- Təyyarə Ermənistanı keçib Azərbaycana endi: Kim icazə verib?
- 13 yaşlı qızla münasibətdə oldu – 6 aylıq həbs edildi
- Ukraynada DƏHŞƏT: İzdihamın üzərinə qumbara atıb QAÇDI
- General Məhərrəm Həsənov sərəncama götürüldü - Yeni təyinat
- Hər gün təxminən 14 min, hər il 5,5 milyon insan siqaretlə əlaqəli xəstəliklərdən ölür.
Azərbaycanda uşaqları bu valideynlərindən alacaqlar

Uşağı valideynlərindən uzaqlaşdırmaq travmatik bir təcrübədir. Əslində, bu, valideynlik hüququndan məhrum edilməzdən əvvəlki son addımdır. Heç şübhəsiz, valideynlərin övladı böyütmək üçün hüquq, vəzifə və öhdəlikləri var. Ancaq uşağın valideynləri ilə qalması onun hüquqlarını pozursa və sağlamlığına ziddirsə, onda nə etməli?
Dünya ölkələrinin uzun illərdir ki, bu istiqamətdə əhəmiyyətli təcrübəsi var: valideynlər tərəfindən uşağın həyatına və sağlamlığına bilavasitə təhlükə yarandığı hallarda uşaq onlardan yalnız məhkəmənin qərarı ilə deyil, sosial işçilər tərəfindən də götürülə bilər.
Artıq bizim ölkəmizdə də bu təcrübə tətbiq ediləcək. Milli Məclisin Ailə, qadın və uşaq məsələləri komitəsinin bu günlərdə keçirilən iclasında "Məişət zorakılığının qarşısının alınması haqqında” qanuna edilən dəyişiklik buna əsas verir: uşağın həyatı və ya sağlamlığı üçün birbaşa təhlükə yaranarsa, valideynlərindən alına bilər.
"Kaspi” qəzetinin mövzu ilə bağlı məqaləsini təqdim edirik:
Belə bir dəyişikliyin gündəmə gəlməsinin səbəbi nədir?
Vəziyyət bəzi ailələrdə uşaq zorakılığı ilə bağlı mənzərənin o qədər də yaxşı olmadığını göstərir. Təkcə Uşaq Qaynar Xəttinə olunan müraciətlər bunu deməyə əsas verir. Məsələn, əgər əvvəllər xəttə daha çox böyüklər müraciət edirdisə, indi uşaqlar telefon açırlar. Mərkəzin operatoru: "Hər gün Qaynar Xəttə zənglər olur. Bəzən gün ərzində bir neçə zəng daxil olur”, - deyə sorğuya cavab olaraq bildirdi: "Həm paytaxtdan, həm də rayonlardan zənglər edilir. Telefon açanların çoxu qızlardır. Ailədə valideynləri tərəfindən müxtəlif zorakılıqlara məruz qaldıqlarını deyirlər”.
Əslində, uşaqların hüquq və maraqlarının əks olunduğu müddəa bizim qanunvericilikdə var idi. 1998-ci ildə qəbul edilən "Uşaq hüquqları haqqında” qanun, "Yetkinlik yaşına çatmayanların işləri və hüquqlarının müdafiəsi üzrə komissiyalar haqqında” əsasnamə, icra hakimiyyətlərinin nəzdində himayəçilik və qəyyumluq şöbələri, uşaq hüquqları üzrə QHT-lər uşaq hüquqlarına zidd hərəkətlərlə bağlı müvafiq siqnallar verirdilər. Ancaq bütün dünya ölkələrinin qanunvericiliyində illərdir yer alan qaydalar bizdə bir qədər "humanist”liyə köklənmişdi.
Uşaqlar dövlətin himayəsinə veriləcək
"Azərbaycan BMT-nin Uşaq Hüquqları haqqında Konvensiyasını imzalayıb və ondan sonra "Uşaq Hüquqları haqqında” qanun qəbul edilib. Həm konvensiyada, həm də qanunda əsas prinsip ondan ibarətdir ki, uşaq hüquqları ilə valideyn hüquqları arasında ziddiyyət təşviq edilərsə, uşaq hüquqları üstün tutulur”, - deyə Vəkillər Kollegiyasının üzvü Ruslan Vəliyev bildirir: "Bu o deməkdir ki, hər bir dövlət orqanı, o cümlədən məhkəmələr uşaq hüquqlarını üstün tutmalıdırlar. Əgər uşağın hüquqları onların valideynləri tərəfindən pozulursa, təbii ki, dövlət orqanları bununla bağlı hərəkətə keçməlidirlər. Hətta deyərdim ki, bu qaydaların həyata keçirilməsi bir az gecikib. Əminəm ki, uşaq hüquqları bundan sonra daha da üstün formada qorunacaq”. Hüquqşünas qanuna edilən dəyişikliyi son illər ailələrdə məişət zorakılığının daha çox baş verməsi ilə əlaqələndirir: "Zorakılıq siqnalları uşaqların hüquqlarının qorunmalı olduğunu daha ciddi gündəmə gətirir. Hər bir vətəndaşın da borcudur ki, törədilən və törədilə biləcək hüquq pozuntusu ilə bağlı lazımı instansiyalara məlumat versin. Əgər uşaq hüquqlarının qorunması ilə bağlı siqnal daxil olarsa, uşaq mənafelərinin üstün səviyyədə qorunması məqsədilə uşaq həmin ailədən alınacaq və dövlətin himayəsində olan orqanlara təhvil veriləcək”.
R.Vəliyev Ailə Məcəlləsində də oxşar müddəaların yer aldığını bildirir: "Valideynlərin hüquqlarının məhdudlaşdırılması və ya hüquqdan məhrum edilməsi, hətta uşaqların alınması ilə bağlı maddələr var. Bu halda da qanun icazə verir ki, həmin uşaqların dövlətin himayəsinə verilməsi ilə bağlı addım atılsın. Yəni daha da böyük proseduralar keçmədən, məhkəməyə gedib çıxmadan müvafiq orqanlara elə səlahiyyətlər verir ki, ilkin araşdırmalar aparsınlar və məsələ ilə bağlı öz rəylərini versinlər.
Hüquqşünas hesab edir ki, bu dəyişiklik hazırkı mərhələdə problemin inzibati qaydada həllini nəzərdə tutur: "Biz indiyə qədər başqa ölkələrin təcrübəsində görürdük ki, sosial idarələr gəlib uşağı götürürdülər. Bu, bizim üçün təəccüblü olsa da, bütün dünyada tətbiq olunan qaydadır. Bu, ona yönəlib ki, valideynlərin hüquqları uşaq hüququndan üstün tutula bilməz. Bu məsələlərdə dövlət orqanları hər kəsin - valideynlərin, qohumların, qəyyumların və başqalarının hüquqlarını pozacaq. Uşaqların hüquq və maraqlarının qorunması məqsədilə bu addımlar atılacaq. Fikrimcə, bu, ailələr üçün siqnal olmalıdır”.
"Valideynlər bundan sui-istifadə edirlər”
"Ümidli gələcək” təşkilatının rəhbəri Kəmalə Aşumovanın sözlərinə görə, tüfeyli həyat sürən, zərərli vərdişlərə malik valideynlər olan ailələrdə uşaqların mənfi hallarla üzləşmələri, zorakılığa məruz qalmaları, təhsildən yayınmaları və s. ilə bağlı statistika ürəkaçan deyil: "Bu faktlar onu göstərir ki, qanuna dəyişiklik zəruridir. Bəzən təcrübədə erkən nikaha sövq edilmə, ailə üzvü tərəfindən cinsi zorakılığa məruz qalma, narkotik istifadəçisi olan valideynlərin uşaqlarına qayğı göstərməməsi kimi hallarla qarşılaşırıq. Qanunda dəqiq maddə olmadığından polis və ya sosial işçilər və QHT əməkdaşları müdaxilə edəndə yalnız valideynlə söhbət edir, reabilitasiyaya cəhd edir. Amma bu hallar nəticə verməyəndə biz ailədən uşağı götürə bilmirdik. Çünki qanunda bununla bağlı xüsusi maddə yox idi. Valideynlər də bundan sui-istifadə edirlər”. K.Aşumovanın fikrincə, qanunda belə bir dəyişikliyin olması müsbətdir. Eyni zamanda, bunu tətbiq edən dövlət qurumları da vəziyyətdən sui-istifadə etməməlidirlər: "Biz ilk növbədə uşağın rifahı naminə valideynə reabilitasiya üçün şans verməliyik. Əgər o hallarda da valideyndə heç bir müsbət dəyişiklik baş verməzsə və uşağın həyatına təhlükə varsa, onun digər qohumu və ya qəyyumu ola biləcək şəxslərə verilməsi və ya dövlətin himayəsinə verilməsi həyata keçirilməlidir”.
Oxşar xəbərlər
- Təyyarə Ermənistanı keçib Azərbaycana endi: Kim icazə verib?
1 iyun 2025 01:38
- Bu gün Uşaqların Beynəlxalq Müdafiəsi Günüdür
1 iyun 2025 00:55
- Duma deputatından Azərbaycana qarşı aşağılayıcı sözlər…
1 iyun 2025 00:46
- 2020-ci ildən - Vətən müharibəsindən bəri 397 nəfər mina qurbanı olub - XİN
31 may 2025 17:43
- Rəsul Rzanın ev-muzeyinin açılışı oldu
31 may 2025 16:51
- SSRİ-dən qalma bütün məmurlar və onların uşaqları dərhal hakimiyyət orqanlarından kənarlaşdırılmalıdır
31 may 2025 15:26
- Bakcell YAŞAT Fondunun -Hədiyyə Karvanı- layihəsinə qoşuldu - Fotolar
31 may 2025 13:25
- Azərbaycanda kartof -böhranı- – Səbəb nədir?
30 may 2025 00:19
- İlham Əliyev BƏƏ-nin iş adamlarını qəbul edib
29 may 2025 14:48
- Azərbaycanda Müstəqillik Günüdür
28 may 2025 00:55
Xəbər lenti
- Təyyarə Ermənistanı keçib Azərbaycana endi: Kim icazə verib?
01 iyun 01:38
- Bu gün Uşaqların Beynəlxalq Müdafiəsi Günüdür
01 iyun 00:55
- Duma deputatından Azərbaycana qarşı aşağılayıcı sözlər…
01 iyun 00:46
- Prezidentdən uşaqlarla bağlı PAYLAŞIM - FOTO
01 iyun 00:07
- 13 yaşlı qızla münasibətdə oldu – 6 aylıq həbs edildi
31 may 23:39
- Ukraynada DƏHŞƏT: İzdihamın üzərinə qumbara atıb QAÇDI
31 may 22:26
- General Məhərrəm Həsənov sərəncama götürüldü - Yeni təyinat
31 may 20:37
- Hər gün təxminən 14 min, hər il 5,5 milyon insan siqaretlə əlaqəli xəstəliklərdən ölür.
31 may 19:46
- 2020-ci ildən - Vətən müharibəsindən bəri 397 nəfər mina qurbanı olub - XİN
31 may 17:43
- Rəsul Rzanın ev-muzeyinin açılışı oldu
31 may 16:51
- Qəbri tapılmayan baş nazirimiz - Onu kim qətlə yetirmişdi?
31 may 16:30
- SSRİ-dən qalma bütün məmurlar və onların uşaqları dərhal hakimiyyət orqanlarından kənarlaşdırılmalıdır
31 may 15:26
- Qardaş qazaxların faciəsi – Stalin qırıb azaltdığı xalqın sayına görə daha bir qrup qazaxı güllələdib
31 may 13:43
- Bakcell YAŞAT Fondunun -Hədiyyə Karvanı- layihəsinə qoşuldu - Fotolar
31 may 13:25
- İmişlidə SSRİ bayrağı ilə çıxış edən Saleh Səmədov həbs edildi
31 may 12:30
- Vasif Talıbovun səhhəti pisləşdi - Ölkədən buraxılmadı
31 may 10:26
- Laçının Bəylik kəndinə növbəti köç karvanı yola salındı (FOTO)
31 may 09:21
- Körpə ikən 300, böyüyəndə 206: Sümüklərimizin sayı böyüdükcə niyə və necə azalır?
31 may 09:09
- Alça 15, şaftalı 17, tut isə 10 manata - Bazarda od tutub yanan qiymətlər
31 may 08:38
- Milli Məclis Prezident və birinci xanımı təbrik etdi
31 may 01:28
- Təzyiqi aşağı sala biləcək 7 ədviyyat və bitki (SİYAHI)
31 may 01:20
- Rusiyaya üzərlik otu aparan azərbaycanlı həbs olundu
31 may 00:37
- Falçı Nərgiz Sultanova məhkəmənin hökmü ilə 5 il azadlıqdan məhrum edildi…
30 may 23:13
- Keçmiş müsavatçı intihar etdi- FOTO
30 may 11:17
- Etibar Pirverdiyevin qaynı saxta sənədlə torpağımızı satıb...
30 may 09:49
- Pakistanla Əfqanıstan arasında hərbi toqquşma başladı
30 may 09:38
- Azərbaycanda kartof -böhranı- – Səbəb nədir?
30 may 00:19
- Azərbaycanın fındıq ixracından qazancı 53 milyon dolları ötüb
30 may 00:04
- Füzulidə yeni NAR mağazası fəaliyyətə başladı - Fotolar
29 may 22:58
- Rusiyanın baş keşişi müsəlmanlarla nikahı haram sayır: Ölüm daha yaxşıdır
29 may 21:38
Video & Fotoqalereya
Video
Fotoqalereya