Prezidentliyə namizədliyini irəli sürənlərin sayı 15-ə çatdı -ADLAR)

Günün sitatı24 dekabr 2023 13:05

Prezidentliyə namizədliyini irəli sürənlərin sayı 15-ə çatdı (YENİLƏNİB/ADLAR)

Azərbaycanda prezidentliyə namizədliyi irəli sürülənlərin sayı 15 nəfərə çatıb.
APA-nın xəbərinə görə, Mərkəzi Seçki Komissiyası dekabrın 19-da İlham Əliyevin prezidentliyə namizədliyinin irəli sürülməsini təsdiqləyib.
İlham Əliyevin prezidentliyə namizədliyi dekabrın 15-də Yeni Azərbaycan Partiyasının İdarə Heyəti tərəfindən irəli sürüb.
MSK dekabrın 21-də namizədliyi özü tərəfindən irəli sürülən Zahid Oruc və Fuad Əliyev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev, Milli Cəbhə Partiyasının prezidentliyə namizədi Razi Nurullayevin namizədliyinin irəli sürülməsini təsdiqləyib.
Beləliklə, 7 nəfərin prezidentliyə namizədliyinin irəli sürülməsi təsdiqlənib.
Öz təşəbbüsü ilə prezidentliyə namizədliyi irəli sürülən digər 8 nəfərlə bağlı məsələyə MSK-nın növbəti iclaslarında baxılacaq. Həmin şəxslər aşağıdakılardır:
- Sərvan Kərimov
- Mətləb Mütəllimli
- Abutalıb Səmədov
- Fikrət Yusifov
- Yusif Bağırzadə
- Arzuman Abdulkərimov
- Yunus Oğuz
- Qulamhüseyn Əlibəyli.
Xatırladaq ki, 7 fevral 2024-cü ildə Azərbaycanda növbədənkənar prezident seçkiləri keçiriləcək.
 
 
Prezidentliyə namizəd olmaq üçün daxil olan müraciətlərin sayı 15-ə çatıb.
Qaynarinfo xəbər verir ki, bunu Mərkəzi Seçki Komissiyasının sədri Məzahir Pənahov komissiyanın bugünkü iclasında deyib.
Onun sözlərinə görə, 7 namizədin müraciəti artıq təsdiqlənib, 8-nin müraciətinin təsdiqi üçün işlər görülür.




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1236