40 qəpiklik gediş haqqıdan milyonlar qazanan Vüsal Kərimli – Bilet satışı BNA sədrinə..

Jurnalist Fərid İsmayılov "K Group” MMC və "GMSA” şirkətinin yerləşdiyi hüquqi ünvana baş çəkib. Bəlli olub ki, bu ünvanda Vüsal Kərimlinin özü də qeydiyyatdadır.

BNA bu barədə verdiyi açıqlamada iddia edir ki, Vüsal Kərimli quruma rəhbər təyin ediləndən sonra hər iki şirkətdə fəaliyyətini dayandırıb. Lakin məsələ Vüsal Kərimlinin BNA rəhbəri olduğu dövrdə "K Group” MMC-nin inhisarçı operatora çevrilməsi onun heç də fəaliyyətini dayandırmadığını göstərir.

Mediada BNA-nın keçirdiyi şübhəli tenderlər barədə də çox yazılıb. Tenderlər bir çox hallarda BNA rəhbərinə yaxın, yaxud da yeni yaradılan "proxy” şirkətlərə verilir. Bu isə BNA-nın keçirdiyi satınalma müsabiqələrində korrupsiya hallarına yol verilməsinə şübhələr yaradır.

İndisə məlum olur ki, ictimai nəqliyyatda bilet satışı da Vüsal Kərimlinin biznes imperiyasına daxil şirkət tərəfindən həyata keçirilir. Nəzərə alsaq ki, bilet satışından əldə olunan gəlirin 5 faizi "K Group” MMC-yə gedir, o zaman BNA rəhbərliyinin bundan nə qədər qazandığını təsəvvür etmək çətin deyil./Reportyor.info