NAR zərərçəkmiş məktəblərin şagirdlərini sevindirdi - Fotolar
Yeni tədris ili məktəblərin qapılarını yenidən şagirdlərin üzünə açdı. Zəng səsləri şagirdləri sinif otaqlarına səslədi. Bu sevinc ölkəmizin dörd bir yanında yaşandı. Çiyninə ilk dəfə çanta alıb məktəbə gələn uşaqların da həyatlarında yeni bir səhifə açıldı.
İşğaldan azad edilən torpaqlarımızda yerləşən, müharibədən zərərçəkmiş məktəblərin müəllim və şagirdləri üçünsə bu sevinc və fərəhi yaşamağın ayrı bir duyğusu və gözəlliyi var.
NAR-ın dəstəyi ilə Vətən müharibəsində hərbi əməliyyatlar zamanı Füzuli və Ağdam rayonlarının zərərəçəkmiş məktəblərinə səfər zamanı bu fərəhi şagirdlərin, müəllimlərin və valideynlərin üzündə daha aydın müşahidə etdik. Balacaların sevinc dolu ürək sözlərini, valideynlərinin fərəhini bölüşdük. Beş zərərçəkmiş orta məktəbin birincilərinin məktəbə ilk dəfə qədəm qoyma sevinclərinə rəngli dərs ləvazimatlarının da sevinci qarışdı.
NAR-ın İctimaiyyətlə Əlaqələr Departamentinin rəhbəri Əziz Axundov qeyd etdi ki, mobil operator ənənəvi korporativ sosial məsuliyyət (KSM) strategiyası çərçivəsində Azərbaycanın müxtəlif bölgələrində təhsil alan şagirdlərin məktəb həyatına ilk addımlarını dəstəkləyir: “Məqsəd bölgələrdə təhsil alan şagirdlərin ailələrinə dəstək olmaq və şagirdlərə dərslərində daha da uğurlu olmaları üçün stimul verməkdir”.
Vətən müharibəsində döyüşən məktəb
1-ci və 2-ci Qarabağ müharibəsində şəhid olan qəhrəman hərbçilərimizin portretləri ilə bəzənən küçələrdən keçib Füzuli rayonunun Qarabağ regional Təhsil İdarəsinin şəhid Əkrəm Səlimov adına Kərimbəyli kənd tam orta məktəbinin binasına çatırıq. Təhsil ocağının şagird və müəllim kollektivi, həmçinin valideynlər 1-cilərə dəstək hədiyyələrini böyük sevinclə qarşılayırlar.
Kərimbəyli kəndi 1993-cü ildə ermənilər tərəfindən işğal olunub. Bır sıra evlər atılan mərmilərdən dağılıb. İndi də mərmilərin qorxunc səsi kənd camaatının qulaqlarında səslənir. 1988-ci ildən fəaliyyət göstərən kənd məktəbi də müharibə zamanı yerli əhalisi ilə birgə qəhrəmanlıqla döyüşüb. Təhsil ocağı Vətən müharibəsi günlərində hərbçilərimizə qapılarını açıb, N saylı hərbi hissənin kəşfiyyat bölümü kimi fəaliyyət göstərib. Məktəbin müəllim və texniki heyəti isə əsgər və zabitlərimizə qulluq edib. Kənd camaatı əsgərləri lazımı əşyalarla, yemək-içməklə təmin edib. Hərbçilərin ilk yaralarını sarıyan da kəndin camaatı olub.Məktəb kəndin ilk şəhidinin adını daşıyır. Məzunlarından 200 nəfəri müharibə iştirakçısıdır, 12 nəfəri Qarabağ uğrunda döyüşlərdə şəhid olub.
Vətən müharibəsi bitəndən sonra məktəbin sinif otaqları və dəhlizləri yenidən şagirdlərin səs-küyü ilə rövnəqlənib. Müəllimlər öz vəsaitləri hesabına sinif otaqlarını təmir etdiriblər. Hazırda əsaslı təmirə ehtiyacı olan məktəbdə ümumilikdə 430 şagird təhsil alır ki, onlardan 8 nəfəri şəhid övladıdır.
Bu tədris ilində məktəbin birinci sinfində 42 şagirdin təhsil aldığını bildirən məktəbin direktoru Rəvan Cəfərzadə şagirdlərə göstərilən dəstəyi xeyriyyəçilik təşəbbüsü adlandırdı: “Bizim kəndin camaatı müharibənin bütün dəhşətini görüb. Bu şagirdlər də həmin dövrün çətinliklərini yaşaya-yaşaya böyüyürlər. Xüsusən müharibədən zərərçəkən məktəblərə belə yardımların göstərilməsi böyük köməkdir. Bu, həmçinin aztəminatlı ailələrə yardımdır. Bu gün birincilər ikiqat sevinc yaşadılar...”
1-cilərin müəllimi Əsmər Həsənova “Birincilər üçün hədiyyə təkcə şagirdlərdə deyil, valideynlərdə də ruh yüksəkliyi yaradıb”- deyə sevincini ifadə etdi: “Elə ailələr var ki, onların uşaqlarına dərs ləvazimatı almağa imkanları yoxdur. Kənddə belə ailələr çoxdur. Bu uşaqların dərs ləvazimatına ehtiyacları vardı. Bu hədiyyələr onlar üçün əsl sevincdir”.
1-ci sinif şagirdi Aysu Həsənovanın sevincini duymaq üçün üzünə baxmaq kifayətdir. Məktəb hədiyyəsini qucaqlayıb sevinir: “Çantada rəngli karandaşlar, dəftərlər, qələmlər, kitablar var...”. Nənəsi Solmaz Məmmədova da dəstəyi özəl təşəbbüs kimi dəyərləndirdi: “Uşaqların üzündəki gülüş, gözlərindəki təbəssüm bu sevinci ifadə edir”.
Muxtar Əhmədov da şagird olmağın sevincini yaşayır: “Dərslərimi yaxşı oxuyacağam. Böyüyəndə həkim olmaq istəyirəm. Yeni rəngli çantama görə çox sevinirəm...”.
Məktəbin müəllimləri də birincilərə verilən hədiyyələrə görə təşəkkürlərini ifadə etdilər: “Şagirdlər üçün bundan gözəl hədiyyə ola bilməz. Bu dəstək bizim üçün çox əhəmiyyətlidir”.
Hədiyyənin bəxş etdiyi stimul
NAR-ın məktəblilərə dəstək aksiyasının növbəti ünvanı rayonun şəhid Ağamoğlan Cəbrayılov adına Aşağı Alxanlı kənd məktəbi oldu. Məktəbin 100 illik tarixi var. Vətən müharibəsi vaxtı Füzuli rayonunun ermənilərlə məsafədə son yerləşdiyi kənd olub. Əhalini cəbhə bölgəsindən üç kilometrlik məsafə ayırıb. 44 günlük müharibədə məktəb binasında hərbi hissə yerləşib. Köhnə və təmirsiz tikili müharibəyə şahidlik edib.
Vətən müharibəsində qazanılan böyük Zəfər məktəbin qapılarını da yenidən müəllim və şagird kollektivinin üzünə açıb. Hazırda təhsil ocağında 199 şagird oxuyur.
Məktəbin direktoru Tariyel Əliyev bu tədris ilində məktəbdə iki 1-ci sinfin dərsə başladığını dedi: “Bu tədris ilində 30 şagird 1-ci sinifdə oxumağa başlayıb. Artıq kənddə əhalinin sayı artdıqca məktəbə gələn uşaqların da sayı çoxalır”. Direktor: “Uşaqların üzündəki sevinci görüb özüm də uşaq kimi sevinirəm” dedi: “Şagirdlərə bundan layiqli hədiyyə təsəvvür eləmirəm. Bu, çox gözəl təşəbbüsdür. Yeni tədris ili üçün 1-ci sinif şagirdlərinin lazımlı dərs ləvazimatları ilə təmin edilməsi nümunəvi təşəbbüsdür. Bu dəstək valideynlərin qayğısını azaltdı. Belə təşəbbüslərin davamlı olmasını arzulayırıq!”
İbtidai sinif müəllimi Gülşanə Hacıyeva da müharibədən zərər çəksə belə məktəbdə şagirdlərin dərsə gəlməsinə görə sevincini ifadə etdi: “Biz hələ müharibə vaxtı bu kəndin üzləşdiyi acıları unutmamışıq. Onda uşaqlar da məktəbdən məhrum olmuşdu. Ev-eşiklərindən hamı didərgin düşmüşdü. Şükür ki, böyük Zəfərimizdən sonra Aşağı Alxanlı kəndi də öz sakitliyinə qovuşdu. Bu gün məktəbin qapılarının uşaqların üzünə açıq olmasını görməkdən, şagirdlərin dərsə getmək sevincini yaşamaqdan böyük xoşbəxtlik yoxdur. Uşaqlarımızın təhsil almasını, parlaq gələcəklərinin olmasını arzulayırıq. Belə bir həssas vaxtda məktəbimizin şagirdlərinə göstərilən dəstək bizim uçun böyük stimuldur”.
Məktəbin 1-ci sinif şagirdi Hüseyn Hüseynli sevinc içindədir: “Hədiyyə məni sevindirdi. Dərslərimi yaxşı oxuyacağam. Böyüyəndə hərbçi olmaq istəyirəm”.
Gözlərində sevinc, üzlərində saflıq olan bu uşaqlar Vətənimizin gələcəyi, bizim sabahımız, ölkəmizin gələcək qurucularıdır. Onların layiqli vətəndaş kimi yetişmələri, Vətəni sevmələri, şəxsiyyətyönümlü böyümələri üçün hər birimizin üzərinə vəzifə düşür. Xüsusən əgər söhbət müharibədən zərərçəkmiş ərazilərdən və məktəblərdən gedirsə, bu dəstək təkcə sosial məsuliyyət deyil, həm də yüksək humanizm nümunəsidir.
- Oğluma Ali Baş Komandanın adını verəcəyik - Fotolar
23 aprel 2024 18:36
- Məktəb direktoru həmin qadından 300 min alıbmış
22 aprel 2024 21:14
- Respublika Pediatriya Mərkəzi yaradıldı - Direktor o oldu+Fotolar
19 aprel 2024 11:42
- 20 yaşında kəndinin muxtarı oldu - Fotolar
4 aprel 2024 21:12
- Prezident Sankt-Peterburqun qubernatorunu qəbul etdi - Yenilənib - Fotolar
3 aprel 2024 13:36
- 3 uşaq anası azərbaycanlı həkimin əlində öldü - FOTOLAR
25 mart 2024 21:20
- Hitlerin aqibəti – Müəmmаlаr dumаnındа GİZLƏDİLƏN HƏQİQƏTLƏR + FOTOLAR
25 mart 2024 10:54
- Gözəllik müsabiqəsinin qalibi də həlak olub - Fotolar
24 mart 2024 05:39
- Moskvadakı terrorda şübhəli bilinənlər belə həbs edildi –Saxlanılan zaman çəkilən FOTOLAR /VİDEO
23 mart 2024 14:36
- Terrorda şübhəli bilinən 2 nəfər saxlanılıb, 4-ü axtarılır - Fotolar
23 mart 2024 14:05
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10