“Amputasiya olunan ayağımı qardaşıma verəndə ürəyi dözmədi, öldü...”
“Bərdəyə raket atılan vaxtı mən rayonun “Pojarnıy kruqu” deyilən ərazisində taksi xidməti göstərirdim. Atılan raketlərdən biri düz maşınımın qabağına düşdü. Elə bil ki, mənə Allah güc verdi, özümü maşından çölə ata bildim. Bir ayağımı dizdən yuxarı itirmişəm. Bütün orqanlarım zədələnib, mədəmin yarısını çıxarıblar. Ürəyimin yaxınlığında qəlpə var. Başımdan başqa bütün orqanlarım qəlpə ilə doludur. Sağ əlimin bir neçə barmağı işləmir. Ayağımı əməliyyat ediblər, hələ orada qəlpələr var, yeriyə bilmirəm”.
Bunu “Qafqazinfo”ya ötən il oktyabrın 28-də Ermənistanın Bərdə şəhərini bombalaması nəticəsində zərər çəkən 37 yaşlı Bərdə sakini Şirinov Elçin Həvəskar oğlu deyib. Bir ayağı amputasiya edilən, iki azyaşlı uşağı olan vətəndaş bildirib ki, hazırda heç bir yerdən gəliri yoxdur. E. Şirinov ona eyni zamanda maddi ziyan dəydiyini də vurğulayıb. Bildirib ki, gəlir yeri olan, taksi xidməti göstərdiyi avtomobili tamamilə yararsız hala düşüb. Ermənilərin atdığı raket vətəndaşın rayonun Bakı küçəsində yerləşən evini də qəzalı vəziyyətə salıb:
“Məni ilk dəfə Bərdədə əməliyyat elədilər, ayağım amputasiya olundu. Sonra Mingəçevir xəstəxanasına köçürüldüm və orada bir ay qaldıqdan sonra evə yola saldılar. Həkim gəlib baxıb dərman yazırdı, amma dərmanlarımın heç birini ala bilmirdim. Mən onsuz da iş qabiliyyətimi itirmişəm, bundan sonra işləyə bilməyəcəyəm".
E. Şirinovun sözlərinə görə, ona hələ əlillik təyin olunmayıb. O iddia edir ki, evi zərər görmüş ailələrə verilməsi nəzərdə tutulan 1000 manatlıq ödəniş də ona verilməyib: "Evimin tavanının yarısı yox idi, bütün şüşələr qırılmışdı. Damı, şüşəni qohumlar gəlib düzəltdilər, vaxt gəlib evin şəklini çəkdilər, yazdılar, dedilər narahat olmayın, ödəyəcəyik”.
Bərdə sakini deyir ki, hələ də ürəyinin yaxınlığında və bədəninin digər hissələrində olan qəlpələr onu narahat edir: “Əsnədikdə az qalır ürəyim yerindən çıxsın. Elə bilirəm ürəyimə bıçaq soxub çıxarırlar. Bir ay xəstəxanada müalicə aldığım müddətdə vəziyyətim çox ağır olub. Həddindən çox qan itirdiyimə görə, çoxlu sistem və iynələr vurulub. İndi-indi özümə gəlirəm. Bundan sonrakı əməliyyatlar üçün Bakıya gedib müayinələrdən keçmək lazımdır.
Ayağım amputasiya olunandan sonra qardaşıma veriblər ki, aparıb basdırsın. Bu hadisə ona pis təsir edib və həmin yerdəcə ürəyi partlayıb ölüb. İndi öz uşaqlarımla yanaşı, vəfat edən qardaşımın iki azyaşlı uşağı da mənim himayəmdədir”.
Problemlə bağlı Əmək və Əhalinin Sosial Müdafiəsi Nazirliyinə müraciət etdik. Nazirlikdən bildirilib ki, artıq Elçin Şirinova müddətsiz ikinci qrup əlillik təyin edilib:
“Bərdə terrorunda ayağını itirən Şirinov Elçin Həvəskar oğlunu ƏƏSMN-nin tabeliyində Dövlət Tibbi-Sosial Ekspertiza və Reabilitasiya Agentliyinin Tİbbi Sosial Ekspert Komissiyasının yerli nümayəndəsi 23.12.2020-ci il tarixində evində müayinə edib, əlilliyin qiymətləndirilməsi ilə bağlı müraciət qaydaları izah edilib. Lakin Bərdə Rayon Mərkəzi Xəstəxanasının həkim komissiyası 07.01.2021-ci il tarixində İcbari Tibbi Sığorta üzrə Dövlət Agentliyi tərəfindən təsdiqlənməmiş “Forma 88”i Əlillik Altsisteminə daxil etdiyi üçün göndəriş sistem tərəfindən səhiyyə müəssisəsinə geri göndərilib. Xəstəxana tərəfindən 02.02.2021-ci il tarixində növbəti “Forma 88” Altsistemə daxil edilib və Şirinov Elçinə 2-ci dərəcə müddətsiz (ömürlük) əlillik təyin edilib”.
Nazirlikdən həmçinin bildirdildi ki, E. Şirinov Dövlət Məşğulluq Agentliyi tərəfindən özünüməşğulluq proqramına cəlb olunacaq. Hazırda bu istiqamətdə işlər aparılır. O cümlədən, Elçin Şirinovun protezləşdirilməsi də nazirlik tərəfindən həyata keçiriləcək.
***
Bərdə rayon İcra Hakimiyyətindən isə bildirilib ki, Elçin Şirinov sözügedən quruma müraciət etsə, ona müvafiq yardım ediləcək: “Bərdə rayonunda kimin evinə ziyan dəyibsə, onlar aktlaşdırılıb və Nazirlər Kabinetinə bu barədə məlumat verilib. Prezidentin göstərişi ilə evi erməni terrorundan zərər çəkən 183 bərdəliyə 1000 manat məbləğində vəsait ödənib. Ödəniş olunandan sonra da bizə müraciət edənlər var, hazırda həmin şəxslərlə bağlı Nazirlər Kabinetinə müraciət olunacaq. İşçi qrup gəlib yerində araşdıracaq və həqiqətən ziyan dəyən evlər varsa, onlara da həmin yardım ödənəcək. Elçin Şirinov da bizə müraciət etsin, nə mümkündürsə, kömək edək. Edə bilməsək də aidiyyati orqanlara çatdıraq”.
Gülnar Əliyeva
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
3 may 2024 19:57
- COP29: Bakıda 70 min nəfərlik tədbir
3 may 2024 18:53
- FHN nazirin bacanağına 295 minlik tender verdi...
3 may 2024 18:30
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
3 may 2024 12:45
- Komitə İRŞAD-dan kompüter aldı, özünü dərdə saldı — FAKT
3 may 2024 12:39
- İndiki nazirlərin çoxunu tanımıram - Elmar Məmmədyarovla müsahibə
3 may 2024 11:51
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
2 may 2024 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
2 may 2024 17:51
- Füzuli şagirdləri üçün NAR-dan gözəl hədiyyə
2 may 2024 12:32
- Həmid Herisçi AYB-nin üzvü oldu
2 may 2024 10:36
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
- Cahangir Hacıyev aclıq aksiyasına başladı
03 may 13:17
- Prezident Səudiyyə Ərəbistanının energetika nazirini qəbul etdi
03 may 12:58
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
03 may 12:45
- Komitə İRŞAD-dan kompüter aldı, özünü dərdə saldı — FAKT
03 may 12:39
- İndiki nazirlərin çoxunu tanımıram - Elmar Məmmədyarovla müsahibə
03 may 11:51
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
- Qubad İbadoğlunun yaşayış yerini dəyişməsinə icazə verildi
01 may 19:15
- Ramin İsayevin məhkəməsində insident yaşanıb....
01 may 19:01
- İlham Əliyev Rusiyanın Şimali Qafqaz regionunun müftilərini qəbul etdi
01 may 15:55
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
01 may 15:50
- Sabah DEPUTAT Ramin Məmmədovla bağlı iclas keçiriləcək
01 may 15:24
- Rasim Tağıyevin oğlu həbs edildi
01 may 15:18