Çexiyada Ramzan Kadırovun dünya şöhrətli atı oğurlandı

8 mart 2023 13:32

Çexiya polisi ölkənin şimal-şərqindəki Krabçitse kəndində tövlədən ingilis damazlıq atının oğurlanması faktını araşdırır. 
Qaynarinfo xəbər verir ki, bu barədə RBC idarənin bəyanatına istinadən məlumat yayıb.
Bildirilir ki, 16 yaşlı Zazu adlı dəfnə ayğırı Çeçenistan rəhbəri Ramzan Kadırova məxsusdur. At beynəlxalq sanksiyalar altında Çexiyada Kadırovun dondurulmuş mülkiyyətinə daxil edilib. Bunu Maliyyə Nazirliyinin Xarici Əlaqələr və Kommunikasiyalar Departamentinin sözçüsü Mikulas Halas da təsdiqləyib və qeyd edib ki, idarə oğurluq faktını araşdırarkən əlavə məlumat verə bilməz.
 
Polisin məlumatına görə, at martın 4-nə keçən gecə oğurlanıb. "Oğru sürüşən qapıdan karabinli zənciri çıxarıb və damazlıq ayğırı aparıb", - polis bildirib. Polis heyvanın əlamətlərini açıqlayıb: alnında ağ ulduz və budun altındakı sağ arxa ayağında başqa bir ağ işarə. Atın dəyəri demək olar ki, 400 min çex kronudur (təxminən 19 min dollar).
Jezdci.cz-in məlumatına görə, Kadırov atı 2012-ci ildə Almaniyanın WH Sport International şirkətindən nüfuzlu at yarışı olan Dubay Dünya Kubokunda (2023-cü ildə ümumi mükafat fondu 30,5 milyon dollar) iştirak etmək üçün alıb. Zazu yarışda beşinci olub. Ümumilikdə, portalın məlumatına görə, bu ayğır 36 yarışda iştirak edib, doqquzda qalib gəlib və 1,2 milyon avrodan çox qazanıb.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1328