Putinlə Makron Dağlıq Qarabağdakı son vəziyyəti müzakirə edib

Rusiya və Fransa prezidentləri Vladimir Putin və Emmanuel Makron Dağlıq Qarabağda vəziyyətin gərginləşməsini müzakirə ediblər. “Qafqazinfo” bildirir ki, bu barədə Kremlin Mətbuat xidməti məlumat yayıb.

Telefon danışığı Fransa tərəfinin təşəbbüsü ilə baş tutub.

“Dağlıq Qarabağ münaqişəsi zonasında vəziyyətin kəskin şəkildə kəskinləşməsi müzakirə olunub. Davam edən genişmiqyaslı döyüş əməliyyatları ilə bağlı ciddi narahatlıq ifadə edilib. Vladimir Putin və Emmanuel Makron qarşı-qarşıya duran tərəfləri atəşkəsin tezliklə və tamamilə dayandırılmasına, gərginliyin aradan qaldırılmasına və maksimum dərəcədə təmkinlik nümayiş etdirməyə çağırıblar”, - məlumatda deyilir.

Dağlıq Qarabağ böhranının siyasi-diplomatik yolla həllinin alternativsiz olduğu qeyd olunub. Bu məzmunda, hər şeydən əvvəl ATƏT-in Minsk Qrupu formatı çərçivəsində gələcək əməkdaşlığın konkret parametrlərinə baxılıb. Tərəflər Minsk Qrupuna həmsədrlik edən dövlətlərin liderləri (Rusiya, Fransa və ABŞ) adından silahlı qarşıdurmaya dərhal son qoyulmasının və danışıqlar prosesinin bərpasının lehinə bəyanat verməyə hazır olduqlarını bildiriblər.

“Belarusda prezident seçkilərindən sonra yaranmış vəziyyətə də toxunulub. Rusiya tərəfindən suveren dövlətin daxili işlərinə hər hansı müdaxilə cəhdinin yolverilməzliyi və legitim hakimiyyətlərə xarici təzyiqlərin yolverilməzliyi ilə bağlı prinsipial mövqe təsdiqlənib”, - məlumatda deyilir.