Sabiq deputatın mülklərinin siyahısı yayıldı
Bir neçə gün əvvəl Nəriman Əliyevin Qarabağ qazisi də daxil olmaqla 64 nəfərin maaşını verməkdən boyun qaçırması barədə məlumat yaymışdıq.
Məlumat şikayətçi Qarabağ qazisinin müraciəti əsasında hazırlanmışdı. Belə ki, işçilər “Ştutqart” MMC-də iş şəraitindən və maaş səviyyəsindən narazı qalaraq könüllü olaraq işdən çıxıblar. Amma onların sözlərinə görə, Nəriman Əliyev onların qalıq maaşlarını ödəmək istəmir.
“Ştutqart” MMC-nin sabiq işçisi Şahsuvar Talıbov maaşları verməkdən boyun qaçıran Nəriman Əliyevin mülklərinin siyahısını göndərib.
Bizimyol.info Şahsuvar Talıbovun məktubunu təqdim edir:
“Son günlər, 70 saylı Masallı şəhər dairəsinin keçmiş deputatı, “Ştutqart” mağazalar şəbəkəsinin sahibi Nəriman Əliyevin adı saytlardan və sosial mediadan düşmür. Gah Bakının mərkəzində ağac kəsməsi ilə, gah da Qarabağ müharibəsi qazilərinin də olduğu 64 nəfər işçinin əmək haqqını kəsməklə “gündəm yaradan” eks deputat, bu problemlərlə bağlı edilən zənglərə bəzən qarmaqarışıq cavablar verməklə, özünə məxsus obyekti özünə kirayə verdiyini söyləməklə problemi daha da dərinləşdirir, bəzən isə ümumiyyətlə, telefonu götürmür, bir növ susmaqla qarşılıq verir. “Susmaq qızıldır” deyiminin bu kimi hallarda işləmədiyini hörmətli Nəriman müəllimə yaxınlarından kimsə izah etsə, yaxşı olar.
Bir anlıq düşünürsən ki, görəsən, Bakının mərkəzində hektarlarla əraziyə, ölkənin dörd tərəfində şəbəkə mağazalara sahib olan, istədiyi vaxt kütləvi ağac kəsən, istədiyi adamı işlədib pulunu kəsən bu şəxs kimdir və bu mövqeyə hansı yolla gəlib çıxıb?
“Nəriman Əliyev” yazıb internet araşdırması etsəniz, qarşınıza istər rəsmi sahibi olduğu “Ştutqart” mağazalar şəbəkəsi ilə bağlı iqtisadi-biznes adamı olaraq, istərsə də 10 il deputat olmuş biri kimi, siyasətçi olaraq hansısa müsbət yazı, xoşagələn fakt tapmaq çətin məsələdir. Bir az dərindən araşdırsanız, eks deputatın 2004-cü ildən, 2015-ci ilədək 11 illik müddətdə Eldar Mahmudovun qəyyumluğu altında böyük bir şəbəkəyə rəhbərlik etməsi ilə bağlı faktlara və hətta bu faktlara malik olan canlı mənbələrə rast gələ bilərsiniz.
70 saylı Masallı şəhər dairəsindən 2010-2019-cu illərdə deputat olmuş Nəriman Əliyevin sahib olduğu böyük biznes şəbəkəsi, saysız əmlaklar, avtomobillər və milyonlarla pulun hansı yollarla qazanıldığı ilə bağlı bəzi faktları sizinlə bölüşmək istəyirəm. Belə ki, Nəriman Əliyev indiki vəziyyətə çatmaq üçün qaranlıq işlərdən, qanunsuz əməllərdən və özü kimi qaranlıq işlərlə məşğul olan ortaqlardan istifadə etmişdir. Bu qanunsuzluqların tarixi xeyli əvvələ, 2004-cü ilə qədər gedib çıxır.
2004- cü ildə hələ Masallı şəhərində yaşayan Nəriman Əliyev bir məsələ ilə bağlı həbs edilərək Bakıya, Baş Mütəşəkkil Cinayətlərlə Mübarizə İdarəsinə gətirilir. Bu vaxt onu həbsdən qurtarmaq üçün qohumları hansısa əlaqələrin hesabına o vaxtlar Narkotiklərlə Mübarizə Baş İdarəsinin rəisi vəzifəsində çalışan Eldar Mahmudovdan xahiş edirlər. Nəriman Əliyevin həbsdən qurtarılmasında rolu olan Eldar Mahmudovla elə o vaxtdan əlaqələri yaranır və bu əlaqələr sonrakı illərdə Eldar Mahmudovun qanunsuz işlərinə nəzarət etməkdən, ta şərikliyə qədər gəlib çıxır.
İlk iş olaraq Babək prospektində “Karkas” ehtiyat hissələri mağazası açılır və bütün rəhbərlik Nəriman Əliyevə həvalə olunur. 2004-cü ilin iyul ayında Eldar Mahmudov milli təhlükəsizlik naziri təyin olunandan sonra bu əməkdaşlıq daha da artır.
Növbəti iş birliyi kimi “Ştutqart” mağazalar şəbəkəsi yaradılır və bunun da tam idarəsi və rəhbərliyi Nəriman Əliyevə tapşırılır. Xatırladaq ki, bu mağazalar şəbəkəsi əvvəlcə qeyri-rəsmi, sonralar isə, bu günə qədər rəsmi olaraq Nəriman Əliyevin öz adınadır. Halbuki, deputatın bizneslə məşğul olması qanunla qadağandır. Bu biznes isə, məhz deputat olduğu dövrdə şəxsən özü tərəfindən yaradılıb və birbaşa özü tərəfindən rəhbərlik edilib.
O cümlədən, Eldar Mahmudovun “Balıq və kürü biznesi”-nə də şəxsən Nəriman Əliyev rəhbərlik edirdi. Hətta bu biznes üçün ayrılmış mərkəzi mağaza da Babək prospektində, “Karkas” ehtiyat hissələri dükanının yanında yerləşirdi.
Xaricə pul köçürülməsi və pul daşınmaları işinə də birbaşa Nəriman Əliyev nəzarət edirdi ki, bunun da sabiq nazir Eldar Mahmudovun qeyri-qanuni qazanc yerlərindən biri olduğu heç kimə sirr deyil. Bundan başqa sabiq nazir həm də “Briliyant biznesi” şəbəkəsi qurmuşdu. Bu biznesin də nəzarəti ən yaxın və sadiq adam sayılan Nəriman Əliyevdə idi. Bütün bu və digər bizneslərdən gələn çirkli pulların yuyulması işinə də Nəriman Əliyev rəhbərlik edirdi. O, gördüyü işlərlə bağlı ay ərzində ən azı 3-4 dəfə Eldar Mahmudovla görüşdüyünü, günaşırı isə sabiq nazirin əmisi oğlu və köməkçisi Vüqar Mahmudovla əlaqə saxlayıb hesabat verdiyini heç vaxt gizlətmirdi. Hətta yaxınlıq dərəcəsini göstərmək üçün, oturduğu bütün məclislərdə, Eldar Mahmudovun yanına gedərkən, MTN-in yalnız nazirə yaxın 3-4 adamın istifadə etdiyi lifti ilə qalxıb-endiyini fəxrlə danışırdı.
Eldar Mahmudovun nazir olduğu 11 il ərzində həm onun qanunsuz işlərinə rəhbərlik edən, həm də onun sayəsində öz qanunsuz işlərini genişləndirən, milyonlarla vergidən yayınan Nəriman Əliyev siyasi karyerasının da pik nöqtəsinə gəlib çatmış və deputat olmuşdu. Bu müddət ərzində dəyəri milyonlarla ölçülən sərvət sahibi olan Nəriman Əliyev, Eldar Mahmudovun vəzifədən azad olunduğu 17 oktyabr 2015-ci il tarixində “Karkas” ehtiyat hissələri dükanında olan, dəyəri milyonlarla ölçülən malı bir gecədə başqa ünvana, Babək prospektindəki “Azpetrol”la üzbəüz 5 mərtəbəli obyektə köçürmüş və bunu öz yaxınlarına belə izah etmişdi ki, “Eldar Mahmudova görə bütün mallar müsadirə oluna bilər. Ən tez zamanda obyekti boşaltmalıyıq ki, bizə ilişən olmasın”. Obyekt tam boşaldıldıqdan sonra isə o hesabat vermək üçün sabiq nazirin köməkçilərindən biri ilə görüşə getdiyini demişdi.
Bu illər ərzində qeyri-qanuni yollarla böyük bir şəbəkə quran Nəriman Əliyev həm də mülklər, avtomobillər və sairə daşınan və daşınmaz əmlaklara sahib olub. Bu mülklərdən bəzilərinin ünvanları və çıxarışları, o cümlədən özünə və ailəsinə məxsus avtomobillərin siyahısı da əlimzidədir. Bu mülklər onun öz adına, ailə üzvlərinin adına və bir qismi də dayısı oğlu Azər Abbas oğlu Abbasovun adına rəsmləşdirilib. Azər Abbasov dəyəri cəmi-cümlətanı 10 min manat olan avtomobildə gəzərkən, adına 10 milyonluq mülklər olması faktı özü hər şeyi deyir. Eks deputatın sadəcə, boş mülklərinin dəyəri 100 milyondan artıqdır”.
Məktub müəllifi eks deputat Nəriman Əliyevə məxsus olan, dəyəri 100 milyonlarla ölçüləcək mal-mülk, obyekt, ev və avtomobillərin siyahısını, mülklərin çıxarışını (kupça) bizə təqdim edib. Biz də əlimizdə olan faktları dəyərli oxucularımızla bölüşmək qərarına gəldik.
Siyahıya baxın və özünüz düşünün, cəmi on ilin içində bu qədər var-dövlət düzgünlüklə, halal bizneslə qazanıla bilərmi?
Nəriman Əliyevə məxsus mülklərin, torpaq sahələrinin, evlərin, obyektlərin və avtomobillərin (bir hissəsinin) siyahısı:
1. Bakı şəhəri, Məmməd Araz (keçmiş Teymur Əliyev) küçəsində 5 mərtəbədən ibarət yaşayış evi (Faktiki yaşadığı ünvan)
2. Bakı şəhəri, Məmməd Araz (keçmiş Teymur Əliyev) küçəsində 2 mərtəbədən ibarət avtomobil dayanacağı və yaşayış evi.
3. Bakı şəhəri, Nərimanov rayonu, Ələsgər Qayıbov küçəsində 46 sot boş torpaq sahəsi,3 mərtəbəli anbar və 3 mərtəbəli ofis. Bu anbar və ofislər “Ştutqart” şirkətinin mərkəzi anbarı kimi fəaliyyət göstərir.
4. Bakı şəhəri, Nərimanov rayonu, Ələsgər Qayıbov küçəsində 8 hektar torpaq sahəsi. Bu ərazi Nəriman Əliyevin dayısı oğlu Azər Abbasovun adına rəsmiləşdirilib. Ərazi şərikli olduğundan 25 faizi Nəriman Əliyevin payına düşür.
5. Bakı şəhəri, Babək prospekti, 2224-cü məhəllə, 37c ünvanında 4690.4 kv.m-lik 3 mərtəbədən ibarət qeyri-yaşayış binası. Burada əlavə bir zirzəmi və bir mansard mövcuddur. Həmçinin obyektin arxa tərəfində boş sahə və digər tikililər var. Hazırda bura “Ştutqart Mərkəz” mağazası kimi fəaliyyət göstərir.
6. Bakı şəhəri, Yasamal rayonu, Mətbuat prospekti, 18 ünvanında 264.8 kv-lıq qeyri-yaşayış binası. Hazırda bura “Ştutqart Yasamal” filialı kimi fəaliyyət göstərir.
7. Bakı şəhəri, Biləcəri qəsəbəsi, R.İsmayılov küçəsində bir zirzəmi daxil olmaqla 2 mərtəbədən ibarət qeyri-yaşayış sahəsi. Bu obyektin bir hissəsi icarəyə verilib. Digər hissəsi isə “Ştutqart Biləcəri” filialı kimi fəaliyyət göstərir.
8. Bakı şəhəri, Bilgəh qəsəbəsində 60 sot ərazisi olmaqla 4 mərtəbədən ibarət bağ evi – villa
9. Sumqayıt şəhəri, Bakı küçəsi 39a ünvanında, 426.9 kv-lıq 2 mərtəbədən ibarət qeyri-yaşayış binası. Hazırda bura “Ştutqart Sumqayıt” filialı kimi fəaliyyət göstərir.
10. Masallı şəhəri, Heydər Əliyev prospekti, 35 ünvanında “Masallı Konserv” ASC-nin yerləşdiyi 1.21711 ha boş torpaq ərazisi, 11691.7 kv.m –də tikilmiş qeyri-yaşayış binası
11. Masallı şəhəri, Xətai küçəsində 2914.3 kv-lıq “Masallı şirniyyat zavodu” adı altında inşa edilmiş bina və 1.43 ha boş ərazi.
12. Masallı şəhəri, Bakı prospektində (keçmiş Digah yaşayış massivi) xüsusi mülkiyyətində olan 15825.9 kv-lik “Masallı Bazarı” adı altında fəaliyyət göstərən bazar.
13. Masallı şəhəri, Heydər Əliyev prospekti 64 ünvanında 1484.9 kv-lıq 3 mərtəbədə qeyri-yaşayış binası. Hazırda bura “Ştutqart Masallı” filialı kimi fəaliyyət göstərir.
14. Masallı şəhəri, Heydər Əliyev prospekti (Ştutqart Masallı filialı ilə üzbəüz) 5 mərtəbədən ibarət qeyri-yaşayış sahəsi (bu obyekt Nəriman Əliyevlə digər şəxsin şərikli obyektidir)
15. Masallı şəhəri, Heydər Əliyev prospekti (Ştutqart Masallı filialıilə üzbəüz) 3 hektar sahəsində inşa edilmiş anbarlar (hazırda icarəyə verilib)
16. Masallı şəhərində mövcud olan “Daş Bazarı”
17. Masallı şəhəri, Heydər Əliyev prospekti, 35 ünvanında “Masallı Konserv”lə üzbəüz köhnə sement bazası (bu obyekt şəriklidir)
18. Masallı şəhəri, İstisu istirahət mərkəzində 5 hektara yaxın ərazi (bu ərazi şəriklidir və şəriklər ərazidə öz istirahətləri üçün müxtəlif tikililər inşa ediblər)
19. 10 AA 133 dövlət nömrə nişanlı “Mercedes S Class” avtomobili
20. 90 AA 490 dövlət nömrə nişanlı “Lexsus 460” avtomobili
21. 10 AA 633 dövlət nömrə nişanlı “Range Rover” avtomobili
22. 10 VE 444 nömrə nişanlı “Toyota Camry” markalı avtomobili
23. “Ştutqart” MMC-nin anbarlarında saxlanılan, dəyəri 40 milyon manat olan avtomobil ehtiyat hissələri qalığı
Sayt bildirir ki, Nəriman Əliyev sorğulara cavab verməkdən imtina edib, onunla əlaqə saxlayıb sual verməyə qadağa qoyub.
- Hermosonu öpən prezident həbs oluna bilər
28 mart 2024 11:26
- Namiq Abbasov vəfat etdi
27 mart 2024 22:05
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 2024 12:47
- Sümbülə Əliyeva həbs edildi
26 mart 2024 09:56
- Anar Nağılbazın atası dövlət qurumunu məhkəməyə verdi - Torpaq qalmaqalı
25 mart 2024 00:21
- 17 yaşlı azərbaycanlı qız Moskva terrorunda həlak oldu
23 mart 2024 08:46
- İki gün qaldı - 4 kəndimiz qaytarılır...
22 mart 2024 19:56
- Sünbülə Əliyeva martın 20-də gecə saat 11 radələrində yaşadığı evdən aparılıb
22 mart 2024 18:26
- Mehman Xəlilova hökm oxundu - 19 il həbs
20 mart 2024 12:10
- Azərbaycan İsraildən ultra-müasir silahlar istəyir: İngilis saytı SİYAHI yaydı!
16 mart 2024 22:24
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09
- Azərbaycan - Bolqarıstan oyununda qalib müəyyənləşmədi
25 mart 22:41
- 3 uşaq anası azərbaycanlı həkimin əlində öldü - FOTOLAR
25 mart 21:20
- Prezident və xanımına qarşı sui-qəsd cəhdinin detalları 28 il sonra açıqlandı - Əl-Qaidə-nin planı
25 mart 16:06
- Moskvadakı teraktın başçısı AĞACDA gizlənibmiş – VİDEO
25 mart 14:05
- Kramarenkonun yumruq davası, Banişevskinin etiraz çağırışları – Neftçini cəzadan Brejnev xilas edib
25 mart 13:59
- Kirkorov Bakıya kimin TOY MƏCLİSİNƏ gəlib ?
25 mart 13:54
- Rusiyanın 8 PUA-sı vuruldu - 11 yaralı
25 mart 13:49
- Diş ağrısı ilə yatıb 32 il sonra oyandı
25 mart 13:47
- Azərbaycanda icra başçısını öldürmək istəyən şəxs həbs edildi - DTX-dan açıqlama
25 mart 11:35
- Taleh Qaraşovu öldürmək istəyiblər
25 mart 11:29