Azərbaycan Televiziya və Radio Verilişləri QSC-nin hansı sədri SƏLƏMƏ milyonlarla pul verir ?

Azərbaycan  hakimiyyətində təmsil olunan məmurların sələmə külli miqdarda  pul verməsi barədə ölkə mediasında kifayət  qədər yazılıb.

Məsələn,  “Bakı Metropoliteni”nin sabiq rəisi Tağı Əhmədovun 2 milyon manat pulunu sələmə verərək qazanc əldə etməsi və sonda   sələmə pul götürən şəxslərin FAİZİ  gecikdirdiyi  üçün həbs olunması  barədə çox yazılıb.

NUH.az-ın apardığı  araşdırma  zamanı bəlli oldu ki, vətəndaşlara  sələmə pul verilməsi qeyri-qanunidir, qanunsuz  hərəkətdir. Müqavilə əsasında olmadığı halda vətəndaşın bir başqasına faiz qarşılığında, yəni sələmə pul verməsi qanunsuz  əməldir.

Həm də sələmə pul verən  şəxs özü də əldə etdiyi gəlirin miqdarına uyğun olaraq vergi ödəməlidir. Yəni  sələmə pul verən şəxs, külli miqdarda vergidən yayınır.

Digər tərəfdən, “Gəlir deklarasiyası haqqında” qanuna görə, vəzifəli şəxslər ildə bir dəfə öz gəlirləri barədə məlumat verməli və vergi ödəməlidilər. Məmurda milyonlar haradandır ?

Ümumiyyətlə, ölkə qanunvericiliyi  sələmi niyə hüquqi cəhətdən tənzimləmir ?

Əgər ölkə qanunvericiliyində  "sələm  maddəsi"  yoxdursa,  Bakı Ağır Cinayətlər  Məhkəməsi  Tağı Əhmədovdan sələmə pul götürənləri necə ittiham edə bilər ? Hansı maddə ilə ?

Sonda onu da qeyd edək ki, sələmə pul vermək məsələsində Tağı Əhmədov tək deyil.

NUH.az-a daxil olan məlumata görə, xeyli sayda məmur, köhnə və təzə nazir, komitə sədrləri, icra başçıları sələmə pul verərək külli miqdarda gəlir əldə edirlər.

Həmin şəxslərin kimliyi barədə araşdırmamız davam edir.

Və redaksiyamıza  daxil olan məlumata görə,  “Azərbaycan Televiziya və Radio Verilişləri”  QSC-nin sabiq sədrlərindən biri  neçə ildir  hər  ay  SƏLƏMƏ  3  milyon pul verir. Sabiq  sədrlə bağlı  araşdırmamız  davam edir.

NUH.az