- Bakcell çempion şahmatçı Ülviyyə Fətəliyevanı təbrik etdi - Fotolar
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
- Ölkədən 6 MİLYARD pul çıxarıb ? ŞOK
- Füzuli şagirdləri üçün NAR-dan gözəl hədiyyə
İki şahidin ifadəsi:" Elçinin öldürüldüyünü dedilər, şoka düşdüm”
Kriminal28 avqust 2021 21:58
20 il əvvəl Ukraynada azərbaycanlı iş adamını öldürməkdə ittiham olunan Milli Qəhrəman, general-leytenant Rövşən Əkbərov barəsində cinayət işinin istintaqı Bakı Hərbi Məhkəməsində davam edir.
General ittihamlarla razılaşmayıb, özünü təqsirli bilməyib, məhkəmədə ifadə verməkdən imtina edib. Elə istintaq dövründə də susmağa üstünlük verib.
Cinayət işi üzrə istintaq zamanı mərhum iş adamının sinif yoldaşı, uzun illərin yaxın dostu, biznes ortağı Səməd Novruzov dindirilib. İxtisasca hüquqşünas olan S.Novruzov ifadəsində 1995-1996-ci illərdə təsisçisi olduğu "Star” firması rəhbərlik etdiyini, adıçəkilən şirkətin Rusiyadan, Ukraynadan və digər dövlətlərdən ərzaq məhsulları alaraq Azərbaycana idxal etdiklərini deyib: "Elçinlə uzun illər dost olmuşuq. Bu işlərdə mənə köməklik göstərirdi. 1996-2000-ci illərdə Kiyev şəhərinə gedib-gəlir, alınan qida məhsullarının yüklənməsinə, Azərbaycana göndərilməsinə nəzarət edirdi. İşlə bağlı uzun müddət orada qaldığından Kiyevdən mənzil alınmasını istədi, etiraz etmədim. Elçinin adına üçotaqlı mənzil aldım, 2000-ci ildə ailəsi ilə birgə Kiyevə köçüb orada yaşamağa başladı”.
İş adamının ifadəsinə görə, 1998-2000-ci illərdə E.Əliyev Türkmənistan Respublikasına gedib-gələndən sonra oradakı tanışlardan birinin quru südün alınmasını təklif etdiyini deyib: "Mən də razılaşdım, 107 min dollar dəyərində quru süd məhsulunu alıb Azərbaycana gətirməsini istədim”.
Lakin məhsul ölkəyə gətirilərkən onun saxlama müddəti keçdiyindən idxal olunmasına icazə verilməyib, yenidən Türkmənistana qaytarılıb: "Pul əvvəlcədən ödənildiyindən sonradan həmin pulu geri ala bilmədik. Bununla bağlı Elçinlə aramızda hər hansı bir narazılıq olmadı. 2000-ci ilin sonlarında artıq Ukrayna ilə sahibkarlıq fəaliyyətimiz bitdiyindən bu sahədə əlaqələrimiz kəsildi. Lakin bir dost kimi bir-birimizlə həmişə əlaqə saxlamışıq”.
S.Novruzov ifadəsində 1995-ci ildən Elçinlə birgə Kiyevə gedib-gələrkən sonuncunun vasitəsilə Diasporla İş üzrə Dövlət Komitəsinin sabiq rəhbəri Nazim İbrahimovla tanış olduğunu deyib: "Nazim İbrahimov Azərbaycanın Ukraynadakı səfiri vəzifəsinə təyin edilmişdi. Elçinin də Nazim İbrahimovla yaxın münasibəti olduğundan, səfirliyin inzibati ərazisində əvvəllər işlədiyindən tez-tez səfirliyə gedib-gəlirdi”.
S.Novruzov ifadəsində göstərib ki, sonuncu dəfə Elçinin ölümündən bir gün öncə telefonla əlaqə saxlayıblar. Dostu ona işlərini qaydaya saldıqdan sonra yaxın günlərdə Bakıya gələcəyini deyib. Ertəsi gün qohumlardan biri zəng vurub Elçinin öldürüldüyünü xəbər verib: "Şoka düşdüm, bir müddət hərəkət edə bilmədim. Sonra Elçinin valideynləri yaşayan ünvana getdim. Orada Elçinin qohum-əqrəbası, həmçinin Nazim İbrahimov da vardı. Elçinin anası Səmayə xanımdan nə baş verdiyini, kim tərəfindən bıçaqlandığını soruşdum. Səmayə xanıma oğlunun öldüyünü demişdilər”.
Elə həmin gün N.İbrahimovla birlikdə meyiti gətirmək üçün Ukraynaya yola düşüblər. Kiyevdə onları səfirliyin nümayəndələri qarşılayıb: "Polis şöbəsinə getdik, meyitin Bakıya yola salınması ilə məşğul olduq. İşlərimizi yekunlaşdırıb səfirliyə gəldik. Orada tanımadığım başqa şəxslər də vardı. Elçinin kim tərəfindən və hansı səbəbə görə öldürüldüyünü müzakirə edirdik. Tez-tez mənə Bakıdan zənglər gəlir, qohum-əqrəba, Elçini tanıyanlar onu kimin öldürdüyünü soruşurdular. Səfirlikdə baş verən müzakirə zamanı hiss etdim ki, əksəriyyəti hadisənin kim tərəfindən törədildiyini bilsə də həmin şəxsin adını çəkməkdən çəkinirlər”.
Müzakirələrdən gəldiyi qənaətə əsasən S.Novruzov ifadəsində deyib ki, Elçin hadisə baş verən gün Məzahir adlı şəxslə kafedə yeyib-içərkən həmin kafeyə iki hərbçi gəlib, onlarla mübahisələri yaranıb, həmin hərbçilərdən biri Elçini bıçaqla ürəyindən vurub: "Hərbçilərdən birinin polkovnik, digərinin isə hərbçi general Rövşən Əkbərov olduğunu dedilər”.
Səfirlikdən çıxdıqdan sonra mərhumun işlədiyi ofisə yollanan S.Novruzov oradakı işçilərlə görüşüb. Elçinin yanında işləyənlər hadisənin kim tərəfindən, hansı səbəbdən törədildiyini bilmədiklərini deyiblər. İşçilərdən biri, Aleksandr Qriqoryev S.Novruzova deyib ki, hadisə barədə məlumat almaq üçün polis şöbəsinə getdikdə orada "eqo svoi zarezali” deyiblər.
"Biz Bakıya gəlib Elçinin dəfnində iştirak etdik. Yas mərasimində hamı Elçinin general Rövşən Əkbərov tərəfindən öldürüldüyünü danışırdı”- şahid əlavə edib.
İş adamı uşaqlıq dostu Elçinin çox sakit, mülayim insan olduğunu, ətrafındakı hər kəslə mehriban münasibət qurduğunu, kimsəylə ədavəti, düşmənçiliyi olmadığını deyib: "Elçinin general Rövşən Əkbərov tərəfindən öldürülməsini eşitdikdən sonra bu hadisənin səbəbini aydınlaşdıra bilməmişəm. Çünki Elçinin uşaqlıqdan bəri ümumiyyətlə kiminləsə dalaşdığını eşitməmişəm. Yəni davakar insan deyildi, əksinə olduqca mülayim, gülərüz idi”.
İstintaq zamanı S.Novruzovun Ekologiya və Təbii Sərvətlər Nazirliyinin 7 saylı Regional İdarəsində baş məsləhətçi vəzifəsində işləyən qardaşı Mədət Novruzov da dindirilib. O, ifadəsində mərhum Elçin Əliyevlə eyni məktəbdə oxuduqlarını, Naxçıvan Dövlət Universitetinə birgə qəbul olduqlarını, təhsillərini bir yerdə davam etdirdiklərini deyib: "Elçin universiteti bitirdikdən sonra Bakıya köçüb bizneslə məşğul olurdu. Qardaşım Səmədə məxsus "Star” şirkətində onun yanında işləyirdi. Dəqiq hansı vəzifədə işlədiyini xatırlamıram”.
Şahid ifadəsində Elçinin ölüm xəbərini qardaşı Səmədin zəng vurub ona dediyini söyləyib: "Səməd dedi ki, Elçini öldürüblər, Nazim İbrahimovla birgə meyiti gətirməyə gedirik. Həmin vaxt Naxçıvanda idim, ertəsi gün Bakıya gəldim. Elçinin yas yerində hər kəs onun Rövşən Əkbərov tərəfindən öldürüldüyünü deyirdi. O vaxt Rövşən Əkbərovun kim olması haqda məlumatım yox idi. Sonradan öyrəndim ki, generaldır, milli qəhrəmandır”.
Şahid ifadəsində yas məclisinə gələnlərdən Elçinin ölümü ilə bağlı Kiyevdə cinayət işi başlanıldığını və general Rövşən Əkbərovun həmin işlə bağlı həbs olunacağını söylədiklərini eşidib: "Elçin yaxın dostum olub. Çox sakit, mülayim insan idi. Rövşən Əkbərovun adını isə ilk dəfə Elçinin yas yerində eşitmişəm”./Virtualaz.org
Oxşar xəbərlər
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
2 may 2024 22:16
- Nəcməddin Sadıkovun verdiyi 800 mini çatdırmışam
29 aprel 2024 18:15
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 2024 13:01
- Xadimə məktəb direktorunu niyə bıçaqlayıb?
25 aprel 2024 11:07
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
- 20 yaşında kəndinin muxtarı oldu - Fotolar
4 aprel 2024 21:12
- 15 yaşlı İslam terror zamanı 100-dən çox insanı belə xilas etdi - Video
24 mart 2024 19:21
- Azərbaycanlı ictimai fəalı Türkiyədə kim döy(dür)üb?-Zərəçəkən bəzi məmurlardan şübhələnir-Video
22 mart 2024 20:55
- 32 kiloqram çəki atan Sonaxanım sirrini açıqladı
22 mart 2024 13:27
Xəbər lenti
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
- Qubad İbadoğlunun yaşayış yerini dəyişməsinə icazə verildi
01 may 19:15
- Ramin İsayevin məhkəməsində insident yaşanıb....
01 may 19:01
- İlham Əliyev Rusiyanın Şimali Qafqaz regionunun müftilərini qəbul etdi
01 may 15:55
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
01 may 15:50
- Sabah DEPUTAT Ramin Məmmədovla bağlı iclas keçiriləcək
01 may 15:24
- Rasim Tağıyevin oğlu həbs edildi
01 may 15:18
- 100 uşağı öldürən həkimin Azərbaycanda gizli əməlləri - VİDEO
01 may 11:53
- Bakıda beynəlxalq forum keçirilir: Prezident çıxış edib (YENİLƏNİB)
01 may 11:45
- Nəcməddin Sadıqovun həbsinə HAZIRLIQ BAŞLADI!
01 may 09:37
- Nazir ölkəyə yeni baş notarius təyin etdi (ÖZƏL)
30 aprel 21:40
- Azərbaycanlı milyarder əfv edildi - Edam cəzası verilmişdi
30 aprel 19:48
- NAR rabitə sahəsinin peşəkarlarını hazırlayır - Fotolar
30 aprel 19:29
- Şəhərin 85 faizi azərbaycanlıdır, amma bir TV-miz belə yoxdur- Sabiq deputat
30 aprel 19:20
- Əməliyyat keçirilən qurumun rəisi kimdir?
30 aprel 16:19
- Mayın ilk gününün havası
30 aprel 13:17
- Sex qızıllarını İtaliya və Türkiyə məmulatı adı ilə satırmışlar - Moskva Univermağında əməliyyat
30 aprel 12:00
- Bakcell ilə innovasiya dövrü başladı!
30 aprel 11:50
Video & Fotoqalereya
Video
Fotoqalereya