Polşa Almaniyadan rəsmi olaraq 1,3 trilyon avro təzminat tələb edir

İkinci Dünya Müharibəsində verdiyi itkilərə görə Almaniyadan 1,3 trilyon avro təzminat tələb edən Polşa rəsmi bəyannamə verib.

“Qafqazinfo” xarici KİV-ə istinadən xəbər verir ki, bu haqda  Polşanın xarici işlər naziri Zbiqnev Rau açıqlama yayıb.

Açıqlamada Almaniya hökumətinə təzminat verilməsini tələb edən diplomatik bildirişin verildiyini bildirib.

Təzminat qərarını rəsmiləşdirən rəsmi bildiriş Raunun Almaniya xarici işlər naziri Annalena Beerbok ilə görüşündən bir neçə gün əvvəl verilib. Bildirilib ki, nazir Rau görüş zamanı müvafiq məsələləri Beerboka çatdıracaq.