olan şəxslərin iddialarından əl çəkməsinə hesablanıb. Hazırda isə məqsəd odur ki, müdafiə etdiyim şəxsi öz fikirlərindən dönməyə məcbur etsinlər. Yəni bir ərizə yazsın ki, belə bir şey olmayıb”. Elçin Sadıqov ile ilgili görsel sonucu Elçin Sadıqov məhkəməyə Elmira və Həbib Axundovların dövlət qurumlarından verilən çoxsaylı avtomobillərinin, mal-mülklərinin siyahılarını da təqdim edib. Bundan başqa, KİV-lərin sorğulara verdiyi cavablar da məhkəməyə təqdim olunub. Axundovların vəkili Afət Qazıyeva Binəqədi məhkəməsinin qətnaməsini müdafiə edib. Konstitusiyanın 14-cü maddəsinə istinad edən vəkil deyib ki, hər kəsin şəxsi toxunulmazlıq hüququ var. Deyib ki, hər kəsin ailə sirrini saxlamaq hüquq var: “Firuz Haşımov ilk gündən bu işdən yazır. Ekspertiza rəylərində müəyyən olunub ki, Elmira Axundova və Həbib Axundov barəsində işlədilmiş ifadələr mənfi fikir yaratdığı üçün böhtan olduğu halda şərəf və ləyaqəti ləkələyən məlumatlar hesab olunur. Bu, ekspertin verdiyi rəydir və hesab edirəm ki, bu rəyin qarşısında nəsə demək doğru deyil”. Elçin Sadıqovun “İş materiallarında deputat Elmira Axundovanın və oğlunun əmlakları ilə bağlı sənədlər təqdim olunur. Bu barədə nə deyə bilərsiz” sualına Afət Qazıyeva “Kimin nə haqqı var kiminsə əmlakları haqda məlumatları yaysın” şəklində cavab verib. Elçin Sadıqov həmin sənədlərdə yer alan məlumatların həqiqət olub-olmamasına Afət Qazıyevadan aydınlıq gətirməsini istəyib. Axundovların vəkili suala konkret cavab verməyib. Elçin Sadıqov məhkəməyə müraciət edərək suala cavab verilməsini istəyib. Afət Qazıyeva deyib ki, suala cavab vermək onun borcu deyil. Elçin Sadıqovun “Siz şərəf və ləyaqətin müdafiəsi ilə bağlı iddia qaldırmısız. Niyə məhz şərəf və ləyaqətin ləkələndiyini hesab edirsiz? İşgüzar nüfuza zərbə vurulmasını niyə hesab etmirsiz?” sualına Afət Qazıyeva “Bununla bağlı mütəxəssis rəyi var” cavabını verib. Elçin Sadıqov isə bildirib ki, verilmiş ekspert rəyindən görünür ki, ekspert şərəf və ləyaqət məsələsi ilə işgüzar nüfuz məsələsini ayırd edə bilmir. Bundan sonra prosesdə martın 31-nə qədər fasilə elan olunub. (Yeni Müsavat)
- Prezident Zakir Fərəcovla Gündüz Əliyevin işini nəzarətə götürsə... - Sahibkarlar xahiş etdi
10 may 2024 12:47
- Alman ayaqqabısı - Daşqın Məmmədovun hekayəsi
9 may 2024 23:03
- Prezidentlə xanımı Həzi Aslanovun məzarını ziyarət etdi
9 may 2024 12:11
- İşdən çıxarılan məşhur cərrah danışdı
8 may 2024 10:22
- Allahverdi İsrafilov və qohum-əqrəbası BakI Dövlət Sirkini zəbt edib…
7 may 2024 12:14
- Direktor cərrahı işdən çıxardı, cəzalandırıldı
7 may 2024 11:42
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
7 may 2024 01:46
- SSRİ xəritələrinə baxın: o ərazilər Azərbaycanındır - Tomas de Vaal
7 may 2024 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
7 may 2024 00:53
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
7 may 2024 01:02
- Anası ayrılmaq istəyib, məşqçi də hirsini Fəriddən çıxıb – Şahid DANIŞDI
13 may 11:42
- Prezident qəbul keçirdi - Fotolar
13 may 11:13
- Prezident məni bağrına basdı, çox həyəcanlı idim - Fotolar
12 may 12:09
- Zakir Fərəcov məhkəməyə verildi
11 may 19:34
- Ziba Osmanova iki azyaşlını maşınla vurdu
11 may 19:18
- Ramiz Tahirov vəzifəsindən azad olundu - Foto
11 may 16:54
- Güllələnən icra başçısının qızına da Şuşada ev verildi - Foto
11 may 16:39
- Prezident Füzulidə açılış etdi - Fotolar - Yenilənib
10 may 16:17
- Müşfiq Atakişiyevə 14 il 6 ay həbs cəzası verildi
10 may 16:10
- İnsan dərisindən əşya hazırlayan, məhbuslara cəhənnəm əzabı yaşadan ər-arvad (VİDEO)
10 may 12:27
- Prezident Zakir Fərəcovla Gündüz Əliyevin işini nəzarətə götürsə... - Sahibkarlar xahiş etdi
10 may 12:20
- Prezidentlə xanımı Heydər Əliyevin məzarını ziyarət etdi - Fotolar
10 may 12:00
- Sənədsiz evi olanlara şad xəbər
09 may 23:29
- Rusiya sərhədçiləri Ermənistanın hansı bölgəsində qalacaq?
09 may 23:20
- Alman ayaqqabısı - Daşqın Məmmədovun hekayəsi
09 may 23:03
- Prezidentlə xanımı Həzi Aslanovun məzarını ziyarət etdi
09 may 12:11
- Bu ölkədə ilk dəfə qadın prezident seçildi
09 may 12:06
- Azərbaycanda Qələbə Günü qeyd olunur
09 may 11:57
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42