ŞƏHİD-imizin XANIMI ilə son yazışması (FOTO)

Hadisə19 dekabr 2020 21:53

"Son dəfə oktyabrın 10-da evə gəldi. Ağlayırdım, hiss elədim ki, dönüşü olmayan bir gediş olacaq”.

Bu sözləri BAKU.WS-ə şəhid Fariz Həsənovun xanımı Əzizə Həsənova bildirib. O qeyd edib ki, Fariz evdən elə çıxdı ki, sanki şəhadətə yürüyüş kimi... Sanki şəhidlik zirvəsinə ucalacağını bildirdi:
"Fariz elə getdi ki, elə bil balaları ilə məni tək qoyacağını bilirdi. O, balarını mənə tapşırdı. Göz yaşımı sildi və dedi: "Möhkəm ol, hər şeyə hazır ol.
Mənə nəsə olsa ağlama, fəxr elə! Fəxr et ki, sən mənim həyat yoldaşımsan. Sənə əmanət iki gül bala var yanında, onları heç kimə etibar etmə". Göz yaşımı gizlədə bilmədim.
Amma onun gözlərinə baxıb özümə söz verdim. Mən vətənini, övladlarını sevən Farizin həyat yoldaşıyam, möhkəm olmalıyam. O balaları atasının ruhunda böyütməliyəm. Ürəyim parçalanıb, cismən yaşayıram. Ruhum Farizin yanındadır. Amma söz verirəm, balalarına atasızlığın nə olduğunu hiss etdirməyəcəm”.
Qeyd edək ki, Fariz Həsənov oktyabrın 13-də Füzuli uğrunda gedən döyüşlərdə şəhid olub.
Əzizə Həsənova daha sonra həyat yoldaşı ilə son yazışmasını bizimlə bölüşüb:

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1367