“Ter-Petrosyanı Rusiya devirdi, ABŞ hansı “vahid mövqe”dən danışır?”

Azərbaycanın sabiq xarici işlər naziri Tofiq Zülfüqarov ABŞ Dövlət Departamentinin 90-cı illərdə Qarabağla bağlı aparılmış danışılqara dair məxfilikdən çıxardığı sənədləri şərh edib.

Azpost.info bildirir ki, sabiq nazir həmin sənədlərdə “Minsk Qrupunun həmsədrlərinin vahid mövqeyi” barədə qeyd olunanları “yalan” adlandırıb:

“Bunun subutu ortadadır. Robert Koçaryan 1997-ci ildə prezident Ter-Petrosyana qarşı hərbi çevrilşini Rusiyanın dəstəyi ilə həyata keçirdi. Əgər bu belədirsə o zaman hardadır ABŞ,Fransa və Rusiyanın vahid mövqeyi? Aydındır ki, “Azadlıq” radiosunun erməni redkasiyanın yaydığı Dövlət Departamentinin bu sənədləri yumşaq desək ciddi “korrektələrə” məruz qalıb. Odur ki, sual yaranır- Məqsəd nədir?”

T.Zülfüqarovun sözlərinə görə, sabiq Həmsədrlər öz aralarında razılaşaraq ictimaiyyətə gələcəkdə birgə əməkdaşlığın bərpasının mümkünlüyü barədə fikir aşılamağ cəhd edirlər.

O bildirib ki, həmin dövrdə xarici işlər nazirinin müavini və Prezidentin xüsusi nümayəndəsi olub. Odur ki, bu məsələ barədə mövqeyini ifadə etməyi vacib sayır. “Kim gəldi tənbəlik eləmədən Dövlət Departamentinin bu sənədlərini şərh edir”-deyə sabiq nazir ironik şəkildə vurğulayıb.

Xatırladaq ki, ABŞ Dövlət Departamentinin yayıdığı həmin sənədlərdə 1997-ci ildə ABŞ, Rusiya və Fransa liderləri tərəfindən aparılmış Qarabağ danışıqlarına dair bir sıra məqamlar və yazışmalar əks olunub. Orada Minsk Qrupunun sülh sazişi iə bağlı vahid mövqeyə nail olunduğu, lakin Ter-Petrosyanın istefasının bu prosesi yarımçıq qoyması vurğulanır.