Əli İnsanov bəzi partiyalara ELÇİ göndərib ki, HƏP-ə birləşin

Maqazin14 mart 2023 08:42

"Siyasi partiyalar haqqında” yeni qanunun təsdiqlənməsindən sonra keçmiş səhiyyə naziri Əli İnsanovun sədri olduğu Haqq və Ədalət Partiyasının (HƏP) fəallaşması müşahidə olunur. 
Qaynarinfo-ya daxil olan məlumata görə, bu fəallıq səbəbsiz deyil. 
İddialara görə, Əli İnsanov "Siyasi partiyalar haqqında” yeni qanundan sonra bir çox partiyaların fəaliyyətini dayandıracağının fərqindədir. Bu baxımdan, indidən HƏP-i müxalifətin əsas təşkilatına çevirməyə çalışır. 
Məlumatlarda bildirilir ki, keçmiş nazir partiyasının üzvlərinin sayını artırmaqla yanaşı, yeni qanunun tələblərinə cavab verməyən partiyalara elçi göndərərək, onları HƏP-ə birləşməyə dəvət edib. Əli İnsanovun birləşmək təklifində partiya sədrlərinə HƏP-in rəhbərliyində təmsilçilik məsələsi də yer alıb.
 Bildirilir ki, artıq bəzi partiyalar İnsanovun təklifi ilə razılaşıb. Bu sırada Azərbaycan Naminə Alyans Partiyasının (ANAP) da adı çəkilir. Məlumat üçün deyək ki, bir müddət əvvəl ANAP sədri Abutalıb Səmədov partiyanın fəaliyyətinin dayandırdığını bəyan edib.
 
İddialara görə, proses hakimiyyətin də maraqlarına xidmət etdiyindən Əli İnsanovun partiyası ətrafında təmərgüzləşməyə maneə törədilmir. 
Bildirilir ki, Əli İnsanovun partiyası ətrafında birləşmə prosesi bitdikdən sonra HƏP YAP-a alternativ siyasi təşkilat kimi qələmə veriləcək. 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1234