Ən "uzunömrlü" icra başçıları: 31 ildir bu vəzifəni tutan var (SİYAHI)
![](https://www.nuh.az/uploads/posts/2023-06/thumbs/big_1686838373_icrob.jpg)
Quba Rayon İcra Hakimiyyətinin başçısı Ziyəddin Əliyevin tutduğu vəzifədən azad edilməsi yenidən diqqəti "kiçik padşahlar”a və onların fəaliyyətinə yönəldib.
Bu da təsadüfi deyil. Əvvəla, ona görə ki, hələ də cəmiyyətin vəzifədən çıxarılacağını gözlədiyi icra başçıları var və Ziyəddin Əliyevin görəvdən alınması prosesin başlanğıcı kimi görülür. Bu yöndə gedən müzakirələrdə fəaliyyəti daha çox narazılıq yaradan, yaxud da uzun müddətdir vəzifədə olan icra başçılarının adı çəkilir.
İkincisi, yerli icra hakimiyyətləri idarəetmə sisteminin ən çox tənqid edilən həlqəsidir. Elə bu səbəbdəndir ki, yerli icra hakimiyyətlərinin ləğvi barədə təkliflər səsləndirilir. Hətta hakimiyyət daxilində bu istiqamətdə müzakirələrin aparıldığı barədə iddialar var.
Qaynarinfo icra başçıları ilə bağlı mövzunun aktuallığını nəzərə alaraq 15 ildən artıq vəzifədə olan "kiçik padşahların” siyahısını təqdim edir.
Siyahıya Xocavəndin icra başçısı Eyvaz Hüseynov liderlik edir. O, 1992-ci ildən, yəni 31 ildir ki, icra başçısıdır. Eyvaz Hüseynovun Azərbaycanın Milli Qəhrəmanı İbad Hüseynovun qardaşıdır.
![](https://cdn.qaynarinfo.az/2023-06/1686835842_fbf2a85fe2b751baa8307809ffc5cc1d1-jpg.jpg)
Eyvaz Hüseynov
Eyvaz Hüseynovdan sonra Qobustanın icra başçısı Adil Məmmədov gəlir. O, 29 ildir ki, icra başçısı vəzifəsi daşıyır. Adil Vəliyev 1994-2002-ci illərdə Oğuzun, 2002-2004-cü illərdə Qəbələnin, 2004-2011-ci illərdə Biləsuvarın icra başçısı olub. 2011-ci ildən Qobustana rəhbərlik edir. O, ən çox tənqid olunan icra başçılarındadır.
Siyəzənin icra başçısı Novruz Novruzovun karyerası isə 28 ili əhatə edir. O, 1995-2002-ci illərdə Lerik, 2002-2007-ci illərdə Goranboy, 2007-2019-cu illərdə Şabranın icra başçısı olub. 2019-cu isə ildən Siyəzənin icra başçısıdır.
![](https://cdn.qaynarinfo.az/2023-06/23fda3e99f70398c3f0dbba3f8148cef1-2-jpg.jpg)
Taleh Qaraşov
Ən uzun ömürlü icra başçılarından biri də Lənkərana rəhbərlik edən Taleh Qaraşovdur. Cənab Qaraşov 27 ildir ki, icra başçısıdır. O, 1996-2002-ci illərdə Kürdəmirin, 2002-2006-cı illərdə Cəlilabadın, 2006-2011-ci illərdə Neftçalanın, 2011-2012-ci illərdə isə Astaranın icra başçısı olub. 2012-ci ildən Lənkəranın icra başçısıdır.
Uzun müddətdir icra başçısı vəzifəsində çalışanlardan biri də Bakı meri Eldar Əzizovdur. O, icra başçısı kimi karyerasına 2000-ci ildən başlayıb. Eldar Əzizov 2000-2003-cü illərdə Nizaminin, 2003-2011-ci illərdə Gəncənin, 2011-2015-ci illərdə Sumqayıtın, 2015-2018-ci illərdə Səbailin icra başçısı olub və 2018-ci ildə Bakı meriyasına rəhbər təyin edilib.
![](https://cdn.qaynarinfo.az/2023-06/1686835843_c4b3057ebfc15162ff9596b836d539362-jpg.jpg)
Eldar Əzizov
Xocalının icra başçısı Şahmar Usubov da Eldar Əzizov kimi 23 ildir icra başçısı vəzifəsi daşıyır. O, 2000-ci ildən Xocalının icra başçısıdır.
Qubadlının icra başçısı Malik İsaqov isə 22 ildir icra başçısıdır. O 2001-ci ildən Qubadlıya rəhbərlik edir.
Abşeronun icra başçısı Abdin Fərzəliyev isə 20 ildir icra başçısıdır. O, 2003-2005-ci illərdə Nizaminin, 2005-2022-ci illərdə Nərimanovun icra başçısı olub. 2022-ci ildən Abşerona rəhbərlik edir.
Abdin Fərzəliyev bir sıra qalmaqallarla gündəmə gəlib. Nərimanovda yaşıllığın məhv edilməsi, ov zamanı səhvən adam güllələməsi buna nümunə ola bilər.
![](https://cdn.qaynarinfo.az/2023-06/d7885a55c0aa73e7ff677e7d2735cd0d2-1-jpg.jpg)
Abdin Fərzəliyev
19 illik icra başçısı karyerası ilə növbəti sırada Ağdaşa rəhbərlik edən Tofiq İbrahimov gəlir. O, 2004-2010-cu illərdə Qəbələnin, 2010-2012-ci illərdə Lənkəranın icra başçısı olub. 2012-ci ildən Ağdaşın icra başçısıdır.
Zakir Fərəcov, Vidadi İsayev, Süleyman Mikayılov, Alı Qocayev, Mənsur Məmmədov, Mərdan Camalov və Qəzənfər Ağayev 18 ildir ki, icra başçısıdır.
Zakir Fərəcov 2005-2015-ci illərdə Abşeronun icra başçısı olub. 2015-ci ildə isə oradan Sumqayıta təyinat alıb.
Vidadi İsayev icra başçısı kimi fəaliyyətə Tərtərdə başlayıb. 2005-2011-ci illərdə Tərtərin icra başçısı olan Vidadi İsayev 2011-ci ildən Bərdəyə rəhbərlik edir.
Süleyman Mikayılov isə karyerasına Yardımlıda başlayıb. O, 2005-ci ilin mayından dekabrına qədər Yardımlının icra başçısı olub. Yardımlıdan sonra Lənkərana təyinat alıb və 2010-cu ilə qədər bu rayonda çalışıb. 2010-cu ildən isə Qaradağın icra başçısıdır.
![](https://cdn.qaynarinfo.az/2023-06/1686835844_1cd421e16d914a2ccaaa69e9f10866043-jpg.jpg)
Süleyman Mikayılov
Alı Qocayev isə 2005-2012-ci illərdə Binəqədənin icra başçısı olub. 2012-ci ildən isə Samuxun icra başçısıdır. Alı Qocayev Milli Məcllsin keçmiş spikeri, hazırda deputat olan Oqtay Əsədovun qudasıdır.
Nəqliyyat naziri Ziya Məmmədovun yaxın qohumu olduğu deyilən Mənsur Məmmədov 2005-2007-ci illərdə Zərdabın, 2007-2015-ci illərdə Göyçayın icra başçısı vəzifəsində çalışıb. 2015-ci ildə Ucarın icra başçısı təyin olunub.
2006-2018-ci illərdə Azərbaycanın müdafiə sənayesi naziri olmuş mərhum Yavər Camalovun qardaşı olan Mərdan Camalov 2005-2019-cu illərdə Şirvanın icra başçısı olub. 2019-cu ildən isə Zərdabın icra başçısıdır.
Qəzənfər Ağayev 2005-2006-cı illərdə Yardımlının, 2006-2012-ci illərdə isə Masallının icra başçısı olub. 2012-ci ildən Astaranın icra başçısıdır.
Asif Əsgərov, Əziz Əzizov və Xəzər Aslanovun icra başçısı kimi karyerası 16 ili əhatə edir.
Asif Əsgərov 2006-2009-cu illərdə Zaqatalanın, 2009-2015-ci illərdə isə Səbailin icra başçısı vəzifəsini daşıyıb. 2015-ci ildə Nəsiminin icra başçısı postuna təyinat alıb.
Əziz Əzizov 2006-2018-ci illərdə Cəlilabada, 2018-2019-cu illərdə isə Yasamala rəhbərlik edib. 2019-cu ildə Suraxanın icra başçısı təyin edilib.
![](https://cdn.qaynarinfo.az/2023-06/1686835844_b6ea5e6bd756133e6cbc96bc5baaad1a4-jpg.jpg)
Əziz Əzizov
2006-2012-ci illərdə Yardımlının icra başçısı olan Xəzər Aslanov 2012-ci ildən Xızının rəhbəridir.
Şair Alxasov, Mübariz Əhmədzadə, Elxan Usubov və Rövşən Bağırov isə 16 ildir icra başçısıdır.
Şair Alxasov 2007-ci ildən Qusarın icra başçısıdır.
Mübariz Əhmədzadə 2007-2009-cu illərdə Qaxın icra başçısı olub. 2009-cu ildən Zaqatalanın icra başçısı vəzifəsində çalışır.
Elxan Usubov 2007-2011-ci illərdə Ağstafaya rəhbərlik edib. 2011-ci ildə Şəkinin icra başçısı vəzifəsinə təyin olunub. Hələ də bu vəzifədədir.
2007-2021-ci illərdə Lerikin icra başçısı olan Rövşən Bağırov 2021-ci ildən Ağsunun rəhbəridir.
Beləliklə, göründüyü kimi 23 icra başçısı uzun müddətdir ki, bu vəzifəni daşıyır və əhali siyahıda adı əks olunanların fəaliyyətindən o qədər də razı deyil. Bəs Ziyəddin Əliyevin işdən çıxarılması onların da əvəzlənməsinə təkan verəcəkmi? Bunu zaman göstərəcək.
Oxşar xəbərlər
- İranda DİL POBLEMİ aradan qalxır? (ŞƏRH)
26 iyul 2024 22:42
- Seçicilərdən şans istəyən YAP-çı XANIM namizəd
26 iyul 2024 11:12
- Pezeşkiandan İNQİLABİ İLK: Azərbaycan dili ilə bağlı...
26 iyul 2024 09:12
- Səttar Möhbalıyev bu qurumu ailə biznesinə çevirib – Hüquq müdafiəçisi
25 iyul 2024 12:23
- ŞLYAPA ZAHİD-in işi məhkəmədə - 42 MİLYON necə mənimsənilib?
25 iyul 2024 10:28
- Ziya Bünyadovun qətli ilə bağlı SİRR PƏRDƏSİ ARALANIR
25 iyul 2024 09:08
- O qapını bağlasam, şagird və müəllimlər qalacaq çöldə - VİDEO
24 iyul 2024 11:49
- Bu ölkədə SUBAYLIĞI QADAĞAN etmək istəyirlər
24 iyul 2024 01:14
- NAR-ın dəstəyi ilə Ana dilində səlis danışanların çempionatı - Cəlalə Nəzəroğlunun müsahibəsi
23 iyul 2024 18:31
- Gəncədə kişinin gözünü çıxardılar - 6 il HƏBS
16 iyul 2024 10:44
Xəbər lenti
- İranda DİL POBLEMİ aradan qalxır? (ŞƏRH)
26 iyul 22:42
- DGK Abid Şərifovun şirkətinə protokol yazdı
26 iyul 17:19
- Dəmir Yolları İdarəsi öz işçisinin şirkətinə tender verib – ARAŞDIRMA
26 iyul 15:03
- İki üzü, 4 ayağı və 4 qolu olan körpə doğuldu – FOTO
26 iyul 14:12
- Hacı Qalibin oğlu namizəd olmadı, qalmaqallı direktora yol açıldı
26 iyul 11:21
- Seçicilərdən şans istəyən YAP-çı XANIM namizəd
26 iyul 10:39
- Aralarındakı səs fərqi 1 %-ə endi
26 iyul 10:04
- Ağadadaş Ağayev cinayət məsuliyyətinə cəlb olundu - SON DƏQİQƏ
26 iyul 09:41
- 60 MANATA görə ADAM ÖLDÜRDÜ
26 iyul 09:22
- Pezeşkiandan İNQİLABİ İLK: Azərbaycan dili ilə bağlı...
26 iyul 09:10
- Ağadadaş Ağayevdən şikayətçi deyiləm - Həmin qadın danışdı
26 iyul 00:51
- AĞ Partiya sədrinin köməkçisi Mətləb Aslanovun namizədliyi qeydə alındı
25 iyul 21:53
- Elçin Əfəndiyevin qızı da deputatlığa namizəd oldu - AÇIQLAMA
25 iyul 20:40
- Ağadadaş Ağayevin döyüldüyü MedEra-nın sahibi BU MƏŞHURUN QUDASIDIR - VİDEO
25 iyul 19:01
- Eldar Mahmudovdan YENİ XƏBƏR VAR - Yarım milyona yaxın...
25 iyul 18:55
- Aybəniz İlqarın həbs ediləcəyi xəbərləri yayılıb
25 iyul 18:32
- Xanlar Fətiyev haqqında sensasion faktlar: Sabiq deputat külli miqdarda vəsaiti ölkədən necə çıxarıb?
25 iyul 16:12
- OĞLU avtoqəzada ölən ATA Baş prokurora müraciət etdi...
25 iyul 14:48
- Səttar Möhbalıyev bu qurumu ailə biznesinə çevirib – Hüquq müdafiəçisi
25 iyul 12:23
- ŞLYAPA ZAHİD-in işi məhkəmədə - 42 MİLYON necə mənimsənilib?
25 iyul 10:28
- Ziya Bünyadovun qətli ilə bağlı SİRR PƏRDƏSİ ARALANIR
25 iyul 09:08
- Prezident general-leytenantı təltif etdi
24 iyul 16:17
- AĞ ÇİÇƏYİMdən təmzinat tələb edən qadının başınaa BUTULKA ilə VURDULAR
24 iyul 13:26
- İlham Əliyev Şavkat Mirziyoyevə zəng edib
24 iyul 11:57
- O qapını bağlasam, şagird və müəllimlər qalacaq çöldə - VİDEO
24 iyul 11:49
- Rusiya müdafiə nazirinin müavinini 1 MILYON RUBL ( 19 MIN AZN ) rüşvətə görə 15 İL HƏBS gözləyir )))
24 iyul 09:42
- Əkrəm Həsənov - Gəlirlər azalır, qiymətlər və aqressiya artır
24 iyul 02:03
- Bu ölkədə SUBAYLIĞI QADAĞAN etmək istəyirlər
24 iyul 01:14
- NAR-ın dəstəyi ilə Ana dilində səlis danışanların çempionatı - Cəlalə Nəzəroğlunun müsahibəsi
23 iyul 18:31
- Sabiq nazirin qızı da deputatlığa namizəd oldu
23 iyul 12:39
Video & Fotoqalereya
Video
Fotoqalereya