Adil Xudadatov: Zakir Fərəcovun qara kassası, Kamaz sürücüsü

Sumqayıtın Baş memarından xəbər var, özü də, bambaşqa bir səpkidə
Uzun müddətdir ölkə mətbuatında, eləcə də internet mediasında və sosial şəbəkələrdə, həmçinin özümün rəhbəri olduğum media qurumunda Sumqayıtın icra başçısı Zakir Fərəcovun rəhbər fəaliyyətindəki ciddi nöqsanlar barədə, həmçinin iş adamları ilə, illərdi səngiməyən borc qalmaqllarıyla bağlı əsaslı yazıların dərc edildiyi hamıya məlumdur. Öncədən onu da qeyd etmək istəyirəm ki, mənim Zakir Fərəcovla heç bir şəxsi qərəzim yoxdur və ola da bilməz. Sadəcə, yaranan belə bir xoşagəlməz durum və şikayətlərin həddən-ziyadə çoxluğu, bir jurnalist kimi, əlimə qələm götürüb, bu barədə yazmağı tələb edir. Və şikayətçilərin əksəriyyəti də, lazımi dövlət orqanlarına öz şikayətlərini, mətbuat vastəsi ilə çatdırmağı lazım bilirlər. Bir də ki, digər mətbu vasitələr kimi, bizim redaksiya da, bu ciddi məsələyə öz mövqeyini açıqlayır. Qalan vacib işləri isə, əlaqədar dövlət qurumlarının öhdəsinə buraxır. Səlahiyyətli orqanlar isə, özlərinin bu vacib işini araşdırmağa, nədənsə, çox gecikirlər...
Ümumiyyətlə, ölkə mətbuatı Zakir Fərəcovu var-dövləti, mal-mülkü, yüksək çinli məmurlarla yaxın qohum-qudalıq şəbəkəsi olan, özünün oğul-uşaqları, nəsil-kök yaxınları hər yerdə ciddi mühafizə altında qorunan ən qocaman icra başçısı kimi, öz yazılarıyla heç vaxt gündəmdən salmayıb. Di gəl ki, o, hər dəfə "sudan quru çıxmağı bacarıb". Bunun səbəbləri də, artıq, hamıya məlumdur: Ortada, bu cür ciddi nöqsanları olan belə bir yüksək vəzifə sahibini ölkə rəhbərinə yaxşı yöndən təqdim edən Ramiz Mehdiyev kimi adam olub. Üstəlik, bir vaxtlar Milli Təhlükəsizlik Nazirliyinin başında duran Eldar Mahmudov kimi təhlükəli bir general da, onun tam təhlükəsizliyini hərtərəfli təmin edib. Respublikanın sabiq Baş prokuroru Zakir Qaralovla arasındakı xüsusi dostluğun ona nələr verdiyi də, heç kəsə sirr deyil. Və nəhayət...
...Rəhbəri sarıdan başı bəlalı Naxçıvan Muxtar Respublikasının sabiq rəhbəri Vasif Talıbovun adına çıxılan "Xanlıq Kürsüsü"ndə önəmli mövqedə olması da, Zakir Fərəcovun həmişə "sudan quru çıxmasının" ən əsas səbəbi kimi, camaatın dilindən düşmür. Yaddaşlara köçən əsas dəhşət isə ondadır ki, hətta xalqın ondan olan saysız-hesabsız giley-güzarını qələmə alan, eləcə də görüb, şahidi olduqları qanunlarımız çərçivəsinə sığmayan bəd əməllərini işıqlandıran mətbuat vasitələrini günahkar və yalançı çıxararaq, dövlətin və xalqın onlara olan inamını gözdən salmaqda xüsusi məharət nümayiş etdirməyi bacaran icra başçısı kimi də, çoxdan özünü tanıda bilib. Nə yaxşı ki, indi, o, nə Mehdiyevlə, nə Mahmudovla, nə Qaralovla və nəhayət, nə də ki, Talıbovla bir meydanda var! Yoxsa, hər şey mənim üçün də pis olar, "günüm göy əskiyə bükülərdi".
Bütün bunlar barədə bu qədər, indi isə, keçək bu yazının əsas mövzusuna: Bu mövzu ilə bağlı, öncə onu qeyd etmək istəyirəm ki, icra başçısının "qara kassa"sına "mühasiblik" edən Sumqayıtın Baş memarı Adil Xudadatovdan xəbər var. İncidilən sahibkarların dediklərinə görə, Zakir Fərəcov, uzun müddətdir ala bilmədikləri və başlarına bəla gətirən milyon manatlarla borcun qaytarılması məsələsini həll etməyi, Sumqayıt Şəhər İcra Hakimiyyətinin Memarlıq və Tikinti Şöbəsinin bu müdirinə tapşırıb. Bu məsələ ilə bağlı, onunla əlaqə yaratmaq, qəbuluna düşmək və söhbət etmək isə, müşkül məsələyə çevrilib. Yuxarılarda yüksək vəzifələr tutan arxa-dayaqlarına çox güvəndiyindəndir deyə, "dünya vecinə də deyil"! Borclarını istəyən iş adamları ilə, istədiyi kimi davranmaqdan belə çəkinmir. Bu azmış kimi, hətta istədiyi iş adamına, istədiyi vaxt, istədiyi səmtdən "badalaq gəlməkdən" belə çəkinmir. Bütün bunlar barədə, az sonra.
İndi isə, gəlin görək, əslində, Adil Xudadatov kimdir?!
Uzun müddətdir ki, adı ölkə mediasından düşməyən Adil Xudadatov, Zakir Fərəcov Abşeronda icra başçısı işləyən vaxtdan indiyədək, onun "sağ əli" kimi ictimaiyyətə tanıdılıb. Bir sözlə, vaxtilə Abşeronda "at oynadıb", sonra isə, qısa müddət ərzində, icra başçısı postunda Zakir Fərəcova müavinlik də edib. Adı pis yöndən çox hallandırıldığı üçün, tezcə də, bu böyük vəzifədən, guya, qovulub. Bundan azca sonra, indiki daha ”pristijli" bu vəzifə başına gətirilib. Hamının keçmiş "Kamaz" sürücüsü kimi tanıdığı Adil Xudadatov, Abşerondakı kimi, Sumqayıtda da, Zakir Fərəcovun pul yığanı kimi "şan-şöhrət sahibinə çevrilib".
Apardığım jurnalist araşdırmalarının son nəticəsi də belədir ki, pul yığmaq, pul bölüşdürmək sarıdan Adil Xudadatov çox fərasətlidir. Elə, Zakir Fərəcov da, onun fərasətli olduğunu nəzərə alaraq, işlədiyi yerlərdə ona yağlı vəzifələr verib. Belə fərasət sahibi, hətta Zakir Fərəcova bir-neçə milyon atmağı da bacarıb. Buna görə, başçının qəzəbinə tuş gələrək, 15 sutka içəridə yatıb da! Lakin Adil Xudadatovdakı qeyri-adi fərasət, onu həbs etdirən bu başçını məcburiyyət qarşısında qoyub ki, yenidən onu daha yağlı vəzifə başına qaytarsın. Və qaytarıb da! Bunun ona verdiyi xeyir barədə hər şey də, az keçməmiş, yenə göz qabağında olub. Həmişə də, göz qabağındadır.
Onu da qeyd edək ki, maxinasiya, rüşvət, saxtakarlıq... və dövlətdən oğurluq sarıdan etimadını çoxdan qazandığı başçının oğurladığı pullarını geri qaytaran Adil Xudadatov, hələ, Rusiya ali məktəblərindən, özünə, memarlığa aid 2 diplomu, yaxşı pula saxta yolla almağı da bacarıb.
Məhz belə qeyri-adi fərasət və bacarıqlarına görədir ki, əvvəlcədən qeyd etdiyimiz kimi, 20 nəfərdən çox sahibkar da, onun əlində aciz qalıblar. Deyirlər ki, Zakir Fərəcov, normal qaydada, dövlət tərəfindən ayrılmış pulları, işləri gördürən bu sahibkarların bank hesablarına köçürtdürməlidir. Lakin hər dəfə bir bəhanə ilə, pulu ödəməkdən boyun qaçırır. Xeyli vaxtdır ki, Adil Xudadatovu qabağa verməklə, nəsə qazanmaq da istəyir. O da, müxtəlif bəhanələrlə, pul ödəməkdən məharətlə boyun qaçıra bilir, üstəlik, vaxt udmağı özünə qənimət sayır.
İllərin çoxsaylı şikayətlərindən sonra, bir-neçə iş adamına Adil Xudadatovun özü, öz kabinetində pul verib. Axı, bu necə ola bilər?! Bank hesablarına keçməli və dövlətə hesabatı verilməli belə pulları Baş memar əlbəəl necə verə bilər?! Bəs, tenderlərdə iştirak etmiş adamların bank hesablarına pullar nədən keçməyib?! Bəlkə, dövlətin layihəsini Adil Xudadatov özünün və Zakir Fərəcovun restoranlarının ərzaq bazarlığının hesabatları ilə səhv salıb?! Eyni zamanda, o da çox düşündürücüdür ki, indi, borcları qaytarmaq üçün, idarə və şirkətlərdən pul toplamaqda adı hallanan şöbə müdiri, Zakir Fərəcovun borclarını bağlamağa nədən borclu olmalıdır?!.
Ümumiyyətlə, Adil Xudadatovdan 30 faiz "şapka" ilə, öz pullarını alan iş adamları da var. Özləri adlarını saytımıza təqdim ediblər. Onların siyahsını, dəyərli oxucularımızla bərabər, aidiyyatı dövlət qurumlarına rəhbərlik edənlərin də, nəzər-diqqətlərinə çatdırırıq:
1. Əsgərov Məhəmməd -- iş adamı;
2. Abbasov Rəşad -- iş adamı;
3. Abbasov Eyvaz -- iş adamı;
4. Piriyev Bilal -- iş adamı;
5. Qasımov İsa -- iş adamı;
6. Allahverdiyev Aydın -- iş adamı;
7. Şəmiyev Ağaməmməd -- iş adamı;
8. Rzayev Zöhrab -- iş adamı;
9. Qarayev Elşən -- iş adamı;
10. Mənsurov Çingiz -- iş adamı;
11. Məmmədov Sayəddin -- iş adamı;
12. Abbasov Əkbər -- iş adamı;
13 Məmmədov İlham -- iş adamı;
14. Rzayev Altay -- usta;
15. Rzayev Elçin -- usta...
Bizə üz tutdular, biz də, bu iş adamlarının başlarına gətirilənləri və onların bu yöndən olan digər dərd-sərlərini yazdıq. Dediklərini, eləcə də yazdıqlarımızı ölkə başçısına çatdırmaq üçün, indi növbə, edilən şikayətləri araşdırıb, qanunamüvafiq qiymət verə bilən səlahiyyətli orqanlarındır. Di gəl ki, onların nəsə edəcəklərinə, yenə də, heç kəs ümidli deyil. Ümumiyyətlə, paytaxta ən yaxın və ölkənin 3-cü böyük şəhəri olan Sumqayıtın özünün dərdi var. "Ürəyi" intizarda, "gözləri" isə, paytaxtın rəsmi qurumlarından gəlməli olacaq və dərd-sərinə əlac edə biləcək səlahiyyət sahiblərinin yolundadır.
Şəfəq AĞACAN.
P.S. Dədə-babalarımızdan qalma bir deyim var: "Haram tikə geci-tezi, mütləq, burundan geri gəlir!". Bu yerdə, müasir dövrümüzə aid bir ilginc kəlamı da xatırlatmaq istərdim: "Həyat -- bumeranqdır!", bəd niyyət sahiblərinin etdiklərinin ağrı-acı dolu zərbəsi, geci-tezi qayıdıb, özünə dəyir.
Təbii ki, Zakir Fərəcovun və ətrafının ictimai qınağa tuş gələn, qanunlarımız çərçivəsinə sığmayan törətdikləri bəd əməllərinin zərbəsi də, çox ağrı-acılıdır. Nə yaxşı ki, ortada ictimai dəstək kimi mühüm faktor da qalmaqdadır -- korrupsiyaya, süründürməçiliyə, hegemonçuluğa, özbaşınalığa... qarşı mübarizədə hər zaman mühüm əhəmiyyət kəsb edir! Məhz bu səbəbdəndir ki, dövlətimizin başçısı da, öz önəmli və vacib çıxışlarında, tez-tez, ictimai nəzarət və ictimai qınaq faktorlarını üstün cəhətdən xatırladır. Elə, Zakir Fərəcov, eləcə də ətrafına topladığı hegemon komandada olanlar bu faktorların təsir gücünü vaxtında anlasaydılar, yaxşı olardı...
- Azərbaycanda Ramazan ayı başladı
23 mart 2023 10:51
- Sürücüsü Heydər Əliyev haqda xatirəsini danışdı
22 mart 2023 14:27
- Sibirə sürgün olundu, Xalq artisti ilə eşq yaşadı....
22 mart 2023 10:33
- Şeirimizin Tərlanı - Azad Qaradərəli yazır
20 mart 2023 20:41
- Asəf Zeynallının məzarı bərbad vəziyyətdədir (FOTO)
19 mart 2023 16:01
- Adil Qeybullanı istefaya təhrik edənlər var (AÇIQLAMA)
15 mart 2023 14:26
- Adil Qeybulla Qubad İbadoğlu ilə yollarını ayırdı
14 mart 2023 22:25
- Sumqayıtda sahibkarları aldadan komanda: Zakir Fərəcov və…
11 mart 2023 13:51
- Xanım məmurun və rəis oğlunun ölümünə səbəb olan sürücü....
10 mart 2023 15:49
- Bakıda kafe müdiri 8 yaşlı qızı 100 manata zorladı...Azərbaycan budur
9 mart 2023 22:10
- Kür Xəzərə qovuşdu - Fotolar
25 mart 17:05
- Partiyalar çətin durumda - Üzvlük məsələsində hansı problem yaranıb?
25 mart 16:53
- Sabunçu Tibb Mərkəzinə yeni direktor təyin edilib
25 mart 15:12
- Bakıda “Mercedes” ticarət mərkəzinə girdi - Fotolar
25 mart 14:58
- 83 yaşlı kor şəxsin gözləri açıldı - Dünyada ilk
25 mart 10:00
- Aprel şəhidi Pəncəli Teymurovun doğum günüdür
24 mart 22:06
- Mərhum baş nazir Nəcməddin Ərbakanın oğlu "Cümhur" ittifaqına qoşuldu
24 mart 18:08
- Azərbaycanlı polkovnik Ukraynada həlak oldu - Foto
24 mart 16:06
- Mehriban Zəki dəhşətli qəzadan danışdı: "O susurdu, maşın çevrilirdi..."
24 mart 13:14
- Bağanis-Ayrım hadisəsinə görə 18 erməni beynəlxalq axtarışdadır
24 mart 11:23
- Xamhüseyn Kazımlının partiyası öz fəaliyyətini dayandırdı ŞOK
23 mart 22:29
- Təbriklər, ADU ! - UĞURLAR !
23 mart 21:45
- Nazir Vətən müharibəsi iştirakçısına vəzifə verdi (FOTO)
23 mart 18:14
- Veteran hərbçi uşaqlarını güllələdi: 5 ölü
23 mart 11:59
- Azərbaycanda Ramazan ayı başladı
23 mart 10:51
- Dilarə Əliyeva evə buraxıldı
23 mart 10:37
- İti avtomobilə bağlayaraq sürüyən şəxs məsuliyyətə cəlb olundu - Video
22 mart 22:14
- Oqtay Əliyev qəzada öldü
22 mart 22:06
- Oqtay Əliyev yol qəzasında dünyasını dəyişdi - Fotolar
22 mart 21:35
- Elmar Məmmədyarovdan SENSASİON açıqlama - 2 ildən sonra...
22 mart 18:48
- Yapon alimləri 2 erkək siçanı evləndirdi....7 bala alındı
22 mart 15:51
- Sürücüsü Heydər Əliyev haqda xatirəsini danışdı
22 mart 14:27
- İnsanlığa sığmayan vəhşilik - İti maşının arxasına bağlayıb sürüdü VİDEO
22 mart 12:56
- Sibirə sürgün olundu, Xalq artisti ilə eşq yaşadı....
22 mart 10:33
- Dünya QUCAQLAŞMA günü
22 mart 10:21
- Əliyev Qarabağla bağlı bu faktı ilk dəfə açıqladı
22 mart 10:12
- Mediada işləmək üçün jurnalist diplomu vacib deyil
21 mart 21:33
- AZAD Ağalıda möhtəşəm Novruz konserti ... VİDEO
21 mart 20:30
- 6 aydır işə gələ bilməyən Tağı Əhmədov İSTEFA vermək istəmir ...
21 mart 16:29
- Tokio prosesi - İki sabiq baş nazir asıblar...
21 mart 15:59