Putinin səbri tükəndi- Lukaşenkoya zəng edib nələr dedi...
Dünya8 avqust 2020 11:14
Avqustun 9-da Belarusda keçiriləcək prezident seçkisi ərəfəsi gərginləşən Minsk-Moskva münasibətləri bu dəfə Aleksandr Lukaşenkonun müsahibəsi səbəbindən pik həddə çatıb.
Məlum olduğu kimi, Belarus prezidenti ukraynalı jurnalist Dmitri Qordonun YouTube –dəki kanalına sensasion müsahibə verib. Rusiyanın mk.ru saytı yazır ki, bundan əvvəl Lukaşenkonun Belarus parlamentdəki son dərəcə emosional çıxışına, 33 rusiyalının təxribat ittihamı ilə həbsinə dözümlü münasibət göstərən Rusiya prezidenti Vladmir Putinin səbri nəhayət, Qordona müsahibəsindən sonra tükənib.
Rusiya prezidenti, Qordonun müsahibəsinin tam versiyası internetdə yerləşdiriləndən sonra bu gün-avqustun 7-də gözlənilmədən Minskə, prezident Lukaşenkoya zəng edib.
Kremlin mətbuat xidməti telefon zəngi haqda ənənəvi məlumat yaymaqla kifayətlənib. Bildirilir ki, prezidentlər iqtisadi əlaqələrdən, 33 rusiyalının həbsindən danışıb və avqustun 9-da keçiriləcək prezident seçkisi haqda müzakirələr aparıb. Bununla belə, mk.ru yazır ki, Lukaşenko Qordona verdiyi müsahibədə Putini özünün “böyük qardaşı” və “dünyada seçilən dövlət lideri” kimi qiymətləndirsə də, müsahibədə səslənən bir çox fikirlər Putinin ciddi etirazına səbəb olub.
Məsələn, öncə qeyd olunur ki, Lukaşenko Dmitri Medvedyev haqda da aşağılayıcı ifadələr seçib. Onun 2008-ci ildə Rusiya prezidenti kürsüsündə oturmasına ironiya edib, Medvedyevin heç nəyi həll etmədiyini, şəraba qurşandığını deyib.
Belarus prezidenti Miskdə “Normand dördlüyü”nün görüşü haqda danışarkən də bəzi “qırmızı xətləri” keçib. O deyib ki, “vasvası və dişi canavar” Merkelin ucbatından danışıqlar səhərədək uzanıb. Vladimir Zelenskini mehriban adam adlandırsa da, prezident olmadığını söyləyib. Onun Qazaxıstanın sabiq prezidenti Nursultan Nazarbayev haqda da dedikləri etik hesab oluna bilməz. “Nazarbayev sadəcə, protokolu bitirmək və masada qeyri-rəsmi görüşlərə başlamaq üçün fürsət gözləyir”.
Ukraynalı jurnalistin Lukaşenkodan müsahibə götürməsinə baxmayaraq, ən çox Putinin soyadının çəkilməsi Kreml sahibinin qəzəbinə səbəb olub.
Lukaşenko deyib ki, Rusiyanın ilk prezidenti Boris Yeltsin bir müddət sonra Putini özünün varisi seçdiyinə görə peşman olub. Lukaşenkonun sözlərinə görə, Putin Kremlə yerləşən kimi Rusiyanın ilk prezidenti ilə aralarında fikir ayrılığına səbəb olan bəzi qərarlar qəbul etməyə başlayıb. "Putinin bəzi qərarları Yeltsini qəzəbləndirirdi" deyə, Lukaşenko bildirib.
Lukaşenko əlavə edib ki, Yeltsin prezident vəzifəsindən istefa verdikdən sonra onunla tez-tez görüşüb və Putindən narazılıqlarına görə onu sakitləşdirməyə çalışıb. “Amma "Yeltsin peşman idi...” deyə, Belarus prezidenti bildirib.
Lukaşenko xatırladıb ki, Putinin Kuba və Vyetnamdakı Rusiya hərbi bazalarını saxlamaqdan imtina etməsi qərarı Yeltsini hədsiz məyus edib.
Rusiya mediası yazır ki, Lukaşenko Yeltsin dövründə ölkənin ordusunun dağılmaq həddində olduğunu, məhz Putinin hakimiyyətə gəlişindən sonra ordunun möhkəmlənməsini unudur.
Lukaşenkonun “Yeltsin yaxşı bir prezident və ən əsası sözünün ağası idi” deyərək, Putinin əksinə, heç kimə inanmamasını dilə gətirməsi də Kremldə qıcıq doğura bilərdi.
Belarus prezidenti deyib ki, əvvəl Putin də belə idi: “Mən ona tez-tez deyirdim, bilirsən, Volodya, sən yeməkdə, naharda, dar bir dairədə olanda hər şeyi olduğu kimi görürsən. Ancaq son altı ayda hər şey dəyişdi. Putinin sözlərinə artıq etibar etmək olmaz, o bir şey deyir, hökumət isə başqa bir şeyi edir”.
Onun Yeltsinin portretini cızarkən “böyük, xeyirxah, sözünə sadiq, demokrat” ifadələri işlədir, Putinə gəldikdə isə... “Putin hədiyyə deyil" (“Hе подарок”), "təmkinli və qapalıdır", "heç kimə güvənmir", "KQB-nin yetişdirdiyi zabit" kimi ifadələrdən istifadə edib. Bir sözlə, Lukaşenko Yeltsinlə Putini qarşılaşdıraraq “fərqi hiss edin” demək istəyib.
Lukaşenko Putini “böyük qardaş” adlandırsa da, yenə əlavə edib ki, bu status baxımından böyük qardaşlıq deyil. Yaş və sair amillərlə bağlıdır... Belarus lideri Yeltsinin prezidentliyi dövründə Sankt-Peterburqa rəsmi səfərə gələndə şəhər meri Sobçakın köməkçisi kimi onu teatrda müşahidə edən Putinin “siyasətdə piyada addımlamağa başladığını” xatırlayıb.
O deyib ki, “Putin qərar vermək üçün əlavə düşünməyə ehtiyac olmayan bir kompüterdir. Ancaq yenə də onda insandan çox şey var”. Belarus prezidenti “məsələn, "yaxşı idmançıdır, dar məclislərdə bir stəkan şərab içə, zarafat edib gülə bilər" deyib.
Lukaşenko Putinlə səmimi "kənd üslubunda" münasibət qurmağa çalışıb, lakin Putin "şəhər adamıdır və belə bir səmimi münasibət nəticə verməyib” deyə, prezident əlavə edib.
Onun “heç vaxt Putinlə eyni komandada xokkey oynamıram, amma o, həmişə birgə oynamaq üçün Kolyaya(Lukaşenkonun oğluna-red) zəng edir. Mk.ru yazır ki, bu, “Putinə alçaldıcı mesajdır”. “Yəni guya Putin Kolyanı ona görə öz komandasına çağırır ki, Lukaşenkonun amansız şayba zərbələrindən və hücumlarından qorunsun” deyə mk.ru yazır.
Belarus rəhbəri bir vaxtlar onu "Avropanın son diktatoru" adlandıran Qərb siyasətçələrini yada salaraq bu terminin yavaş-yavaş yoxa çıxdığını deyib, amma yenə Putini yada salıb. “Putinlə görüşəndə ona zarafatla dedim: "Volodya, qulaq as, mən artıq Avropadakı son diktator deyiləm. Və o mənə baxıb soruşur: “Həqiqətən də, Avropanın son diktatorunun mənim olduğumu düşünürsən?” Mən isə heç nə demədim...”
Lukaşenkonun Putinin hakimiyyətinin 2036-cı ilə qədər davam etməyəcəyinə “100 faiz zəmanət verməsi” də Putinin narazılığı üçün əsas ola bilər.(musavat.com)
Oxşar xəbərlər
- Füzulidə dağıntıların miqyasını görəndə çox təsirləndim - ABŞ səfiri
7 may 2024 02:13
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
7 may 2024 01:46
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
7 may 2024 00:53
- 500 illik zavod görün hansı sirrin üstünü açdı
7 may 2024 00:32
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
7 may 2024 01:02
- Alimlər 2700 ildən çox yaşı olan Assuriya məbədinin sirrini açdı
4 may 2024 22:25
- İsa Qəmbər yenidən başqan seçildi - Yenilənib - Fotolar
4 may 2024 17:23
- Bu gün İsa Qəmbər yenidən Müsavat başqanı ola bilər - Yenilənir
4 may 2024 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
3 may 2024 21:47
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
3 may 2024 19:57
Xəbər lenti
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
- Cahangir Hacıyev aclıq aksiyasına başladı
03 may 13:17
- Prezident Səudiyyə Ərəbistanının energetika nazirini qəbul etdi
03 may 12:58
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
03 may 12:45
- Komitə İRŞAD-dan kompüter aldı, özünü dərdə saldı — FAKT
03 may 12:39
- İndiki nazirlərin çoxunu tanımıram - Elmar Məmmədyarovla müsahibə
03 may 11:51
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
Video & Fotoqalereya
Video
Fotoqalereya