Nərminin nənəsi əsl qatilin tapılmasını tələb edir
Tovuzun Dondar Quşçu kəndində 10 yaşlı Nərmin Quliyevanın itkin düşməsi, 47 gün sonra kənddə yandırılmış meyitin tapılmasıyla bağlı 2 ilə yaxındır Gəncə Ağır Cinayətlər Məhkəməsində davam edən məhkəmə prosesi yekunlaşır.
Musavat.com xəbər verir ki, aprelin 26-da hakimlər bu iş üzrə məhkəmə istintaqının başa çatdığını elan edib. Hərçənd, azyaşlını oğurlayıb öldürməkdə ittiham olunan İlkin Süleymanov da, onun vəkilləri də bu qərara etiraz edib. Onlar bildirib ki, məhkəmədə araşdırılası məsələlər qalıb, hakimlərin özünün təmin etdikləri vəsatətlər icra olunmayıb. Keçirilən məhkəmə iclasında hələ əvvəldən vəkillər məhkəmə prosesinə sədrlik edən hakim Dadaş İmanova yazılı şəkildə etiraz verib. Vəkillər etirazlarında göstərib ki, adıçəkilən hakim prosesi qərəzli idarə edir, müdafiə tərəfinin vəsatətləri iş üçün əhəmiyyətli olan vəsatətləri heç bir əsas göstərilmədən təmin olunmur və s. Lakin bu etiraz baxılmamış saxlanılıb. Bundan sonra vəkillər Dadaş İmanovla yanaşı, məhkəmə tərkibinə daxil olan digər 2 hakimə - Faiq Mahmudov və Nural Əliyevə də etiraz verib. Etirazlarını belə əsaslandırıblar ki, qanunun tələbinə görə, adları çəkilən hakimlər Dadaş İmanova verilmiş etiraza ikisi baxıb qərar verməliydilər. “Bizim gözümüzün qarşısında qanunvericiliyin tələbləri pozuldu. Etiraza üç nəfər birlikdə gedib baxıb qərar verdi. Bizə də qərarı Dadaş İmanov özü elan etdi. Halbuki, biz ona etiraz edirdik”, - vəkil Əlibaba Rzayev bildirib.
Hər 3 hakimə verilmiş etiraz da baxılmamış saxlanılıb.
Məhkəmədə Ədliyyə və Səhiyyə Nazirliyinin 3 eksperti əlavə şahid qismində dindirilib. Ədliyyə Nazirliyinin eksperti Zemfira Məmmədovanın çağırılmasının səbəbi bu işdəki müəmmalı cins şalvar məsələsilə bağlıdır. Məsələ burasındadır ki, hadisə yerindən tapılmayan, oradakı geyim və əşyalarla bağlı protokolda olmayan cins şalvarın ekspertizaya necə gedib çıxdığı məlum deyil. Məhkəmədə bundan öncə dindirilmiş Aysel Cavadova adlı ekspert rəy verib ki, uşağa aid cins şalvar parçasının üzərindən İlkin Süleymanovun gödəkçəsinin lifi tapılıb. Ekspert iddia edib ki, meyit yananda o şalvar da üstündə olub.
Aysel Cavadovanın rəyinə əsasən, o, təqdim edilən 5 nömrəli bağlamanı açanda onun içindən sözügedən cins şalvar parçasını tapıb.
Lakin həmin bağlama ilə bağlı Zemfira Məmmədova da rəy verib. O isə rəyində cins şalvar tapılmasını göstərməyib. Məhkəmədə də ona bu haqda sual veriləndə deyib ki, 5 nömrəli bağlamada cins şalvar, qırmızı əski parçası və s. görməyib. Nə görübsə, onu da rəyində yazıb.
Səhiyyə Nazirliyinin eksperti Elşən Məmmədovdan isə vəkillər Nərmin Quliyeva ilə bağlı qanın nəticələrinin nə vaxt hazır olduğunu soruşublar. O bildirib ki, 2020-ci il yanvarın 27-də. Ondan həm də soruşulub ki, bundan öncə həmin rəyi başqalarının, o cümlədən prokurorluqdakı səlahiyyətli şəxslərin əldə etməsi mümkün idimi? O, “xeyr” cavabını verib.
Məsələ burasındadır ki, o vaxtkı Baş Prokuror Zakir Qaralov ekspert rəyi 2020-ci il yanvarın 27-də hazır olduğu və fevralın 21-də prokurorluğa göndərildiyi halda, Zakir Qaralov yanvarın 22-də Ombudsmana bu məsələ haqda yazdığı məktubunda artıq həmin rəyə istinad edib.
Məhkəmədə Nərmin Quliyevanın ana nənəsi Minayə İsmayılova da dindirilib. Vəkillərin ona veriləcək çoxsaylı sualları olsa da, hakim Dadaş İmanov sualların çərçivəsini məhdudlaşdırıb. Hətta buna görə vəkillərlə hakim arasında mübahisə də yaranıb.
“Niyə imkan vermirsiz dindirək? Onun danışmasının qarşısını alırsız...”, - vəkil Əlibaba Rzayev etiraz edib.
Hakim isə bildirib ki, hansı məsələ ilə əlaqədar əlavə şahid qismində çağırılıbsa, o mövzuda da suallar verilməlidir. Vəkillər isə etiraz edib ki, belə bir tələb qoyula bilməz.
Minayə İsmayılovanın prezidentə, Baş prokurora bir neçə məktubu var ki, orada İlkin Süleymanovun qatil olmadığını göstərir, əsl qatilin tapılmasını istəyir. O, bu haqda suala belə cavab verib: “Mən demişəm ki, İlkin deyilsə də, kimdirsə, tapın...”
Lakin onun nəzərinə çatdırılıb ki, məktubunda “qatil İlkin deyil” yazıb. O, bu haqda suallara konkret cavab verməyib.
Vəkillər ona xatırladıb ki, hadisədən sonra telekanallardakı çıxışlarında, mediaya müsahibələrində qızını və kürəkənini, həmçinin uşağın əmisini ittiham edirdi. O, cavabında deyib ki, həmin dövrdə hər kəsdən şübhələnirdi.
Məhkəmədə o da məlum olub ki, Nərmin Quliyeva itkin düşməmişdən az öncə onun atası anasının iş yerinə gedib, orada aralarında dava olub. Nəticədə Şərif Quliyev həyat yoldaşı Aynurə İsmayılovanı bıçaqlamaq istəyib. Bununla əlaqədar Minayə İsmayılova və qızı Aynurə İsmayılovanın polisə şikayəti olub.
Vəkillər hadisədən əvvəlki bu davanın səbəbini soruşublar.
“Hamının evində olur da...” – Minayə İsmayılovanın bu cavabından sonra hakim davam etdirməyə imkan verməyib və bu məsələlərin işə aidiyyəti olmadığını bildirib.
Vəkillər isə deyib ki, cinayət işinin materiallarında Minayə İsmayılovanın 5 ifadəsi var. Bıçaqlanma cəhdi haqda deyilənlər də həmin ifadələrdən birində öz əksini tapıb.
Bundan sonra məhkəmə istintaqının tamamlanması məsələsini Dadaş İmanov müzakirəyə çıxarıb. Vəkillər etiraz edib.
“Biz İlkin Süleymanovgilin evində olan uşaqların dindirilməsi barədə vəsatət qaldırmışdıq, siz də təmin eləmişdik. Niyə onları dindirmirsiz? Təmin eləmisiniz axı. Telefon zənglərilə bağlı sənədləri niyə tədqiq eləmirsiz? İşin içindəki diskə baxış keçirilməsi haqda vəsatəti təmin eləmisiz, amma baxış keçirməmisiz. Belə məhkəmə olar?”, - Zabil Süleymanov etiraz edib.
Etirazlara baxmayaraq, məhkəmə istintaqının tamamlanmasına qərar verilib.
Prokuror çıxışa hazırlaşmaq üçün vaxt istəyib. Ona mayın 3-nə qədər vaxt verilib.
1973-cü il təvəllüdlü İlkin Süleymanov Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 133.2.1 (oğurlanmış şəxsə əzab vermə), 133.2.4 (yetkinlik yaşına çatmayan, köməksiz vəziyyətdə olan şəxsə əzab vermə), 144-cü (adam oğurluğu) maddələrilə ittiham olunur.
İttihama əsasən, o, sinif yoldaşı Şərif Quliyevin ailəsi, uşaqları olduğuna görə onu qısqanıb, buna görə də onun qızı Nərmini oğurlayaraq, 47 gün sonra qətlə yetirib.
İlkin Süleymanov isə azyaşlının ölümünə aidiyyəti olmadığını deyir. İlkin ifadəsindəki etirafa gəlincə, o bildirib ki, 2020-ci il yanvarın 6-dan 10-na qədər Tovuz rayon Polis Şöbəsində işgəncəyə məruz qalıb. Dörd gün sonra işgəncələrə dözməyərək, etiraf ifadəsinə imza atmağa məcbur olub. Baş Prokurorluq isə işgəncə iddialarını təkzib edib.
- Bu gün ilk Qədr gecəsidir
28 mart 2024 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 2024 16:01
- Prezident bu qanuna dəyişiklik etdi
28 mart 2024 15:39
- Lifttəmir-in direktoruna şiddətli töhmət verildi
28 mart 2024 15:31
- DTX sıralarında 7 Vətən Müharibəsi Qəhrəmanı xidmət edir
28 mart 2024 11:13
- Prezident və xanımına qarşı sui-qəsd cəhdinin detalları 28 il sonra açıqlandı - Əl-Qaidə-nin planı
25 mart 2024 16:06
- Diş ağrısı ilə yatıb 32 il sonra oyandı
25 mart 2024 13:47
- Hitlerin aqibəti – Müəmmаlаr dumаnındа GİZLƏDİLƏN HƏQİQƏTLƏR + FOTOLAR
25 mart 2024 10:54
- Hindistanın Baş naziri SSRİ-də Novruz Bayramını necə bərpa edib? –Bakıda ilk Novruz şənliyi Moskvanı nə üçün qorxudub?
25 mart 2024 00:52
- Qırmızı soğan ürək xəstəlikləri və prostat xərçənginə qarşı effektiv vasitədir
24 mart 2024 23:42
- Papa qadın məhbusların ayaqlarını yuyub öpdü
29 mart 10:44
- Çingizi arvadı ifşa edibmiş - Mərhum nazirin oğlu da dindirilib
29 mart 10:29
- Şahmar Hüseynova yeni vəzifə verildi
28 mart 21:04
- Bu gün ilk Qədr gecəsidir
28 mart 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 15:56
- İsveçrədən Azərbaycana 105 min manata 4 ədəd qol saatı gətiriblər
28 mart 15:46
- Prezident bu qanuna dəyişiklik etdi
28 mart 15:39
- Lifttəmir-in direktoruna şiddətli töhmət verildi
28 mart 15:31
- Azneft-in baş direktoru da vəzifəsindən azad edildi - Yeni təyinat
28 mart 15:23
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09
- Azərbaycan - Bolqarıstan oyununda qalib müəyyənləşmədi
25 mart 22:41