Əsas kapitala qoyuluşuna görə, Azərbaycan Ermənitandan, Gürcüstandan çox geridə qalır- SİYAHI

Bu iqtisadiyyatın inkişaf mənbəyidir. İstehsal, zavod, fabrik, işçi yerləri bu vəsait hesabına yaradılır. Dünən adambaşına düşən ümumi daxili məhsulun həcminin müqayisəsini təhlil etmişdim, Azərbaycanın bu göstərici üzrə Cənubi Qafqaz respublikaları üzrə sonuncu yerdə olmasını göstərmişdik.

Həmişə bizim mütəxəssislər, xüsusilə məmurlar Ermənistanı yoxsul ölkə kimi qiymətləndirirlər. Belə çıxır ki, biz daha yoxsul durumdayaıq. Bunun əsas səbəbi isə əsas kapitala qoyuluşun həcmi ilə əlaqədardır. Azərbaycan bu gösərici üzrə yalnız Cənubi Qafqazda deyil, əksəriyyət ölkələrdən geri qalır, orta dünya gösəricisindən isə bir neçə dəfə geri qalır. Acınacaqlısı isə odur ki, belə vəziyyət resurs çatışmazlığı ilə deyil, təmiz məmur zəkası ilə əlaqədardır. Resursların nisbi həcm gösəriciləri üzrə Azərbaycan dünyanın ən inkişaf etmiş ölkələri sırasındadır.

Azərbaycanın daxili resursları, strateji valyuta ehtiyyatları yalnız Azərbaycan deyil, bütün Türk respublikalarını yüksək səviyyədə əsas kapitala vəsaitlə təmin edə bilərdi. İndi isə bu resurslar əsasən xarici ölkələrdə günü gündən genişlənən dollar, evro, funt inflyasiyasının qurbanına çevrilir.

* Bura Qarabağa qoyulan bərpa kapitalı da daxildir.