Litvalı jurnalist Allahverdi Bağırovla bağlı nələr yazdı....

Litvalı hərbi jurnalist Ricardas Lapaitis Azərbaycanın Milli Qəhrəmanı, Birinci Qarabağ müharibəsində şəhid olmuş Allahverdi Bağırov barədə xatirələrini bölüşüb.

“Qafqazinfo” xəbər verir ki, Lapaitis bu barədə feysbuk hesabında paylaşım edib.

O, paylaşımında Allahverdi Bağırovun şücaətindən bəhs edib:

“Xocalıdan yüz on gün sonra... Ondan sadiq olmasını heç kim tələb etmirdi, lakin o sadiqliyin özü idi! Onu müharibəyə heç kim çağırmamışdı, lakin o, futbol meydançasını könüllülərin batalyonuna dəyişdi! Xocalıları Yer üzündəki cəhənnəmdən xilas etmək üçün düşmənlə danışıqlara gedəndə qorxan o yox, onun sərt baxışlarından titrəyən düşmən idi! Lakin bəziləri üçün onun baxışları doğma qəlbdən daha isti idi! Allah onu Qarabağ torpağına gecənin zülmətində bir məşəl kimi vermişdi. 

Xocalıdan sonra yüz on gün və gecə o qədər tez əriyib yox oldu ki, onun müdafiə etdiyi doğma kəndləri göz yaşlarını belə silməyə imkan tapmadı... Aranzəmin, Naxçıvanlı, Dəhrəz, Mirkənd, Pircamal... doğma Ağdam... Həmin gün onun ailəsi idi! Lakin onu balaca uşaqlar da gözləyirdi... Onlar onu möcüzə gözləyən kimi gözləyirdilər, lakin onların atası doğma qapını açmadı! Evə qayıtmaq qismətində yox idi! O, hər bir xocalılını bağrına basdı, lakin öz uşaqlarını qucaqlaya bilmədi! Amma o, evdə hər zaman qaldı! Mina partlayışından cəmi 15 kilometrdə! Ondan sevməyi tələb etmirdilər, lakin o bu dünya üçün sevgi idi! 1992-ci ilin iyununda onun cəmi 12 günü qalırdı... Hətta müharibədə bağlar öz bəhrəsini verir, günəş işıq saçır, haradasa çiçəklər açmağa çalışırdı...

Lakin onun barıt və toz qoxan UAZ-ı dayanmağı ağlından belə keçirmirdi... Allahverdi o qədər kədər, itki görmüşdü ki, bir an belə şübhə etmirdi: qələbə çox yaxındadır! Futbol topu böyük otların arasında ilişib qalmışdı... Allahverdi Bağırovun mundiri sədaqət, şərəf sözləri, qürur və cəsarət, eləcə də öz əsgərlərinə qarşı ata sevgisi ilə əhatə olunmuşdu! Xocalıdan 110 gün sonra erməni əsirliyindən xilas edilən mindən çox insan... O, öz qanı ilə böyük yaranı bağladı, inam yarasını isə saxladı! Sakitliyinə, döyüşçülərlə içdiyin çaya, inamına, həyatına, qorxmağı heç vaxt öyrənmədiyin güllələrə görə sənə təşəkkür edirəm! Hamı kimi olmadığın üçün minnətdaram! Sağ ol ki, gənc yaşlarımda “İnsan” sözünün nə demək olduğunu bildim! Qəhrəman Allahverdi Bağırovun xatirəsinə ithaf olunur!”

\

Fotoda Ricardas Lapaitis