HƏJƏMƏT nədir ? Bu klinika ilk dəfə....

“Həkim Baba” sağlamlıq mərkəzinin təsisçisi və direktoru Etibar Məmmədovun Axar.az-a müsahibəsini təqdim edirik:

- Mərkəziniz nə vaxtdan fəaliyyət göstərir?

- Azərbaycanda hicama terapiyanı (həcəmət) ilk dəfə müstəqil bir binada, kliniki şəraitdə biz təqdim etmişik. 2018-ci ildə Türkiyə Həcəmət Dərnəyinin rəhbəri Süleyman Gökü Azərbayacana dəvət etdik və bu mərkəzi onunla birlikdə qurduq. Məqsədimiz tibbin sirlərinin gizləndiyi tibbi-nəbəvini doğru-düzgün şəkildə, “nərdivan altından” çıxarmaq, bir sözlə, Şərq təbabətini Qərb standartlarına uyğun təqdim etməkdir. İlk mərkəzimizi Yasamal rayonunda qurduq. İşlərimiz irəlilədikcə şöbələrimizi böyütdük, ikinci filialımızı Əhmədlidə, üçüncünü isə Binəqədi rayonunda açdıq. Artıq markalaşmağa başladıq.

- Həcəmət nədir?

- Həcəmət - qədim tarixə dayanan müalicə metodudur. Arxeoloji qazıntılar zamanı Misirə aid papiruslarda eramızdan 3 min il əvvəl həcəmətdan istifadə edildiyini isbatlayan şəkil və məlumatlar tapılıb. Həmçinin min il əvvəl Çində həcəmətdən istifadə olunmasının sübutları, eramızdan 400 il əvvəl Hippokratın hicamat etdiyinə dair sübutlar əldə olunub. Lakin həcəmətin bu cür geniş yayılmasının əsas səbəbkarı islam dinidir. Məhəmməd peyğəmbərin həyatını oxuduqda onun mübarək vücudunda baş vermiş ağrılar zamanı ilk olaraq həcəmət etdiyinə şahid oluruq. Həcəmət bədənin müxtəlif nahiyələrindən kupa vasitəsilə qan aldırmaqdır. Bu, adi görünə bilər, ancaq qanın tərkibinə nəzər salsaq, görərik ki, ən təmiz qan arterial qandır. Bu qan oksigenlə zəngindir və birbaşa ürəkdən çıxaraq arteriya vasitəsilə bədənimizin müxtəlif orqanlarına çataraq onları qidalandırır. Orqan qidalanandan sonra çirklənmiş qanı venoz damarlara ötürür. Bu çirklənmədə elə zərərli maddələr var ki, ancaq həcəmət yolu ilə təmizlənir. Qan daxilində yüksəlmiş xolesterin, lipidlər, triqliseridlər zaman-zaman damar mənfəzlərinə yapışaraq qan dövranını pozur. Geni dəyişmiş, süni boyalarla boyanmış, konservləşdirilmiş qidalar, tərkibi nitrat, nitritli, şəkərli qidalar və s. kimi saydıqca bitməyən zəhərli və zərərli qidalar orqanizmə daxil olaraq xərçəng kimi təhlükəli xəstəliklərə səbəb olur. Bütün bunları təmizləyən ən effektiv metod hicamadır.

- “Həkim Baba” adı haradan qaynaqlanır?

- 2020-ci ildə yaratdığımız mərkəzləri ortaq qərarla “Həkim Baba” adı altında birləşdirdik. Bu adı qoyarkən “Bir qalanın sirri” filmindəki Həkim Baba obrazından təsirlənmişik. Həkim Baba özü güvənilən, tibbi bilən el ağsaqqalıdır. Müsbət bir obrazdır, böyükdən-kiçiyə hər kəs ona etimad edir. Bu gün Azərbaycanda yaranan brendlərdə artıq keçmişə dayanan adlardan istifadə olunur. “Buta”, “xurcun”, “xonça”, “innab” kimi adların üzərində milli markalar yaradırıq. “Həkim Baba” da hər kəsin güvənərək müraciət edə biləcəyi bir məkandır. Nə dərəcədə uğurluyuq, artıq bunu gələcək göstərəcək.

- Mərkəzinizdə hansı xidmətlər mövcuddur?

- Hazırda mərkəzimizdə hicama, zəli terapiyası, manual terapiya və masaj, müasir aparatlarla təmin edilmiş fizioterapiya xidməti, həmçinin xanımlar üçün ən müasir avadanlıqlarla təchiz edilmiş kosmetologiya xidməti mövcuddur. Fizioterapiya şöbəmizdə Azərbaycanda yalnız bizdə olan ən son nəsil aparatlarla osteoxondroz, oynaq xəstəlikləri, artrit, oynaq iltihabları, podaqra, sellülit kimi xəstəliklər müalicə olunur. Həmçinin Avropa istehsalı olan son nəsil “Tekar” aparatı, zərbə dalğa, ultrasəs, elektroterapiya, maqnetoterapiya, HPLS aparatları ilə xidmət göstəririk.

- Sizi digər sağlamlıq mərkəzlərindən fərqləndirən özəl xidmətləriniz varmı?

- Mərkəzimizdə əngəlli uşaqların bərpası reabilitasiyası şöbəsini yeni qurmuşuq. Hazırda son tamamlanma işlərimiz gedir, lazım olan müasir avadanlıqları da almışıq. Ən əsas özəl xidmətlərimizdən biri odur ki, yeni bərpa mərkəzimizdə Vətən Müharibəsi şəhidlərinin, qazilərimizin övladlarına, uşaq evlərində yaşayan kimsəsiz uşaqlara, həmçinin yoxsul, maddi cəhətdən imkansız insanların övladlarına xidmət tam ödənişsizdir. Eyni zamanda zəli və hicama terapiyası da şəhid ailələrinə pulsuzdur. Qazilərimizə isə xidmətlərimizdə 50% endirim edilir. Fəaliyyətimizin əsas istiqaməti yardım etmək, xüsusən həssas qrupdan olan insanlara dəstək göstərməkdir. Mərkəzimizdə hicama və zəli terapiyası beynəlxalq sertifikatlı mütəxəssislər tərəfindən, kliniki ortamda, tam gigiyenik şəkildə, həkim nəzarəti altında aparılır.

- Hicama əvvəllər ölkəmizdə məşhur deyildi. Lakin hazırda bu terapiyaya tələbat çoxalıb. Bu istiqamətdə maarifləndirmə aparırsınızmı?

- Azərbaycanda hicama gec tanınmağa başlayıb. Dünyada isə əsrlərdir davam edən müalicə üsuludur. Britaniyanın kraliyyət ailəsi, məşhur futbol klublarının üzvləri, qonşu ölkələrin dövlət başçıları hər ay hicama olunurlar. Sosial şəbəkələr üzərindən hicama ilə bağlı ciddi maarifləndirmə aparmışıq. Çox sevindiricidir ki, bu gün nəticəsini görürük. İstifadə etdiyimiz dərman vasitələri, qidalar orqanizmin bir qisminə müsbət təsir edirsə, bir yerində mütləq qalıq saxlayır. Bu zəhərli toksinləri bədəndən insan tərlə və digər vasitələrlə ifraz edə bilər. Lakin hicama, altını cızaraq deyə bilərik ki, bu istiqamətdə əvəzolunmaz müalicə metodudur. Azərbaycanda hicama əvvəllər də olub. Lakin bu şəkildə tanınmağa başlaması son dönəmlərdə aparılan maarifləndirmənin nəticəsidir. Bu maarifləndirmədə Füzuli Hüseynov, Səfərbəy müəllim kimi insanların əziyyəti danılmazdır. “Həkim BABA olaraq həcəmətin düzgün tanınıb, tətbiq olunmasında xeyli əziyyət çəkmişik. KİV vasitəsilə maarifləndirmə işlərini davam etdiririk. Ümid edirik ki, gələcək nəsillər düzgün həcəmətin tətbiqində göstərdiyimiz əməyi dəyərləndirəcəklər.

- Endirim kampaniyalarınız barədə məlumat verərdiniz.

- Hicama terapiyanı kor-koranə şəkildə aparmırıq. Mərkəzimizə hicama üçün gələn insanları əvvəlcə həkimlərimizin müayinəsindən keçiririk. Buradakı xüsusi müasir aparat vasitəsilə hicamadan əvvəl pasiyentin bədənində yığılmış yüklü qan laxtası, tıxanıqlıq təsbit edilir. Mərkəzimizdə hicama terapiya beynəlxalq sertifikat qazanmış mütəxəssislər tərəfindən olunur. Hicamadan öncə manual masaj kampaniyamız var. Sonra normal aparatla masaj edilir, ardınca kupa masajı edilir. Burada məqsəd hicama zamanı tam götürə bilməyimiz üçün kapilyarlarda donmuş laxta qanları hərəkətləndirməkdir. Hicamanın ardından pasiyent bal şərbəti ilə təmin olunur. Sonra istirahət guşəmizdə çərəz, meyvə deserti, bitki çayları ikram olunur. Bütün bunlar hamısı birlikdə cəmi 59 AZN-ə həyata keçirilir. Hazırda Binəqədi rayonunda yeni mərkəzimizin açılışı ilə bağlı kampaniyamız var. Hicama terapiyası ümumilikdə normalda 100 AZN-dir. Lakin hazırda kampaniyamıza görə 59 AZN-dir. 1 kurs hicama 60 günə 3 dəfə hicama olmaq deməkdir. 1 kurs hicamadan sonra 1 kurs zəli terapiyası pulsuzdur. Hicamadan sonra zəli terapiyasının faydası tibbi cəhətdən isbat olunmuşdur. Ramazan ayı ilə bağlı da hər 3 mərkəzimizdə kampaniya olacaq. Bu kampaniyada 1 nəfərin yanında gələn digər 1 nəfərə pulsuz xidmət göstəriləcək. Evlərə xidmətlərimiz də var. Mərkəzimizə sağlamlığı ilə bağlı fiziki qüsur səbəbindən gələ bilməyən vətəndaşlarımıza evə xidmət üçün əlavə ödəniş alınmır. Lakin üzrsüz səbəbdən olduqda 15 AZN əlavə xidmət haqqı alınır.

- Bölgələrdə fəaliyyət göstərməyi düşünürsünüz?

- Sumqayıt, Gəncə, Şəki, Lənkəranda mərkəzlərimizi qurmağı düşünürük. Paytaxtda göstərilən xidmət və kampaniyalarmız eynilə həmin bölgələrdə də təşkil olunacaq