Polad Həşimovun rütbəsinin mayora endirilməsinin pərdəarxası...
Xəbər verdiyimiz kimi, Azərbaycan Ordusunun birlik komandirləri general-leytenant Rövşən Əkbərov və general-mayor Xəqani Cəbrayılov vəzifələrindən azad ediliblər. Bu barədə Müdafiə naziri, general-polkovnik Zakir Həsənov əmr imzalayıb. Əmrə əsasən, hər iki general ehtiyata buraxılıb.
Bununla da Vətən Müharibəsindən sonra ordu sıralarından kənarlaşdırılan generalların sayı üçə çatdı. Bunlar Rövşən Əkbərov, Xəqani Cəbrayılov və Müdafiə nazirinin sabiq birinci müavini - Silahlı Qüvvələrin keçmiş Baş Qərargah rəisi Nəcməddin Sadıkovdur. Hər üç generalın Vətən Müharibəsində uğursuzluqla yadda qaldığı bildirilir. Vətən Müharibəsinə görə təltif edilən minlərlə hərbçinin arasında bu üç şəxsin adının olmaması yayılan iddiaları daha da qüvvətləndirir.
Nəcməddin Sadıkovdan sonra Rövşən Əkbərovun ən tanınan generallardan olduğunu desək, yəqin ki, yanılmarıq. O, səkkiz il əvvəl də cəzalandırılmışdı. Bu, Rövşən Əkbərovun Şəmkir hərbi birləşməsinin komandiri olarkən baş vermişdi.
"Qafqazinfo" sözügedən cəza ilə bağlı, 2013-cü ildə baş vermiş hadisə ətrafında araşdırma aparıb.
Qısa arayış olaraq bildirək ki, 2013-cü ilin yanvarın 7-də Müdafiə Nazirliyinin Daşkəsən rayonunda yerləşən N saylı hərbi hissəsində xidmət edən, Abşeron rayonundan həqiqi hərbi xidmətə çağırılmış Ceyhun Zaman oğlu Qubadov qəflətən ölüb.
Ekspertiza rəyində əsgərin ürək çatışmazlığından vəfat etdiyi qeyd olunsa da, əsgər anası Samirə Qubadova bununla barışmayıb və oğlunun döyülərək öldürüldüyünü iddia edib. Həmin il sosial şəbəkələrdə və mətbuatda yayılan fotolar da bu iddianı daha da gücləndirib.
Bu hadisəyə görə həmin vaxt Müdafiə naziri olan Səfər Əbiyev Rövşən Əkbərova şiddətli töhmət verib. Hadisənin baş verdiyi hərbi hissənin komandiri Polad Həşimovun rütbəsi isə polkovnik-leytenantdan mayora endirilib.
"Qafqazinfo"ya danışan, 2013-cü ildə həmin hərbi hissədə əsgər kimi xidmət etmiş Fariz Qəhrəmanov bildirib ki, əsgərin ölümündə nə hərbi hissə komandiri Polad Həşimovun, nə də tabor komandirinin günahı olub:
"Həmin vaxt posta qalxırdıq. 93 nömrəli posta əmr gəldi ki, siz qalın, bu gün hava soyuqdur, qardır, sabah qalxarsınız. Biz qalxandan sonra MAXE tabor kombatının əmrinə tabe olmayaraq, özbaşına gənc əsgərləri posta tərəf qaldırıb. Rəhmətə gedən əsgər Ceyhun Qubadov da yuxarı qalxmaqda çətinlik çəkib. MAXE onun üstünə qışqırıb ki, sürətli qalx, yoxsa ikimiz də soyuqdan donub öləcəyik.
Əsgər deyib ki, ayağımda taqət qalmayıb, qalxa bilmirəm. Əsgər sonra buzun üstündə sürüşərək aşağı yıxılıb. Donvurmadan vəziyyəti yaxşı deyildi. MAXE arxasınca gəlib onunu döymüşdü, başından təpiklə vurmuşdu. Çox güclü döymüşdü. Sonra postdan əlavə kömək gəldi, əsgəri yuxarı qaldırdılar.
Elə o vaxt ağzından köpük gəlib ölmüşdü. Həmin vaxt Polad Həşimovun, tabor kombatının heç bir günahı olmayıb. Orada günah bir post rəhbərində idi, bir də MAXE-də. Onlar özbaşına qərar verib posta qalxmışdılar. Bundan nə Polad Həşimovun, nə də tabor kombatının xəbəri var idi".
Hadisə şahidinin də açıqlamasından başa düşülür ki, Polad Həşimova verilən cəza, əslində, haqsız imiş. Görünür, bu məsələ Müdafiə Nazirliyi tərəfindən həmin vaxt dəqiq araşdırılmayıb və nazir Səfər Əbiyev ona yönəlmiş tənqidlərdən qaçmaq üçün zabitlərə tələsik cəza verməklə məsuliyyətdən boyun qaçırıb.
Hər halda rütbəsi polkovnik-leytenant ikən mayora endirilən Polad Həşimovun sonradan general-mayor rütbəsinə qədər yüksəlməsi, ən əsası, xalqın qəhrəmanına çevrilməsi, Tovuz döyüşlərində şəhid olması ilə mübarizəmizi daha da gücləndirməsi onun sağlığında haqsızlıqla barışmamasının, iradəsinin göstəricisidir.
Onu da qeyd edək ki, ölkə gündəmini zəbt edən hadisə ilə bağlı həmin vaxt Müdafiə naziri olan Səfər Əbiyevin də cəzalandırılması, məsuliyyətə cəlb edilməsi ilə bağlı fikirlər yayımlanırdı. Maraqlıdır ki, general-polkovnikin vəzifədən azad edilməsi də məhz 2013-cü ilə, hadisədən doqquz ay sonraya təsadüf edir.
Məsələ burasındadır ki, hadisə ilə bağlı Səfər Əbiyevin şiddətli töhmət verdiyi general-leytenant Rövşən Əkbərovla sabiq nazirin ulduzu barışmayıb.
Əbiyev və Əkbərov arasında daha bir qalmaqal isə 2013-cü ilin iyununda olmuşdu. Mətbuatın yazdığına görə, Müdafiə Nazirliyi digər ordu birləşmələrinin komandanlarını Azərbaycan Ordusunun yaranmasının 95 illiyinə həsr olunan parada dəvət etsə də, Rövşən Əkbərov təntənəli mərasimə çağırılmayıb. Lakin general bununla barışmayıb və paradda iştirak edə bilib.
O, buna məlumatı ölkə rəhbərliyinə çatdırmaqla nail olub. Daha sonra Əbiyevə Əkbərovun parada çağrılması tapşırığı gəlib və bu, icra edilib. Həmin vaxt yayılan iddialara görə, Rövşən Əkbərov özünü post-Əbiyev dövrünə layiqli namizədlərdən biri kimi tanıtması Əbiyevin xoşuna gəlməmişdi.
Qeyd edək ki, əsgər Ceyhun Qubadovun ölümü ilə bağlı Respublika Hərbi Prokurorluğunda cinayət işi qaldırılmışdı. Prosesin davamında əsgər ölümünə görə hərbi hissəsinin zabiti, baş leytenant Veysəl Ağayev və gizir Müqəddəs Qurbanov həbs edilmişdilər. Veysəl Ağayev üç il, MAXE Qurbanov isə beş il azadlıqdan məhrum olunmuşdu. Bundan başqa, hərbi hissə komandirinin tərbiyəvi işlər üzrə müavini və bölük komandiri vəzifələrindən uzaqlaşdırılmışdı.
- Bir sıra məhkəmələrə hakim və sədrlər təyin edildi - SİYAHI
8 aprel 2024 14:29
- Bir sıra məhkəmələrə hakim və sədrlər təyin edildi - SİYAHI
8 aprel 2024 14:29
- Adların mənası – TAM SİYAHI
12 mart 2024 21:50
- Bağırov və Beriya müsavatçı olublar - Ermənilərlə 40 il bir evdə yaşayan inqilabçının qohumu DANIŞDI
11 mart 2024 00:30
- Aybəniz Haşımovanın qardaşı həbs edildi
23 fevral 2024 22:44
- Həbsdəki tanınmışlar həkim müayinəsindən keçirilir
23 fevral 2024 15:45
- Xoşbəxtlik və uğur üçün evinizdə mütləq bu əşyalar olsun
18 fevral 2024 16:06
- Nərminin valideynləri qanuni nəticə istəmir - İlkin Süleymanov səbəbi AÇIQLADI
14 fevral 2024 21:49
- Bakıda müğənninin qətlə yetirilməsinin detalları məlum oldu
31 yanvar 2024 14:22
- Kiçik ölkələrin böyük sərvətlərinin sirri – Sinqapur, Makao, BƏƏ zəngin əhalinin vətənidir
4 yanvar 2024 17:40
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
- Cahangir Hacıyev aclıq aksiyasına başladı
03 may 13:17
- Prezident Səudiyyə Ərəbistanının energetika nazirini qəbul etdi
03 may 12:58
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
03 may 12:45
- Komitə İRŞAD-dan kompüter aldı, özünü dərdə saldı — FAKT
03 may 12:39
- İndiki nazirlərin çoxunu tanımıram - Elmar Məmmədyarovla müsahibə
03 may 11:51
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
- Qubad İbadoğlunun yaşayış yerini dəyişməsinə icazə verildi
01 may 19:15
- Ramin İsayevin məhkəməsində insident yaşanıb....
01 may 19:01
- İlham Əliyev Rusiyanın Şimali Qafqaz regionunun müftilərini qəbul etdi
01 may 15:55
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
01 may 15:50
- Sabah DEPUTAT Ramin Məmmədovla bağlı iclas keçiriləcək
01 may 15:24
- Rasim Tağıyevin oğlu həbs edildi
01 may 15:18