Baş redaktor YENİDƏN Prezident İlham Əliyevə müraciət etdi

Cənab Prezident ! 

Mən  2015-ci ildən  3-cü  dəfədir ki, bu problemlə  bağlı Sizə müraciət edirəm. Hesab  edirəm ki, Sizin rəhbərliyinizlə Qarabağ  azad olunandan sonra  bu məsələ daha  aktualdır.

Dünya iqtisadiyyatında və ölkəmizdə baş verənləri, milli manatın aqibətini, əhalimizin vəziyyətini, Azərbaycan dövlətinin gələcəyini nəzərə alaraq təklif edirəm :

1991-ci ildən bugünədək müxtəlif səbəblərdən bir qrup ölkə vətəndaşında cəmləşmiş, əsasən xarici banklarda yerləşdirilmiş və miqyasına görə Azərbaycan dövlət büdcəsindən müqayisə olunmaz dərəcədə çox olan “doğma” kapitalın leqallaşdırılması üçün  maliyyə  amnistiyası elan olunsun.  Xarici kapital üçün yaradılan münbit şərait və yüksək təminat  “doğma” kapitala da tətbiq edilməli, yəni hər ikisinə bərabər şərait yaradılmalıdır.

Hesab edirəm ki, iqtisadi-maliyyə amnistiyası  minlərlə yeni iş yerlərinin açılmasına, yoxsulluğun azaldılmasına, korrupsiya və rüşvətxorluğun dairəsinin daralmasına, yüksək inkişafa, ən əsası həqiqi sabitliyə, sonda demokratiyanın inkişafına gətirib çıxaracaq. Bu addım həm də ölkəni gələcək siyasi təlatümlərdən, qarşıdurmalardan qoruyacaq və populist şüarlarla xalqı aldatmağa son qoyacaq. İqtisadi amnistiya həm də xalqın sərvətini xalqa qaytarmağın daha məqsədəuyğun yoldur. Leqllaşdırılmış kapitalın Qarbağda  abadlıq və quruculuq prosesinə yönləndirilməsi  vacibdir. Onu da nəzərə almalıyıq ki, xarici banklarda yerləşdirilmiş və dövlətimizin büdcəsindən dəfələrlə çox olan bu kapital  Azərbaycanın gələcəyi üçün ciddi təhlükədir.   

Hörmətlə,

NUH  İnformasiya  Agentliyinin ( NUH.az )

baş redaktoru  Kamran Məhərrəmli