Nəcməddin Sadıkovun verdiyi 800 mini çatdırmışam

Müdafiə Nazirliyindəki 143 milyonluq mənimsəmə cinayəti ilə bağlı məhkəmə istintaqı davam edir.
“Qafqazinfo”nun məlumatına görə, Bakı Hərbi Məhkəməsində general-mayor Nizami Məmmədovun da müttəhim kürsüsündə oturduğu 4 nəfərin işini Fikrət Əliyevin sədrlik etdiyi hakimlər heyəti araşdırır.
Müdafiə Nazirliyinin Maliyyə-Büdcə İdarəsinin sabiq rəisi general-mayor Nizami Məmmədovla birgə Hərbi Hava Qüvvələrinin (HHQ) Maliyyə Xidmətinin sabiq rəisi Cəlal Kazımov, Quru Qoşunların Maliyyə İdarəsinin rəisi Bayram Bayramov və Hərbi Dəniz Qüvvələrinin Maliyyə İdarəsinin keçmiş rəisi Vüsal Əlizadə mühakimə olunurlar. Bu zabitlər başqaları ilə əlbir olaraq xüsusilə külli miqdarda dövlət vəsaitini mənimsəməkdə təqsirləndirilirlər.
Budəfəki iclasda cinayət işindəki əsas şahidlərdən biri-Müdafiə Nazirliyinin Satınalmalar və Təchizat İdarəsinin rəisi olmuş polkovnik Məlikməmməd Qurbanov şahid qismində ifadə verib.
Haşiyəyə çıxaraq xatırladaq ki, Məlikməmməd Qurbanov özü də 143 milyonluq yeyintiyə görə Dövlət Təhlükəsizliyi Xidməti (DTX) tərəfinfən həbs edilib. Eyni məhkəmədə onun da cinayət işinə baxılır.
Fotoda: Nizami Məmmədov
Qurbanovun ifadəsini bu işdə adı keçən digər şahidlərin dediklərindən fərqləndirən odur ki, o, bütün tapşırıqları nazirliyin sabiq Baş Qərargah rəisi general-polkovnik Nəcməddin Sadıkovdan aldığını deyir.
Polkovnikin sözlərinə görə, o, birbaşa nazirə tabe olsa da, bütün göstərişi Baş Qərargah rəisi verib. Qurbanov deyib ki, Nəcməddin Sadıkovun tapşırığı ilə Nizami Məmmədova iki il ərzində 800 min manat pul çatdırıb. Həmin pulların nə məqsədlə verildiyi ilə isə maraqlanmayıb: “2018-ci il idi. Nəciməddin Sadıkov məni kabinetinə çağırıb 300 min manat pul verdi ki, Nizami Məmmədova çatdırım. Eyni şəkildə 2019-cu ildə Məmmədova çatdırmaq üçün 500 min manat verdi. Amma heç vaxt maraqlanmamışam ki, bu pulları niyə verir”.
Şahid şirkətlərlə müqavilələrin necə bağlanması haqda da danışıb. Qurbanov bu işdə də bütün tapşırıqları Nəcməddin Sadıkovun verdiyini deyib: ”Mən Nəcməddin Sadıkovun göstərişlərini icra etmişəm. Hansı şirkətlərlə bağlı müqavilə bağlamaq lazım olduğuna Baş Qərargah rəisi qərar verirdi. Nəcməddin Sadıkov məni çağırırdı yanına, bir-bir deyirdi ki, bu şirkətlə müqavilə bağlamaq olar, bu şirkətlə olmaz. Tenderlərdə əsasən “Azərsun Holdinq” və onun törəmə şirkətlərinə iştirak etmək icazəsi verilirdi.
Nizami Məmmədova gəldikdə deyə bilərəm ki, onun satınalma və təchizata heç bir aidiyyəti olmayıb. O, nə şirkətlərlə bağlanan müqavilələrdə iştirak edib, nə danışıqlardan xəbəri olub. 2015-2019-cu illər ərzində ümumilikdə nazirlik tərəfindən şirkətlərdən 19 milyon 600 min manat pul alınıb”.
General Nizami Məmmədov isə polkovnikin yalnız son dedikləri ilə razıdır. Digər məsələlərdə onun dediklərini fərziyyə adlandırır: “Qurbanov onu düz deyir ki, satınalma mənə aidiyyəti olmayan bir məsələdir. Bunu qoyduq bir tərəfə… Qaldı ki, Nəcməddin Sadıkovun mənə pul göndərməsinə, bu, yalandır. İbtidai istintaqın gedişində mənə bu məsələ ilə bağlı yeni ittiham verdilər. Həmin ittihamla da ibtidai istintaq bitəndə tanış oldum. Əgər Məlikməmməd Qurbanovun dediyi məbləği alsaydım, deyərəm almışam. Nəcməddin Sadıkovun mənə nə borcu var idi, nə tabeçiliyi, nə də qorxusu yox idi ki, mənə o qədər pul göndərsin”.
Müttəhim generalın dediyinə görə, o, rəis gələnə kimi Maliyyə-Büdcə İdarəsində qanunsuzluq baş alıb gedirmiş. Təyinatından sonra isə vəziyyəti dəyişib: “Mən rəis gələnə kimi ora “bazar” idi. Gələn kimi satınalma ilə bağlı məsələləri yığışdırdım. Hər hansı şirkət müdiri yanıma gələ bilməzdi.
“Azərsun Holdinq”in nümayəndəsi Afdandil Abdiyev deyib ki, guya mənə pul verib. Gəlsin bura, üzümə desin ki, səni tanıyıram”.
Məlikməmməd Qurbanovun şahid kürsüsündən Nizami Məmmədovun danışdıqlarına laqeydcəsinə reaksiyası generalı hiddətləndirib: “Orada başını bulayır. Kişi kimi de, mən əsgərin pulunu saxlaya bilərdim? Bilərdim, yoxsa yox? Nəcməddin Sadıkov mənə pul versəydi, deyərdim verib”.
“Olub ki, deyirəm”, - deyə Qurbanov generala qısa cavab verib.
Şahidin məhkəmədə dedikləri ilə ibtidai istintaq zamanı dedikləri arasında ziddiyyətli məqamlar ortaya çıxıb. Qurbanov həmçinin ilkin istintaq vaxtı da Nizami Məmmədovla üzləşdirilib.
Qurbanov əvvəlki ifadəsində deyib ki, Maliyyə-Büdcə İdarəsi ancaq icra sənədləri əsasında şirkətlərə ödənişlər edib. Əlavə olaraq qeyd edib ki, idarəyə müqavilələr hazır gəlib, Nizami Məmmədovun işi yalnız ödəniş tapşırıqlarına imza atmaq olub.
N.Məmmədovun vəkili Rəşad Mirmehdizadə şahid Qurbanovdan əldə olunan gəlirdən nə qədər özünə götürdüyü və həmin dövrlərdə şirkətlərdən gələn faizləri kimlərə verilməsi barədə danışmasını istəyib.
Lakin polkovnik müdafiəçinin suallarına cavab vermək istəməyib. Şahidin etirazına görə general Məmmədovun digər vəkilləri Cahangir Cavadov və Faiq Hüseynovun da sualları verilməmiş qalıb.
Proses növbəti cümə günü digər şahidlərin dindirilməsi ilə davam edəcək.
Qeyd edək ki, 2022-ci ilin əvvəlində Dövlət Təhkükəsizliyi Xidməti Müdafiə Nazirliyində qanun pozuntuları ilə bağlı əməliyyat keçirib. Əməliyyatla cinayət məsuliyyətinə cəlb edilən zabitlərə qarşı Cinayət Məcəlləsinin 179.4-cü (xüsusilə külli miqdarda mənimsəmə) maddəsi ilə ittiham irəli sürülüb.
- Bu il bəşəriyyəti tənəzzülə aparan fəlakət olacaq - Vanqa və Nostradamusun PROQNOZU
13 sentyabr 2025 23:03
- 2,2 milyon nəfər tədrisə başlayır: İlk dərs bu mövzuya həsr olunacaq
13 sentyabr 2025 16:55
- TİTANİK sərnişinlərini xilas ola olarmış: 1500 insanın taleyini bir gəmi dəyişə bilərdi
13 sentyabr 2025 02:41
- Culfada ağır qəza - 4 polis əməkdaşı öldü
12 sentyabr 2025 11:03
- Laima Vaikule: SSRİ-dən ABŞ-a getməklə həyatımı xilas etdim
12 sentyabr 2025 01:14
- Alla Puqaçovadan Putinlə bağlı ŞOK ETİRAF
11 sentyabr 2025 22:45
- NAR ilin ən uğurlu abituriyentlərini mükafatlandırdı - Fotolar
8 sentyabr 2025 18:48
- Britaniyanın yeni daxili işlər naziri Şabana Mahmud: İslam mənim inancımdır, həyatımın ən vacib tərəfidir VİDEO
7 sentyabr 2025 00:08
- AZAL təyyarəsinin vurulmasında bu generalın rolu olub - sensasion faktlar yayıldı
6 sentyabr 2025 22:36
- Uzunömürlü insanların SİRRİ BU İMİŞ
5 sentyabr 2025 17:21
- Tramp Britaniyada qaydaları pozdu: Kraldan qabağa keçmək və ona toxunmaq qadağandır
18 sentyabr 01:38
- Arvaddır, boşayıram, yenə alacağam
18 sentyabr 00:23
- Azərbaycanda qeydiyyatda olan narkomanların sayı açıqlandı - 40 MİN 490
17 sentyabr 22:34
- Fətəli xan Xoyskinin 150 illik yubileyi keçiriləcək (SƏRƏNCAM)
17 sentyabr 21:52
- Narkomanlığa qarşı mübarizəyə dair Dövlət Proqramı təsdiq edildi
17 sentyabr 21:00
- Gürcüstan Azərbaycana borcunu tam ÖDƏDİ
17 sentyabr 13:57
- Ay nazir, sənə yazmışam, niyə cavab vermirsən?
17 sentyabr 12:22
- Azərbaycan Prezidenti Donald Trampa təşəkkür etdi
17 sentyabr 11:52
- QARABAĞ-ın Lissabon zəfəri -FOTO
17 sentyabr 02:19
- Türk Dünyası Gənclik Qurultayı
16 sentyabr 22:57
- Bu şəxslərə birdəfəlik 500 manat veriləcək
16 sentyabr 22:06
- Cəlilabadda məktəbli sinif yoldaşını bıçaqla öldürdü
16 sentyabr 15:44
- Veysəloğlu-Distribusiya ucqar kəndlərdə məktəblilərə dəstəyini davam etdirir - Xoşbəxtlik Çantası layihəsinin növbəti mərhələsi baş tutdu
16 sentyabr 15:34
- İlham Əliyev BƏƏ Prezidentini Füzulidə qarşıladı - Fotolar
16 sentyabr 13:23
- Özbəkistan Rusiyaya nota verdi
16 sentyabr 13:08
- Ağsu sakini nazir Vilayət Eyvazova müraciət etdi
16 sentyabr 12:26
- Azərbaycan təhsil xərclərini 1 % artırır
16 sentyabr 11:23
- Bir evdən 6 uşaq məktəbə getdi
16 sentyabr 11:11
- Prezident Selçuk Bayraktaroğlunu qəbul etdi (FOTO)
16 sentyabr 01:57
- Bakcell Bilik Günü münasibətilə Müasir Təhsil Kompleksinin şagirdləri ilə görüşdü
16 sentyabr 01:12
- Özbəkistan səfərindən tez-tələsik təəssüratlarım - iLQAR TAĞI
16 sentyabr 00:33
- Azərbaycanlı Rusiyada deputat seçildi
15 sentyabr 11:26
- Kəlbəcərdən çıxanda 80 yaşı olub - İndi 113 yaşında qayıdır
15 sentyabr 10:21
- Prezident Seyidbəyliyə getdi - Fotolar
15 sentyabr 09:59
- Asiyada ən böyük hərbi təlim başlanır - Üç ölkə üç məkanda...
15 sentyabr 09:46
- Bakının işğaldan azad edilməsindən 107 il ötür
15 sentyabr 00:55
- Azərbaycanda Bilik Günüdür
15 sentyabr 00:42
- Rusiya Britaniyanın müsəlman daxili işlər nazirini hədəfə alıb - Kreml mediası Şabanaya böhtanlar yağdırır
14 sentyabr 23:51
- Sumqayıtda xəstəxana həyətindən 8 aylıq qız DÖLÜ TAPILIB
14 sentyabr 18:04
- Bu gün erməni əsilli şəxs Xankəndidə polisə qumbara atdı, atəş açdı...
14 sentyabr 17:43