Səbail Bələdiyyəsindəki özbaşınalıq dalğası səngimək bilmir...

Sədr Hacı Əliyevin işlə təmin etdiyi yaxın və tanışları, şəxsi mənafeləri naminə hər oyundan çıxmaqdan çəkinmirlər
Doğrudan da, belədir: Yarandığı gündən Səbail Bələdiyyəsinin rəhbər sarıdan bəxti gətirmir ki, gətirmir. İndi də, bu bələdiyyə, necə deyərlər, sədr Hacı Əliyevin əlində əsir-yesirə çevrilib. Şəxsi mənafe amili gözləri elə qapadıb ki, heç onun özünün, eləcə də burada işlə təmin etdiyi Şahin, Zaur, Nurel, Fərhad, Pərvin… adlı yaxın və tanışlarının bələdiyyələrin işləriylə bağlı ölkə başçısının tələb və tövsiyələrini həyata keçirmək, həssas təbəqədən olan əhaliyə göstərilən xidməti yaxşı səviyyədə təşkil etmək yadlarına düşmür. Elə, bu səbəbdəndir ki, ölkənin media vasitələrindəki kimi, araz.az-da da, deyilənlər barədə yazılanların sayı, əhali giley-güzarı, haqlı şikayət və iradlar getdikcə daha da çoxalır. Dəhşət ondadır ki, bu da onları narahat etmir, konkret desək, dünya veclərinə deyil.
Məhz bu səbəbdən, araz.az, media vasitəsi olaraq, yazının əsas mövzusunu təşkil edən bu ciddi məsələni daim diqqətdə saxlamağa qərar verib. Bir sözlə, bu barədə yazılarımızı vaxtaşırı dəyərli oxucularımızın diqqətinə çatdırmağı planlaşdırırıq. İndi isə, ölkə mətbuatında, eləcə də, araz.az-da bu ciddi məsələ ilə bağlı xeyli əvvəl dərc olunanan bir yazını təkrar verməklə kifayətlənirik. Bu səbəbdən ki, “YAP-çı bələdiyyə sədrinin müxalifətçi nəvəsi radikalların təbliğatçısı rolunda — FOTO/VİDEOFAKT” sərlövhəli həmin yazıda xüsusi olaraq vurğulananlar, deyilənlərin inkarolunmaz daha ciddi sübutlarıdır.
Barəsində danışdığımız və olduğu kimi dərc etdiyimiz həmin yazı budur:
“Azərbaycanda hazırki iqtidarın hesabına böyük vəzifələr tutan və elə buna görə də, görmədikləri maddi nemətlər əldə edən bəzi şəxslərin və onların yaxın qohumlarının sonradan hakimiyyətə qarşı müxalif mövqedən çıxış etməsi, hətta ölkəmizə düşmən mövqedə dayanan xarici dairələrin əlində alətə çevrilən xaricdəki “söyüş müxalifəti”nə müəyyən kompramatlar sızdırması ilə bağlı xəbərlər yenilik deyil. Bununla bağlı ortaya çıxan bir çox faktlar və iddialar mövcuddur.
Bu xüsusda, ölkə mətbuatının, eləcə də, araz.az-ın redaksiyalarına olduqca ilginc məlumatlar daxil olur. Həmin məlumatların birində isə, Səbayel Bələdiyyəsinin Yeni Azərbaycan Partiyasını təmsil edən sədri Hacı Əliyevin, özünü “ictimai fəal” kimi göstərən nəvəsi Nurel Rövşən oğlu Kərimin dövlətçilik əleyhinə real və virtual fəaliyyətindən bəhs olunur. Nurel Kərimin sosial şəbəkələrdəki hesablarının müşahidəsi göstərir ki, bu gənc adam radikal müxalifətin və onun milli dövlətçilik əleyhinə olan təbliğatının əsas ruporlarından birinə çevrilib.
Məsələn, Nurel Kərim öz Facebook hesabında mütəmadi olaraq, ölkəmizcə ictimai-siyasi sabitliyi pozmağa yönəlik razılaşdırılmamış aksiyalara çağırış edir, özü böyük şövqlə bu aksiyalarda iştirak edir. Üstəlik, öz qanuni vəzifəsini yerinə yetirən Azərbaycan Polisinin fəaliyyətini gözdən salmaq, guya, ölkəmizdə sərbəst toplaşmaq azadlığının pozulması görüntüsünü yaratmaq üçün, sosial şəbəkələrdə çoxsaylı paylaşımlar edir.
Səbail Bələdiyyəsinin sədri Hacı Əliyevin bu “ictimai fəal” nəvəsi və adıçəkilən bələdiyyənin işçisi Nurel Kərim Azərbaycan iqtidarını ən sərt formada tənqid edən, dövlətimizdən ayrı-ayrı beynəlxalq təşkilatlara şikayətlər edən sevdiyi radikal müxalifətçilərlə birlikdə tez-tez bir araya gəlir, onların istək və arzuları naminə dövlətçilik əleyhinə trolluq edir. Azərbaycanda, guya, söz və mətbuat azadlığının boğulduğunu qəti şəkildə iddia edir.
Etdikləri hesabına, “göynən getdiyini” düşünən bu “gənc fəal”, həmçinin, Azərbaycanda demokratik abu-havada baş tutduğu bütün yerli və beynəlxalq təşkilatlar tərəfindən bəyan edilən son parlament seçkilərinin belə saxta keçirildiyini və onu tanımaqdan imtina etdiyini də yazır. Maraqlıdır, görəsən, Nurel Kərim ölkənin ən yaşlı bələdiyyə sədrlərindən olan babası Hacı Əliyevin də, xeyli müddət öncə qatıldığı bələdiyyə seçkiləri haqqında belə düşünürmü?!.
Yuxarıda deyilənlər azmış kimi, Nurel Kərim özünün digər çoxsaylı paylaşımlarında, Azərbaycanda həyata keçirilən dərin genişmiqyaslı islahatlar siyasətini gözdən salmağa, bu siyasətin, guya, reallığı əks etdirmədiyini iddia etməyə də çalışır. Ümumiyyətlə, bu “gənc fəalın”, qəti şəkildə demək olar ki, bütün fəaliyyəti sosial şəbəkələrdə və reallıqda götürüldükdə, birbaşa, radikal müxalifətin ideologiya və tesizlərini təbliğ etməyə yönəlib.
Redaksiyamıza vaxtaşırı daxil olan digər çoxsaylı məlumatlara görə də, təhsil aldığı Bakı Dövlət Universitetində 20-yə qədər fəndən kəsiri olan Nurel Kərimi, hansısa gözəgörünməz qüvvə qoruyur. Və sanki onun sayəsində, Bakı Dövlət Universitetində daha çox gəncin radikal qrupların siyasi təsir gücü altına düşməsinə çalışır…
…Yeri gəlmişkən, onu da qeyd edək ki, redaksiyamıza daxil olan daha bir məlumatda isə, Səbail Bələdiyyəsinin sədri Hacı Əliyevin, bələdiyyə seçkilərinə bir-neçə ay qalana qədər, paytaxt Bakının Nizami rayonundakı “Razin” deyilən qəsəbədə yaşadığı, rəsmi olaraq, orada qeydiyyatda olduğu xüsusi olaraq vurğulanır. Ölkə üçün xüsusi bir önəm daşıyan həmin vaxtda, yenə, hansısa gözəgörünməz bir qüvvənin, onu seçkilərə bir-neçə ay qalmış Səbail sakini” edə bilməsi və elə, bu rayondan seçkilərə qatılmasına münbit şərait yaratması da, xüsusi olaraq qeyd olunur.
Yeri gəldi deyə, bu yazının sonunda bir daha onu qeyd etmək istəyirik ki, Hacı Əliyev bələdiyyə sədri olandan, necə deyərlər, bir “ailə ansamblını ətrafına toplayaraq, çoxlarını işsiz qoydu. İndi onu istəyirik, haqq-ədalət öz yerini tapsın. Dövlət səviyyəsində yoxlama təşkil edilsin, işə götürülənlərin hamısının bütün işləri araşdırılsın. Və Hacı Əliyevin özünün, bu rayonda yaşamasa da, bələdiyyə sədri seçilməsinin necə mümkün olmasına da, diqqət ayırılsın.
Sonda, xüsusi narahatlıq doğuran bir sualımızı da, ölkənin əlaqədar dövlət qurumları rəhbərlərinin diqqətinə çatdırır və onların bu suala cavablarını da, xüsusi bir səbirsizliklə gözləyirik: “Maraqlıdır, görəsən, öz doğma nəvəsini dövlətçilik ruhunda tərbiyə edə bilməyən sədr Hacı Əliyev, özünün bələdiyyə rəhbəri fəaliyyətini hansı meyarlar əsasında qura bilir?!.”.
Yazının sonunda, bir daha onu qeyd etmək istəyirik ki, bu yazının əsas mövzusunu təşkil edən məsələ ciddi, ciddi olduğu qədər də, düşündürücü və məyusedici olduğundan, araz.az əməkdaşları olaraq, bu məsələ ətrafında baş verənləri daim diqqətimizdə saxlayacaq, tezliklə, bu barədə dərin araşdırma yazıları hazırlayacağıq. Dəyərli oxucularımıza məsləhət görürük ki, həmin yazıları da oxumaq üçün, araz.az-ı izləməyi unutmasınlar.
Əli HÜSEYN,
Məhi ELSEVƏR,
araz.az xəbər portalının xüsusi müxbirləri.
- Rüfət Muradlı HƏBS EDİLDİ
2 dekabr 2023 19:49
- Bakıda 85 yaşlı biznesmen xanıma bəarət verildi: 1 milyonluq borcu silindi...
1 dekabr 2023 17:51
- Badamdar sakinindən iddia: Sürüşmə zonasındakı məktəb hər an uça bilər (FOTO/VİDEO)
28 noyabr 2023 22:16
- Alimlər qan təzyiqini aşağı salan iki qidanı açıqladılar
27 noyabr 2023 22:12
- Ayağım qanqren olub, əlillik verilmir -QAZİ - Fotolar
27 noyabr 2023 18:08
- Akimova bəraət verildi
24 noyabr 2023 12:07
- Ramiz Mehdiyev öz mülklərini niyə satır?
19 noyabr 2023 12:08
- Şlyapa Zahidin həbs müddəti uzadıldı
14 noyabr 2023 16:59
- Prezident Füzuliyə köçən sakinlərlə görüşdü (FOTOLAR )
17 oktyabr 2023 18:09
- Badamdarda uçurumun başında Laçın məktəbi- Direktorla sakinlər arasında problem
17 oktyabr 2023 13:24
- Dünyanın ən yaşlı heyvanının 191 yaşı tamam olur
05 dekabr 12:07
- Yumurtanı belə yeməyin: Bir saata xəstəxanaya düşə bilərsiniz
05 dekabr 11:53
- Məşhur seysmoloq ağlayaraq XƏBƏRDARLIQ ETDİ - 18 vilayəti FƏLAKƏT gözləyir
05 dekabr 11:48
- Nəsibə Zeynalovanın oğlu SİRLƏRİ açdı: Anar Kərimovla 3 saat söhbət etdik...
05 dekabr 11:27
- Rəşid Behbudovun bacısının qəbri niyə dağılıb? (VİDEO)
05 dekabr 09:16
- Vosmoy bazarı-nın satış qiyməti - 25 MİLYON
05 dekabr 00:16
- Moldova Rumıniya ilə BİRLƏŞİR..?
04 dekabr 23:32
- Cəbrayıl Fərzəliyev yarım milyonu necə mənimsədi ?
04 dekabr 22:31
- Ağalıda ilk kitab təqdimatı - Foto
04 dekabr 21:31
- Olduğunuz yer üzrə necə qeydiyyata düşə bilərsiniz? -CAVAB
04 dekabr 21:08
- Prezident yeni səfirin etimadnaməsini qəbul etdi - Fotolar
04 dekabr 17:07
- 5 dekabr Dünya Türk Qəhvəsi Günüdür
04 dekabr 16:14
- Yeni nazir Aparat rəhbərini işdən çıxardı (FOTO)
04 dekabr 15:40
- Brejnevdən deputat qadına atmaca - Kabinetdə qaradərili yoxdur, sizə...
04 dekabr 14:52
- Günəşli yatağında baş verən faciədən 8 il keçir
04 dekabr 13:08
- Qarabağı Azərbaycan ərazisi kimi tanıyan erməni məmuru 10 -15 ilədək cəza...
04 dekabr 12:55
- Türkiyə Yunanıstanla 20 saziş imzalayacaq
04 dekabr 11:58
- Paşinyan 49 min qaçqın erməni üçün İrəvan ətrafında göydələnlər tikdirir
04 dekabr 11:19
- Nazir bu agentliyə yeni sədr təyin etdi (FOTO)
04 dekabr 11:09
- Nəhayət, MAKEDON danışdı....
04 dekabr 09:28
- Rusiya ukraynalı UŞAQLARI NİYƏ OĞURLAYIR ? - FT
04 dekabr 09:17
- Təranənin evində işləyən qadın bütün SİRRLƏRİ AÇDI: Hər gecə 12-də... - VİDEO
04 dekabr 08:50
- İki hərbçimiz DƏM qazından boğularaq öldü
04 dekabr 08:42
- 22 d ərəcə ŞAXTA OLACAQ
03 dekabr 22:38
- Əsabil Qasımovun qardaşı oğlu Nəsimi sakinlərinin hüquqlarını pozur
03 dekabr 20:20
- Heydər Əliyevin iştirak etdiyi ziyafətlərdən menyunu götürüb gətirirdim - Video
03 dekabr 18:53
- Alman generallarının DƏHŞƏTLİ ETİRAFI - Müharibədə hansı insanlıqdan söhbət gedə bilər?
03 dekabr 17:05
- Ermənilər Kərim Vəliyevin bu səfərindən qorxuya düşdü: Azərbaycanın PLANI
03 dekabr 14:20
- Türkiyədə həbs edilən Şamil Əmirov milliyyətcə kimdir?
03 dekabr 13:16
- Erməni lobbisinin qadınla şərlədiyi, YENİ SƏFİR Bakıda iş başında
03 dekabr 12:15