Qaynarinfo xəbər verir ki, bu barədə sosial şəbəkələrdə məlumat yayılıb.

O, 119 saylı Ağdam seçki dairəsindən namizədliyini irəli sürəcək. 

Qeyd edək ki, Şəbnəm Səfərova məşhur "Qarabağ Azərbaycandır" elektron platformasının və agdam.org saytının təsisçilərindən biri, ordumuzun zabiti Ramil Səfərovun həyat yoldaşıdır.

Şəbnəm Səfərova Ağdam şəhərində anadan olub. Bakalavr təhsilini Azərbaycan Dövlət İqtisad Universitetinin (indiki UNEC) "Beynəlxalq İqtisadi Münasibətlər” fakultəsində, Xüsusi İstedadlar qrupunda alıb. ADA universitetində "MBA - Biznesin İdarə Edilməsi” üzrə magistr dərəcəsini bitirib. "Layihələrin idarə olunması” üzrə ABŞ-ın Kaliforniya Universiteti, İrvine Məktəbində sertifikasiya proqramı keçirib.

Əmək fəaliyyətinə 2008-ci ildə Xarici İşlər Nazirliyinin "İqtisadi əməkdaşlıq və inkişaf” şöbəsində başlayıb. 2010-2012ci illərdə dünyanın 4 böyük audit şirkətindən (Big 4) biri olan PriceWaterhouseCoopersdə (PwC) auditor kimi çalışıb. 2012-2018-ci illərdə BP neft şirkətində "Maliyyə məsələləri üzrə analitik” vəzifəsində işləyib. 2020-ci ilin əvvəlinədək MedCmG (Medical Consulting & Marketing Group) şirkətinin direktoru olaraq çalışıb. Hazırda Bakı Dövlət Universitetində təhsilin rəqəmsallaşdırılması üzrə həyata keçirilən, ABŞ-a məxsus olan "Blackboard SaaS” layihəsinin rəhbəridir.

Korporativ fəaliyyətlə yanaşı 2013-cü ildən başlayaraq fərdi sahibkarlıq fəaliyyətilə məşğuldur. 2018-ci ildən başlayaraq ölkə universitetlərinin ingilisdilli fakultələrində müqaviləli-müəllim kimi fəaliyyət göstərir.