Dünyanın İLK kosmonavtı Yuri Qaqarin YOX, Andrian Nikolayev...
İdman6 sentyabr 2021 07:48
Onun adı tarixə kosmosu fəth edən ilk kosmonavt kimi də düşə bilərdi. Uçuşa hazırlıq dövründə Andrian Nikolayevin göstəriciləri digərlərindən üstün olsa da, Nikita Xruşşov namizədlər arasında Yuri Qaqarinə üstünlük verib. Fəal komsomolçu və kəndli ailəsindən olması Qaqarinə “üstünlük” qazandırıb. Əslində Andrian Nikolayev də kəndli ailəsində böyüyüb, atası sıravi kolxozçu, anası isə sağıcı işləyib.
Nikolayevin ikinci şansını da əlindən alıblar. Növbəti dəfə orbitə German Titov göndərilib. Bəlkə də “qapıları” Nikolayevin üzünə bağlayan türk kökənli, milliyyətcə çuvaş olması olub.
Nəhayət, 1962-ci ildə Xruşşovdan razılıq alındıqdan sonra Andrian Nikolayevin kosmosa birinci uçuşu baş tutub. O, SSRİ-də üçüncü, dünyada beşinci kosmosu fəth edən kosmonavt olub.
Aviasiya general-mayoru, iki dəfə Sovet ittifaqı qəhrəmanı, texnika elmləri namizədi Andrian Nikolayev 5 sentyabr 1929-cu ildə Çuvaşiya Muxtar respublikasında, Şorşel kəndində anadan olub. Orta məktəbdə oxuduğu illərdə feldşer olmaq istəsə də, ailənin maddi imkanları onun təhsil almasına imkan verməyib. Yeniyetməlik və gənclik illəri müharibədən sonrakı ağır illərə düşən Nikolayev çox erkən yaşlarından işləməyə başlayıb, ailənin dolanışığına kömək edib. Yeddiillik təhsildən sonra o, Marinski Posad şəhərində meşə təsərrüfatı texnikumuna qəbul olub. Həmin ərəfədə qəzetlərdə hərbi məktəblərə qəbulla bağlı elanlar dərc olunanda, Andrian Nikolayev özünü bu sahədə sınamağa qərar verib və o, qəbul imtahanlarını müvəffəqiyyətlə verərək Çerniqov Ali Hərbi Avisiya Məktəbinə daxil olub. Daha sonra isə təhsilini Jukovski adına Hərbi Hava Mühəndislər Akademiyasında davam etdirib. Andrian Nikolayev SSRİ-də yaradılan Kosmonavtlar Dəstəsinin ilk üzvlərindən biri olub.
Andrian Nikolayev orbitə birinci dəfə “Vostok-3” gəmisində 11 avqust 1962-ci ildə uçub. 3 sutka 22 saat 22 dəqiqə ərzində o, yer kürəsi ətrafında 64 dəfə dövrə vurub. Bu uçuş zamanı Nikolayev ilk dəfə olaraq kosmik gəmidə kreslodan ayrılaraq, gəmi daxilində hərəkət edib.
Nikolayev kosmosu ikinci dəfə 1 iyun 1970-ci ildə “Soyuz-9” gəmisi ilə fəth edib. Bu dəfə kosmonavt orbitdə 17 sutka 16 saat 58 dəqiqə qalaraq mövcud dövr üçün rekorda imza atıb.
1974-cü ildə Andrian Nikolayev Yuri Qaqarin adına Kosmonavtların Hazırlıq Mərkəzinin rəis müavini təyin edilib. O, həmçinin SSRİ-nin ictimai həyatında fəal iştirak edib, bir neçə dəfə Rusiya Ali Sovetinin deputatı seçilib.
1963-cü ildə Andrian Nikolayev ilk qadın kosmonavt Valentina Tereşkova ilə ailə həyatı qurub. “Əsrin toyu” adını alan təntənəli məclisdə Nikita Xruşşov, Kremlin yüksək ranqlı məmurları, marşallar, tanınmış mədəniyyət və incəsənət xadimləri iştirak ediblər.
Kosmonavtların nikahı onların heç birinin təşəbbüsü ilə olmayıb. Bu nikah Nikita Xruşşovun və sovet ideoloqlarının planına uyğun baş tutub. Belə ki, SSRİ rəhbərləri iki məşhur kosmonavtın qismində dünyaya ideal sovet ailəsini təqdim etmək istəyiblər. Bununla yanaşı, Nikita Xruşşov bəzi ABŞ və qərb alimlərinin “kosmosa uçanların övladları olmur” kimi fikirlərini alt-üst etmək qərarına gələrək, kosmonavtların nikahından sınaq məqsədi üçün istifadə edib.
1964-cü ildə cütlüyün Yelena adlı qızı dünyaya gəlib. Yelena dünyada həm atası, həm də anası kosmonavt olan yeganə uşaq olub. Həmin günlər dünyanın aparıcı kütləvi vasitələri onun şəkillərini manşetlərdə tirajlayıblar.
Kosmonavtların nikahı 18 ildən sonra, Yelenanın 18 yaşı olanda rəsmi olaraq pozulub, Nikolayevlə Tereşkova ayrılıblar.
Andrian Niklayevin həyatında maraqlı faktlardan biri də Brejnevlə bağlı olub. 22 yanvar 1969-cu ildə baş katibin avtomobil karvanı Kremlə yaxınlaşanda Viktor İlyin adlı bir şəxs Brejnevə sui-qəsd etmək üçün karvana 16 dəfə atəş açıb. O, elə düşünüb ki, Brejnev karvanın ikinci, yaxud da üçüncü avtomobilində olacaq. Baş katib isə dördüncü avtomobildə olub. Qarşıdakı avtomobildə isə dörd kosmonavt əyləşib – Nikolayev, Tereşkova, Bereqovoy və Leonov. Karvandakı avtomobillərdə olanların hamısı Kremldəki tədbirə gediblər. Açılan atəşlərdən biri Nikolayevi kürəyindən yüngülcə yaralayıb.
Ömrünün son illərində Andrian Nikolayev öz xatirələrini yazıb, onun üç kitabı işıq üzü görüb, “Orbitdə görüşərik” kitabı isə bir neçə dilə tərcümə olunaraq daha böyük oxucu auditoriyası qazanıb.
Andrian Nikolayev 3 iyul 2004-cü ildə, 74 yaşında vəfat edib. Həmyerlilərinin, o cümlədən Çuvaşiya rəhbərliyinin təşəbbüsü ilə kosmonavt doğma kəndində, Şorşeldə dəfn edilib. Qızı Yelena əvvəlcə buna razı olmasa da, atasının “Ulduzlar şəhərciyi”ndə dəfn olunmasını istəsə də, sonda Andrian Nikolayev doğma yurdunda torpağa tapşırılıb. Həmin məkanda kosmonavtın xatirəsinə muzey yaradılıb, xatirə kompleksi salınıb.(Musavat.com)
Oxşar xəbərlər
- Kramarenkonun yumruq davası, Banişevskinin etiraz çağırışları – Neftçini cəzadan Brejnev xilas edib
25 mart 2024 13:59
- Rusiyanın 8 PUA-sı vuruldu - 11 yaralı
25 mart 2024 13:49
- DTK-nın ən qəddar generalı – o, Andropovu da susdurmağı bacarıb
24 mart 2024 20:07
- Finlandiya yenidən dünyanın ən xoşbəxt ölkəsi oldu – Azərbaycan isə 101-ci...
21 mart 2024 13:42
- Qaqarini 1967-ci ildə ölümdən xilas edən dostu DANIŞDI
11 mart 2024 00:00
- Andropovun QARA KÜRÜ əməliyyatı ...
18 fevral 2024 14:26
- Dünyanın Puşkini - Firuz Mustafa yazır
8 fevral 2024 11:25
- Kosmosa uçmaq istəyən məşhur azərbaycanlı jurnalistə nə mane oldu...
28 yanvar 2024 16:15
- Andropovun nəzarəti altında keçirilən əməliyyat – SSRİ-nin “cibi”nə girənlər
5 yanvar 2024 21:50
- Raisaya Qarabağ üçün ABŞ-da verilən bahalı üzük – Foto
4 yanvar 2024 22:05
Xəbər lenti
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
Video & Fotoqalereya
Video
Fotoqalereya