Mənim üçün hava həmişə sərindir” – SSRİ-nin baş diplomatının İKİBAŞLI ETİRAFI
![](https://www.nuh.az/uploads/posts/2023-08/thumbs/big_1692112387_qromk.jpg)
Yay fəsli insanların daha çox tətilə çıxdığı dövr olsa da, bəzən havaların hədsiz isti keçməsi onların istirahəti üçün narahatlıq yaradır.
Elə 1967-ci ilin yayında da Nyu-Yorkda əvvəlki illərlə müqayisədə havaların daha isti keçməsi kifayət qədər ciddi problem yaradıb. Bu dəfə temperaturun yüksək olması istirahətdə olanları deyil, iş başında olan siyasiləri narahat edib. Belə ki, həmin yay günlərində Nyu-Yorkda, Birləşmiş Millətlər Təşkilatının iclasında SSRİ-nin xarici işlər naziri Andrey Qromıko dünyanın ən mötəbər tribunalarından biri sayılan BMT tribunasında çıxışı zamanı huşunu itirərək yıxılıb. Onu təcili zaldan çıxarıblar, 5-10 dəqiqədən sonra SSRİ-nin baş diplomatı yenidən zala qayıdaraq çıxışını davam etdirib.
Qromıkonun Amerikada, SSRİ ilə münasibəti gərgin olan bir ölkədə yıxılması dünyanın aparıcı kütləvi informasiya vasitələrində əsas xəbər kimi tirajlanıb. Bu hadisə saysız-hesabsız söz-söhbətlərə, şayiələrə səbəb olub. Nazirin yıxılmasına siyasi don geyindirənlər də tapılıb. Qromıkonun Nyu-Yorkda yeməklə zəhərlənməsi fikirləri də səslənib, bəziləri elə düşünüb ki, nazirdə ciddi xəstəlik var. Digərləri bu hadisəni sovet nazirinə sui-qəsd kimi qələmə verib. Amma bu fikirlərin heç biri öz təsdiqini tapmayıb.
Maraqlıdır, bəs Andrey Qromıkonu Amerikada “yıxan” nə olub?
İlk növbədə zəhərlənmə, sui-qəsdə cəhd, xəstəlik şübhələrindən qurtulmaq üçün elə hadisə baş verən gün SSRİ-nin baş diplomatı ciddi həkim müayinələrindən keçib. Hansısa bir vasitə ilə zəhərlənməylə bağlı heç bir fakt aşkar edilməyib. Tribunada və tribunaya çıxana qədər Qromıkoya sui-qəsd məqsədilə heç bir fiziki təzyiq olmayıb. Ümumi tibbi müayinələrdə Qromıkoda heç bir xəstəlik tapılmayıb. Ümumiyyətlə, Qromıko digər yüksək ranqlı dövlət məmurlarından sağlamlığı ilə fərqlənib. İş rejiminin gərgin olmasına baxmayaraq, Qromıko səhhətinə ciddi diqqət yetirib, həkimlərin göstərişlərinə ciddi əməl edib. İstər ölkə daxilindəki səfərlərdə, istərsə də xarici ölkələrdə olarkən nazir qida menyusundan kənara çıxmayıb. İşdən axşam saat 9-10-da qayıtsa da, nazir hər gün bir saat piyada gəzintiyə vaxt ayırıb. Digər Kreml məmurları həkimlərlə ünsiyyətdən yayınsalar da, Qromıko tibb işçiləri ilə könüllü surətdə yaxınlıq edib.
Qromıkonun tribunadan yıxılması isə sırf onun adi bir geyim vərdişindən baş verib. Nazir siyasi fəaliyyətində olduğu kimi, şəxsi həyatında da kifayət qədər ciddi bir şəxs olub. O cümlədən o, geyim məsələsinə də çox ciddi yanaşıb. Dəblərin dəyişməsinə baxmayaraq, Qromıkonun qarderobu dəyişməyib. Tünd rəngli kostyum, tünd rəngli qalstuk, açıq rəngli köynək. Köhnə dəbdə olan şlyapa isə Qromıkoya məxsusi olaraq Amerikada tikilib göndərilib. Onun geyimində diqqəti çəkən qeyri-adi bir məsələ isə ilin fəsillərindən asılı olmayaraq şalvarının altından isti alt paltarı geyinməsi olub. Elə naziri tribunadan yıxan da bu alt paltarı olub. İsti geyim və isti hava Qromıkonu haldan salıb ki, bu da onun huşunun itməsinə səbəb olub.
Uzun illər Kremlin əsas tərcüməçisi olan Viktor Suxodrev öz xatirələrində Qromıkonun geyim məsələsi haqqında aşağıdakıları qeyd edib:
“Qromıko Kremlin ən ciddi fiqurlarından biri idi. Xarici siyasət məsələlərində birincilərin onunla hesablaşması mütləq şərt sayılırdı. Nazir əsl diplomatlara məxsus sabit xarakterə malik idi. Amma onun da digər sıravi insanlar kimi özünəməxsus vərdişləri var idi. Məsələn, Qromıko fəsillərdən və temperaturdan asılı olmayaraq, həmişə isti alt paltarı geyinirdi. Yaxşı xatırlayıram, İndoneziyada səfərdə olan zaman görüşə gedərkən mən avtomobilin arxa oturacağında onun yanında əyləşmişdim. Qəfil gözlərim Qromıkonun ayaqlarına sataşdı, altdan geyindiyi isti paltarı corablarının içinə salmışdı. Çöldə isə havanın temperaturu müsbət 35-40 dərəcə idi. O, isti alt paltarını hansısa bir xəstəliyinə görə geyinmirdi. Sadəcə bu, bir vərdiş idi. Qromıkonun Amerikada yıxılmasının səbəbi də elə bu idi...”
Sovet diplomatının tribunadan yıxılmasının səbəbi məlum olsa da, dünya mətbuatında fərqli versiyaların tirajlanması səngiməyib. Nəhayət, bütün söhbətlərə son qoymaq üçün Qromıko Moskvaya qayıdanda jurnalistlərə hadisə ilə bağlı açıqlama verib və o, sonda isti alt paltarı geyinməsini aşağıdakı kimi əsaslandırıb:
“Mənim üçün hava həmişə sərindir...”
Qromıko bu ifadəni sırf fəsillərlə bağlı söyləsə də, onun bu sözləri başqa tərəfə yozulub. Yəni xüsusilə qərb ölkələrinin diplomatları hansı bəyanatla, hansı təkliflə çıxış etsələr də, Qromıko və onun təmsil etdiyi SSRİ üçün siyasi hava dəyişməz olaraq sabit və sərin qalır.
Qeyd edək ki, 1909-cu ildə Qomeldə anadan olan Andrey Qromıko hələ Stalinin hakimiyyəti dövründən Xarici İşlər Nazirliyində işləməyə başlayıb. Nazirliyə yeni kadrlar işə qəbul olunanda Vyaçeslav Molotov namizədlərin siyahısını Stalinə təqdim edib. Stalin Qromıkonun soyadını oxuyanda “bu soyad mənim xoşuma gəlir” deyib və tanımadığı bir adamın nazirliyə işə qəbul olunmasına razılıq verib.
1939-cu ildən Xarici İşlər Nazirliyində çalışan Qromıko 1957-ci ildə Xruşov tərəfindən nazir vəzifəsinə təyin edilib və 1985-ci ilə qədər SSRİ tarixində ən uzunmüddətli nazir olub. Qromıkonun 28 illik nazirlik fəaliyyəti SSRİ-nin xarici siyasətində bir çox hadisələrlə yadda qalıb. Dünyanın ən tanınmış siyasətçiləri Qromıkonun diplomatik fəaliyyətini yüksək qiymətləndiriblər, onun əsl diplomatlara xas olan soyuqqanlığını xüsusi vurğulayıblar. Andrey Qromıko 1985-ci ildə baş katib kürsüsünə sahib ola biləcək ən real namizəd olub. Ancaq o, bundan imtina edərək Mixail Qorbaçovun namizədliyini dəstəkləyib və sonralar bu addımı siyasi fəaliyyətində yeganə səhvi kimi qiymətləndirib.
İlham Cəmiloğlu,
- Hacı Qalibin oğlu namizəd olmadı, qalmaqallı direktora yol açıldı
26 iyul 2024 11:21
- Xanlar Fətiyev haqqında sensasion faktlar: Sabiq deputat külli miqdarda vəsaiti ölkədən necə çıxarıb?
25 iyul 2024 16:12
- OĞLU avtoqəzada ölən ATA Baş prokurora müraciət etdi...
26 iyul 2024 12:20
- NAR-ın dəstəyi ilə Ana dilində səlis danışanların çempionatı - Cəlalə Nəzəroğlunun müsahibəsi
23 iyul 2024 18:31
- Nəcməddin Sadıkov üçün 6 dəst STƏKANA 21 MİN, 80 ədəd ÇAXIRAA 8 MİN MANAT vermişəm
15 iyul 2024 13:07
- Ürək sağlamlığı üçün ideal içki müəyyən olunub
15 iyul 2024 07:33
- TƏKƏBBÜR ZƏİFLİK ƏLAMƏTİ, ATATÜRK QƏLƏBƏSİNİN TƏVAZÖSÜ
15 iyul 2024 00:10
- 29 yaşlı sovet zabiti – o, SSRİ-nin hərbi sirlərini amerikalılarla SƏXAVƏTLƏ bölüşüb
13 iyul 2024 18:27
- Anar Məmmədov deputat olmaq istəyir - Ziya Məmmədov qalmaqal çempionu oğlu üçün çalışmalara başladı
13 iyul 2024 11:58
- Fazil Mustafadan parlament seçkiləri ilə bağlı SENSASİON AÇIQLAMA-
12 iyul 2024 11:13
- İranda DİL POBLEMİ aradan qalxır? (ŞƏRH)
26 iyul 22:42
- DGK Abid Şərifovun şirkətinə protokol yazdı
26 iyul 17:19
- Dəmir Yolları İdarəsi öz işçisinin şirkətinə tender verib – ARAŞDIRMA
26 iyul 15:03
- İki üzü, 4 ayağı və 4 qolu olan körpə doğuldu – FOTO
26 iyul 14:12
- Hacı Qalibin oğlu namizəd olmadı, qalmaqallı direktora yol açıldı
26 iyul 11:21
- Seçicilərdən şans istəyən YAP-çı XANIM namizəd
26 iyul 10:39
- Aralarındakı səs fərqi 1 %-ə endi
26 iyul 10:04
- Ağadadaş Ağayev cinayət məsuliyyətinə cəlb olundu - SON DƏQİQƏ
26 iyul 09:41
- 60 MANATA görə ADAM ÖLDÜRDÜ
26 iyul 09:22
- Pezeşkiandan İNQİLABİ İLK: Azərbaycan dili ilə bağlı...
26 iyul 09:10
- Ağadadaş Ağayevdən şikayətçi deyiləm - Həmin qadın danışdı
26 iyul 00:51
- AĞ Partiya sədrinin köməkçisi Mətləb Aslanovun namizədliyi qeydə alındı
25 iyul 21:53
- Elçin Əfəndiyevin qızı da deputatlığa namizəd oldu - AÇIQLAMA
25 iyul 20:40
- Ağadadaş Ağayevin döyüldüyü MedEra-nın sahibi BU MƏŞHURUN QUDASIDIR - VİDEO
25 iyul 19:01
- Eldar Mahmudovdan YENİ XƏBƏR VAR - Yarım milyona yaxın...
25 iyul 18:55
- Aybəniz İlqarın həbs ediləcəyi xəbərləri yayılıb
25 iyul 18:32
- Xanlar Fətiyev haqqında sensasion faktlar: Sabiq deputat külli miqdarda vəsaiti ölkədən necə çıxarıb?
25 iyul 16:12
- OĞLU avtoqəzada ölən ATA Baş prokurora müraciət etdi...
25 iyul 14:48
- Səttar Möhbalıyev bu qurumu ailə biznesinə çevirib – Hüquq müdafiəçisi
25 iyul 12:23
- ŞLYAPA ZAHİD-in işi məhkəmədə - 42 MİLYON necə mənimsənilib?
25 iyul 10:28
- Ziya Bünyadovun qətli ilə bağlı SİRR PƏRDƏSİ ARALANIR
25 iyul 09:08
- Prezident general-leytenantı təltif etdi
24 iyul 16:17
- AĞ ÇİÇƏYİMdən təmzinat tələb edən qadının başınaa BUTULKA ilə VURDULAR
24 iyul 13:26
- İlham Əliyev Şavkat Mirziyoyevə zəng edib
24 iyul 11:57
- O qapını bağlasam, şagird və müəllimlər qalacaq çöldə - VİDEO
24 iyul 11:49
- Rusiya müdafiə nazirinin müavinini 1 MILYON RUBL ( 19 MIN AZN ) rüşvətə görə 15 İL HƏBS gözləyir )))
24 iyul 09:42
- Əkrəm Həsənov - Gəlirlər azalır, qiymətlər və aqressiya artır
24 iyul 02:03
- Bu ölkədə SUBAYLIĞI QADAĞAN etmək istəyirlər
24 iyul 01:14
- NAR-ın dəstəyi ilə Ana dilində səlis danışanların çempionatı - Cəlalə Nəzəroğlunun müsahibəsi
23 iyul 18:31
- Sabiq nazirin qızı da deputatlığa namizəd oldu
23 iyul 12:39