Kərəm Həsənovun bacısı məhkəmədə FALÇI ilə müqavilə imzaladı..))

Region17 fevral 2022 15:27

"Maya” ləqəbli falçı Şəfəq İsmiyeva Rəna Ağarzayevadan övladının bəxtini açdırmaq üçün pul alıb. İndi falçı hakim qarşısına çıxarılır. Falçı pulu ayda 10 min manat olmaqla qaytaracağını deyir. 


Musavat.com   xəbər verir ki, dələduzluqda təqsirləndirilən Ceyhun Zeynallı və Şəfəq İsmiyevanın cinayət işi üzrə məhkəmə araşdırması Bakı Ağır Cinayətlər Məhkəməsində hakim Novruz Kərimovun sədrliyi ilə araşdırılır.

Zərərçəkmiş Sənan Ağarzayeva falçı ilə ayda 10 min manat ödəmək barədə müqavilə bağlayıb. Razılıq belədir ki, ailə ona hər ay 10 min manatdan olmaqla, ümumilikdə 500 min manat pul ödəyəcək. O da şikayətçi olmayacağı haqda ərizə verəcək.
İsmiyeva son sözündə deyib ki, həyat yoldaşı bu məhkəmədə onu fərqli şəkildə təqdim edib, şəxsiyyətini alçaldıb.
Ceyhun Zeynallı özünü günahkar bilmir. Şəfəq İsmiyeva Ceyhun Zeynallıdan hamilə olduğu üçün istintaq dövründə həbs edilməyib. Artıq o, həmin uşağı dünyaya gətirib. Buna görə də azadlıqdadır.
Şəfəq İsmiyeva aldığı 1 milyon manat pulu Ceyhun Zeynallıya verdiyini iddia edir. Ceyhun isə bunu təkzib edir və Şəfəq İsmiyevanın dünyaya gətirdiyi körpəsinin də atası olmadığını söyləyir.
Əvvəl dəymiş zərərin 1 milyon olduğu deyilsə də, məhkəmədə məlum olub ki, Rəna Ağarzayeva fala baxmaq üçün "Maya"ya 1 milyon 998 min manat verib.
Xatırladaq ki, prokuror çıxış edərək Şəfəq İsmiyevaya 10 il 6 ay həbs cəzası verilməsini və məhkəmə zalında həbs edilməsini təklif edib. Prokuror Ceyhun Zeynallının isə 13 il azadlıqdan məhrum edilməsini istəyib.
İstintaq müəyyən edib ki, İsmiyeva özünü "Maya" kimi təqdim edib və iki il ərzində hissə-hissə olmaqla Rəna Ağarzayevadan 2 milyona yaxın pul alıb. Zərərçəkmiş qismində Rəna Ağarzayeanın həyat yoldaşı Sənan Ağarzayev tanınıb.
Məhkəmədə danışan Sənan Ağarzayeva söyləyib ki, təqsirləndirilən şəxslərin həbsini yox, pulunu istəyir.
Məhkəmədə o da məlum olub ki, zərərçəkmiş tərəfə 293 min manatı Ceyhun Zeynallı ödəyib.
Bildirək ki, növbəti proseslərdə təqsirləndirilən şəxslərin vəkilləri çıxış edəcək, özləri son sözlərini deyəcək, ardınca hökm elan ediləcək.
Rəna Ağarzayevanın Azərbaycan Respublikası Prezidentinin köməkçisi - Prezident Administrasiyasının Dövlət nəzarəti məsələləri şöbəsinin müdiri Kərəm Həsənovun bacısıdır.

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1325