Qocalmaq istəmirsinizsə, bunları edin

"İnsanlar zərərli gənclik vərdişlərini illər keçdikcə dəyişdirməlidir. 25-30 yaşda pəhriz və sağlam həyat tərzi haqqında düşünməyə dəyər. Eyni zamanda, hər bir insanın bədəni 40 yaşdan sonra daha diqqətli bir münasibətə ehtiyac duymağa başlayır. Bu yaşda orqan və toxumalarda bir çox vacib proseslər yavaşladığı üçün bədən artıq əvvəlki kimi işləmir".

NUH.az   Publika.az-a istinadən xəbər verir ki, bu sözləri terapevt Mariya Çernyayeva deyib.

O bildirib ki, bir qayda olaraq, 40 yaşdan sonra metabolik proseslər ləngiyir: "Zərərli maddələr orqanizmdən daha gec xaric olunmağa başlayır, toxumaların yenidən qurulması davam edir, fermentativ aktivlik azalır, insulin daha pis istehsal olunur. 40 yaşdan sonra zərərli qidalar və spirtdən sui-istifadə etməyə davam etsəniz, mənfi nəticələrin qarşısını almaq olmayacaq. Bu yaşda bir çoxları qida rasionunu dəyişməzsə, sürətlə kökəlməyə başlayır. Bu, metabolik pozğunluqla əlaqədardır".

Həkim qeyd edib ki, 40 yaşdan sonra qidalar daha pis həzm olunmağa başlayır, artıq yağlı qidaların böyük bir hissəsini yeyə bilmirik.

"Məsələn, biz manqalda ət bişirə bilmirik, çünki mədə-bağırsaq traktının işi ilə bağlı xoşagəlməz simptomlar baş verir. Alkoqol qəbulunun nəticələrini isə şişkinlik, baş ağrısı şəklində hiss etməyə başlayırıq", - deyə Mariya Çernyayeva izah edib.