Ərəstun Orucludan ordumuzla bağlı SENSASİON AÇIQLAMA
Müsahibə12 dekabr 2020 09:49
Sabiq təhlükəsizlik xidməti zabiti, tanınmış hüquq müdafiəçisi, politoloq Ərəstun Oruclunun Facebook-da və digər sosial şəbəkələrdə, ölkəmizdəki bu həssas məqamlarda hamının narahatlığına səbəb ola biləcək vacib bir məsələ ilə bağlı sensasion açıqlaması geniş yayılıb. Daha doğrusu, yazı müəllifinin özü: "İndi yazdığım məsələ bizim şanlı ordumuzla bağlıdır, daha doğrusu, ordumuza qarşı nəzərdə tutulan və bəlkə də artıq planlaşdırılmış məkrli əməllərlə. Elə, buna görə də, öz qaydalarımı pozaraq, sizdən bu postu imkan çərçivəsində paylaşmağı xahiş edirəm!" -- deyə, dəyərli dostlarına və izləyicilərinə belə bir paylaşmanı etməyi məsləhət bilib. Maraqlı və düşündürücü olduğu üçün, araz.az xəbər portalı da, açıqlama xarakterli həmin yazını olduğu kimi dəyərli oxucularının diqqətinə çatdırır:
"Mövzuya bir qədər uzaqdan başlayacağam.
2016-cı ilin aprel döyüşlərindən sonra, ordumuzun başına gətirilən dəhşətli hadisələr haqqında çoxunuz məlumatlısınız. Özüm bu məsələni durmadan işıqlandırmışam və bu işdə hüquq müdafiəçisi Oqtay Gülalıyevin məndən də fəal olduğunu bilirsiniz. Söhbət "Tərtər işi" adı ilə bəlli olan ağır dövləti cinayətdən gedir. Məhz həmin döyüşlərdən bir müddət sonra, Azərbaycan Ordusunun Tərtər qarnizonunun hərbçilərinə qarşı Azərbaycan Hərbi Prokurorluğu tərəfindən, erməni kəşfiyyatına işləmək saxta ittihamı ilə cinayət işi açılmışdı və "istintaq" zamanı hərbçilərimizə qarşı total qeyri-insani işgəncələr tətbiq olunmuşdu. Konkret desək, hərbi prokuror Xanlar Vəliyevin, keçmiş baş prokuror Zakir Qaralovun, onun keçmiş birinci müavini Rüstəm Usubovun rəhbərliyi altında, Müdafiə Nazirliyi Baş Təhlükəsizlik İdarəsinin hərbçiləri tərəfindən həyata keçirilən həmin vəhşi işgəncələr nəticəsində 14 nəfər ölüb, 200-dən artıq insan isə, ağır xəsarətlər alaraq şikəst olub.
Xatırladım ki, işgəncələrdən ölənlərdən bir neçəsi haqqında Bakı Hərbi Məhkəməsi bəraət hökmü çıxarmışdı. Onu da xatırladım ki, onda, işgəncələri həyata keçirmiş MN Baş Təhlükəsizlik İdarəsinin rəisi, nazirliyin Baş Qərargah rəisi Nəcməddin Sadıqovun bacısı oğlu, sonralar general-mayor rütbəsi almış Ramil Əsgərov olub. Bütün bu cinayətkar əməllərin arxasında isə, Rusiya xüsusi xidmət orqanlarının dayandığını da dəfələrlə yazmış, bu haqda müsahibələrimdə danışmışam. Oqtay Gülalıyevin başına gələnlərin heç də təsadüf olmadığını demişəm, çünki həmin yazılarımdan sonra, 2018-ci ilin mayında Bakıya dönəndə mənə təhlükəsizliyimi təmin etmək təklif olunmuşdu. Mənsə bundan imtina etmişdim.
İndi isə, icazənizlə keçək mətləbə: Azərbaycan Ordusunun parlaq qələbəsi bizi və dostlarımızı sevindirdiyi kimi, düşmənlərimizi də dərindən məyus edib. Diqqətimi çəkmiş və şərh bölümündə paylaşdığım rusiyalı ekspertlərin iştirakı ilə müzakirəyə 20-ci dəqiqədən başlayaraq, siz də baxa bilərsiniz.
Digər diqqətçəkən bir məqam isə, 10 niyabr üçtərəfli bəyanatının ardınca elan olunan atəşkəsdən bir müddət sonra Azərbaycan əsgərlərinin, guya, baş kəsməsilə bağlı yayılan çoxsaylı videolardır. Həmin videolar ki, orada ermənilərin başını kəsənlər kimi, əsasən, məhz xüsusi təyinatlılarımız əks olunub.
Şəxsən mən həmin videoların saxta olduğunu, məqsədli hazırlandığını və onları yayanların Azərbaycan ordusunun vuran əli olan XTQ-yə qarşı "Tərtər işi" tipli təxribata hazırlıq məqsədi güddyünə əminəm. Bunu təsadüfən demirəm, müraciət etdiyim mütəxəssislər də, həmin videoların saxtalığı ehtimalının yüksək olduğunu iddia edirlər.
Düşünürəm ki, ölkəmizin dövlət orqanlarının, xüsusilə də DTX və Dövlət Mühafizə Xidmətinin bunu araşdırmaq üçün yetərincə yüksək səviyyəli mütəxəssisləri var və həmin qurumlar da bunu edəcəklər. Çünki söhbət təkcə Azərbaycanın və onun müzəffər ordusunun imicindən yox, ölkənin milli təhlükəsizliyindən gedir. Söhbət daxili düşmənlərin əlilə ordumuza, xüsusilə də onun vuran əli olan XTQ-yə qarşı hazırlanmış cinayətə zəmin yaratmaq üçün ictimai rəyi manipulyasiyadan gedir. Söhbət, həm də Azərbaycanın qalib ordusunu dünyaya başkəsən cinayətkar dəstə kimi təqdim etmək cəhdindən gedir. Bunun qarşısını var gücümüzlə almalıyıq.
Etik səbəblərdən və düşmənin mərkli planlarına dəstək olmamaq üçün, həmin videoların heç birini paylaşmıram, amma müraciət etdiyim mütəxəssislərlə birlikdə gəldiyimiz ümumi rəyi əks etdirən bir neçə məqamı sizlərlə bölüşməyi zəruri hesab edirəm.
Ümumi qənaətlərdən biri belədir ki, telefona çəkildiyi iddia edilən həmin videolardakı səslər sonradan studiya şəraitində xüsusi səsyazma texnikası vasitəsilə əlavə olunub. Bu səbəbdən də orada yer almalı olan kənar səslər (küylər) yoxdur. Telefon çəkilişi zamanı isə, onlar mütləq olmalıdır.
Gəldiyimiz digər bir qənaət: məhz XTQ hərbçilərinin kamera qarşısında belə rahatlıqla qətl törətməsi və sonradan onun videogörüntülərini yayması ağlasığmaz görünür. Xüsusi təyinatlıların nə statusu, nə də mənəvi-psixoloji hazırlığı bunu etməyə heç bir əsas vermir.
Üçüncü məqam isə, videoların yayılma vaxtı ilə bağlıdır. Bu gün əldə olunmuş 10 noyabr anlaşması ilə bağlı cəmiyyətdə müəyyən fikir müxtəlifliyi səbəbindən gedən diskussiyalar fonunda belə materialların yayılması ən yüksək effekt verə bilər. Başqa sözlərlə, vaxt da idel seçilib.
Nəhayət, araşdırmalar göstərir ki, həmin videoların mütləq əksəriyyətinin əsas mənbəyi müəmmalı Telegram-kanallardır. Bir neçə eyni tipli videoların eyni kanalların "əlinə düşməsi" təbii ki, suallar doğurmaya bilməz. Beləliklə, bu gün hamılıqla, var gücümüzlə ordumuzun yanında olmalı, onu düşmən təxribatlarından qorumalı, düşmənə gücümüzü göstərməliyik. Bunları etməsək, onun -- düşmənin iyrənc əməlləri təkcə davam etməyəcək, həm də ordumuzu, cəmiyyətimizi tam məhv edəcək. Elə, öz içimizdəkı satqınların və xainlərin əli ilə.".
araz.az xəbər portalı.
Oxşar xəbərlər
- Saqqallı tələbə QALMAQALI böyüdü- Təhsil eksperti od püskürdü -VİDEO
3 may 2024 21:47
- Mircamal Həşimov yeni vəzifəyə TƏYİN OLUNDU
3 may 2024 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
3 may 2024 19:57
- FHN nazirin bacanağına 295 minlik tender verdi...
3 may 2024 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
3 may 2024 17:19
- Cahangir Hacıyev aclıq aksiyasına başladı
3 may 2024 13:17
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
3 may 2024 12:45
- Komitə İRŞAD-dan kompüter aldı, özünü dərdə saldı — FAKT
3 may 2024 12:39
- İndiki nazirlərin çoxunu tanımıram - Elmar Məmmədyarovla müsahibə
3 may 2024 11:51
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
2 may 2024 17:51
Xəbər lenti
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
- Cahangir Hacıyev aclıq aksiyasına başladı
03 may 13:17
- Prezident Səudiyyə Ərəbistanının energetika nazirini qəbul etdi
03 may 12:58
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
03 may 12:45
- Komitə İRŞAD-dan kompüter aldı, özünü dərdə saldı — FAKT
03 may 12:39
- İndiki nazirlərin çoxunu tanımıram - Elmar Məmmədyarovla müsahibə
03 may 11:51
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
Video & Fotoqalereya
Video
Fotoqalereya