Rejissor: Tovuzdakı real döyüşləri əks etdirən sənədli çarxı tezliklə təqdim edəcəyik

Öncə onu qeyd edim ki, Oktay Əliyev böyük bir yaradıcı məktəbin yetirməsidir.

O, 2003-cü ildə Azərbaycanda keçirilmiş “Naməlum kino” festivalında 18 ölkədən qatılan nümayəndələr arasında “Ən obyektiv jurnalist” nominasiyasına layiq görülüb. Müxtəlif telekanallarda dəfələrlə maraqlı layihələrlə izləyicilərin qarşısına çıxıb. “Retro”, “Kinoklubda görüş”, “Həyatın bir anı” kimi Qızıl fondda saxlanılan proqramların yaradıcı qrupunda iştirak edib. AzTV kimi yaradıcı bir məktəbin yetirməsi olmasıyla fəxr edir. Ən hörmətlə andığı ad isə bu günlərdə koronavirus səbəbi ilə həyatını itirən Kinoproqramlar və dublyaj Baş Redaksiyasının baş redaktoru, Əməkdar incəsənət xadimi Etibar Babayevdir. Oqtay ilə söhbətimizə də əziz müəlliminin, ustadının xatirəsi ilə başlayır.

– Əslində bu günlər çox üzüntülüyəm. Etibar müəllimin ölümü məni dərindən sarsıtdı. O mənim üçün müəllim, ustad olmaqla yanaşı, böyük qardaş idi. İncəsənət Universitetinə daxil olandan sonra, elə birinci kursdan onun yanıında rejissor assisenti kimi işləməyə başlamışam. Ali məktəbdə sadəcə dərs keçilir, iş prossesində isə sən her şeyi yerində öyrənirsən, həm də daha dərin və daha yaxşı. Bu mənada mən rəhmətlik Etibar müəllimə çox şey borcluyam. Çox gözəl insan idi, Eyni zamanda işinin peşəkarı, zəhmətkeş ,öyrənməyi və öyrətməyi sevən sənətkar idi. Mən onun şəxsində həm qardaşımı, həm ustadımı, həm də dəyərli bir insanı itirmişəm.

– Bəxtim onda gətirib ki, həmişə gözəl müəllimlərim olub. Mənə peşəmin sirlərini öyrədən ustadım İman Məcidovun adını da çəkmək istəyirəm. Həmidə Ömərova universitetdə oxuyanda dərs deyirdi mənə. O zamanlar mən də AzTV- də Kinoproqramlar və dublyaj Baş Redaksiyasında işləyirdim, dərsə gedə bilmirdim. Semestrin sonunda mənə dedi ki, səni dərslərimdə görmürəm, qiymət yazmayacam . Mən də dedim ki, Həmidə xanım mən kinoproqramlar redaksiyasında işləyirəm. Qucaqladı məni, dedi sən ən yaxşı dərsi elə orda almısan, qiymətin hazırdır.Sonralar da məşhur “Retro” proqramının birlikdə çalışdıq.

– Bəli, bizim hər zaman izləyicilərin marağını çəkən məhsullarımız olub.Hədiyyələrlə, musiqyiqlə, eyni zamanda ciddi social, ictimai proqramlarla efirlərə çıxmışıq, sözümüzü demişik. Yeni işlərimiz də var. Bir neçə layihə planlamışıq, hətta bir neçəsi artıq hazırdır, bu günlərdə efirlərə çıxacaq. Sadəcə pandemiya bütün sahələrdə olduğu kimi, bizim işlərə də müəyyən durğunluq gətirdi. Bir uşaq verilişi hazırlayırıq. İki kanalda veriləcək. Sosial şəbəkələrdən ən çox yer alan xəbərlərin toplusunu da bir proqramda yeni formatda təqqdim edəcəyik. Bir çox çəkilişlərimiz var ki, onları dayandırdıq ki, nə əməkdaşlarımız, nə də aralarında olduğumuz insanları yoluxdurmayaq. Türkidilli ölkələr arasında pop musiqi yarışması keçirəcəkdik. Danışıqlar aparmışıq, razılaşmalar, müqavilələr hazır idi. Pandemiyaya görə bu layihəni saxlamalı olduq. Amma indi onu da düşünürük ki, biz işimizi elə quraq, formatlarda bir balaca dəyişiklik edərək layihələrimizi ləngitmədən təqdim edə bilək.

– Sərhəddə, Tovuzda igid general və əsgərlərimizin həlak olması ürəyimizə toxunsa da bizi sarsıtmadı. Xalq olaraq ayaqlanmağımız da bunu göstərdi. Biz indi şəhid olan general və əsgərlərimiz haqqında bir sənədli film üzərində işləyirik. Real kadrlarla 15-20 dəqiqəlik bir çarx olacaq. Heç yerdə görünməyən lentlər var. Çox maraqlı bir iş alınacağından əminəm və bunu telekanallarımıza təqdim edəcəyik. Kommersiya filmi deyil, sırf şəhidlərimizin xatirəsinə ithafən yaradılıb, əminəm ki, kanallarımız da bu sənədli çarxın nümayişinə dəstək verəcəklər. Bu günlər xalqımızın mübariz ruhunu görmək, hiss etmək dilə gəlməyəcək qədər gözəl duyğudur. Mən özüm də hərbi xidməti Sərhəd qoşunlarında keçmişəm, Lazım gələrsə, vətən çağırarsa, bu uğurda canımı verməyə hazıram.Bu işdə təcrübəmin olduğunu da düşünərək hesab edirəm ki, Sərhəd Qoşunlarında mənim iştirakım faydalı olar.

– Əslində hərbi xidmət keçmiş hər kişi yazıldı-yazılmadı, döyüş başlayarsa dərhal səfərbərlik xidmətinin qarşısında olmalıdır.Döyüş başlasa əlbəttə ki, hər işi qoyub , ilk növbədə vətəni qorumağa dəcəyik. Bəli, mən də yenidən könüllü əsgər olaraq yazılmışam.Üstəlik, əslən Bakı olsam da, məni Tovuza bağlayan xüsusi tellər var.

– Olur həyatda hamının başına hər iş gəlir. Biz bəzən elə bilirik ki yaxşılıq edirik. Amma nəticəni zaman göstərir, sən yaxşılıq etmisən yoxsa yox. Mənə də belə bir zərbə dəydi. Mənəvi cəhətdən sarsıldım. Lakin ana- atam və çox yaxın iki dostumun dəstəyi ilə mən yenə gücləndim və bu gün artıq bizim şirkətimiz böyük rəqabətə hazırdır. Bizim silahımız da gözəl ideyalarımız, və bu ideyaların məhsulu olan layihələrimizdir. Necə deyərlər, igid odur atdan düşsə, atlana.

– Bəli çox olub. Məsələn elə olub, proqramın efirə getməyinə yarım saat qalıb, amma material olan kaset itib. Biz Etibar müəllimlə onu yarım saata yenidən işləyib, montaj edib efirə vermişik. “Kinoklubda görüş” verilişinin çəkilişlərində Xalq artisti Hacı İsmayılovu ayrıca çəkməliydik. Dedilər saat 8-ə de gəlsin çəkilişə. Özü də çəkiliş Xırdalanda olacaq Mən səhər tezdən Hacı müəllimi çağırıb aparmışam Xırdalana . Sonra məlum olub ki, çəkiliş axşam saat 8-ə olub. Hacı müəllim də sağ olsun, daha narazılıq etmədi, gülüşlə qarşıladı.

– Bu gün bir çoxları telekanallarımızın fəaliyyətindən, efirə gedən verilişlərin keyfiyyətindən, aparıcı mədəniyyətindən narazılıq edir.Bir proqramı hazırlayanda ən çox nəyə önəm verirsiniz?

– Bilirsinizz, hər işi görəndə onun arxasında qazanc güdmək lazım deyil. Bəsit bir şeylə efirə çıxıb, kiməsə özünü niyə söydürəsən. Efirə çıxıb özünü söydürənlər var.

Mənim üçün ən önəmlisi o veriliş, o proqram insanlara faydalı olsun, konkret nəsə yardım etsin, öyrətsin. Efir mədəniyyət deməkdir. Bu olarsa sənin gördüyün işin bir anlamı , vicdanın da rahat olur. Həm də gərək, yaradıcı insan olaraq yeni bir iş ortaya qoyanda imzanı atasan, hər yeni işin digərindən daha uğurlu olsun, yadda qalsın. Buna can atmışam həmişə. Yenidən gələcəyimiz layihələrdə də bu məqamları əsas götürmüşük. Çox böyük bir işlə yaxın zamanda izləyicilərimiz bizi görəcəklər. Sirlərimizin hamısını açmaq istəmirəm, lakin demək istəyirəm ki, gözələnilməz, fərqli bir sürprizlə qarşılaşacaqlar. Bu proqramda izləyicilərimiz də iştirak edəcək, onlar da qazanacaqlar. Həm maddi, həm mənəvi anlamda.