Bacısının azyaşlı qızına siqaret verənə 100 manat cərimə nədir ki? - Vəkildən sərt AÇIQLAMA

Sosial şəbəkələrdə azyaşlının valideyni tərəfindən zərərli vərdişlərə cəlb olunmasını əks etdirən görüntülər yayılıb.
Ailə, Qadın və Uşaq Problemləri üzrə Dövlət Komitəsinin Mətbuat Xidmətinin rəhbəri Teymur Mərdanoğlu bildirib ki, məsələ dərhal nəzarətə götürülərək aidiyyəti qurumlarla birgə araşdırma aparılıb:
"Nəticədə Abşeron rayon sakini olan valideynlər rayon icra hakimiyyətinə dəvət olunublar. Fotoda uşağın dayısı tərəfindən ötən il ailə məclislərinin birində zarafat məqsədli çəkilərək paylaşdığını iddia edən valideynlərlə profilaktik söhbət aparılıb, qanunvericiliyə müvafiq olaraq valideyn öhdəliyi, vəzifə və məsuliyyətləri ilə bağlı ətraflı məlumat verilib.
Bununla yanaşı, valideynlərin diqqətinə çatdırılıb ki, Azərbaycan Respublikası Konstitusiyasının 17-ci maddəsinin 2-ci bəndinə əsasən, uşaqların qayğısına qalmaq və onları tərbiyə etmək valideynlərin borcudur.
Bu borcun yerinə yetirilməsinə dövlət nəzarət edir. Valideynlər öz valideynlik vəzifələrini yerinə yetirmədikdə isə Azərbaycan Respublikası Ailə Məcəlləsinin 64-cü maddəsinə əsasən valideynlik hüquqlarından məhrum edilə bilər".
Məsələ ilə bağlı Musavat.com-a danışan vəkil Sadiq Əfəndiyev deyib ki, bəzi valideynlər bəzən nəticəsini fikirləşmədən zarafatyana, bəzən də gülüş doğuran bir mənzərə yaratmaq üçün azyaşlı uşaqlarının ağzına siqaret qoyur, əllərinə araq qədəhi verib içməyini təklif edirlər. Bu zaman onlar yüngül bir əyləncə xatirinə uşağın tərbiyəsinə hansı dərəcədə ziyan vurduqlarının fərqində olmurlar:
"Bu cür hərəkətlərin foto və videosu sosial şəbəkələrdə paylaşılıdğı halda isə əməlin ictimai təhlükəliliyi daha artır. Çünki danılmaz bir faktdır ki, bu gün böyüklərlə yanaşı, hətta hərf tanımayan azyaşlılar da sosial şəbəkələrdən istifadə edir, orada paylaşılan və onlar üçün maraq doğuran video və şəkillərə baxırlar. Baxdıqdan sonra isə bəzən həmin hərəkətləri təqlid edirlər. Belə olduqda bu cür arzuolunmaz hərəkətlər onların da tərbiyəsinə mənfi yöndən təsir etmiş olur.
Ailə qanunvericiliyində uşaqları tərbiyə etmək validenlərin həm hüququ, həm də borcu kimi qeyd edilir. Valideynlər uşaqlarının tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar. Valideynlik hüquqları uşaqların mənafeyinə zidd həyata keçirilə bilməz. Valideynlik hüquqlarını həyata keçirərkən valideynlər uşaqların mənəvi inkişafına, fiziki və psixi sağlamlığına xələl yetirməməlidirlər. Əks təqdirdə, uşaqların hüquq və mənafelərinə ziyan vuran valideynlər qanunvericiliklə müəyyən olunmuş qaydada məsuliyyət daşıyırlar.
Bu məsluliyyət tədbirlərindən biri uşağın mənafeyinə ziyan vuran, valideynlik vəzifələrini yerinə yetirməyən valideynin mülki məhkəmə icraatı qaydasında valideynlik hüquqlarından məhrum edilməsidir. Valideynlik hüquqlarından məhrumetmə ilə bağlı valideynlərdən (onları əvəz edən şəxslərdən) biri, yerli icra hakimiyyətlərinin qəyyumluq və himayə orqanları, prokuror, habelə yetkinlik yaşına çatmayanların hüququnu müdafiə edən orqan və ya müəssisələr məhkəməyə müraciət edə bilərlər".
Vəkilin sözlərinə görə, valideynlik vəzifələrinin yerinə yetirilməməsi eyni zamanda qanunvericilikdə inzibati xəta kimi nəzərdə tutulub:
"Belə ki, Azərbaycan Respublikası İnzibati Xətalar Məcəlləsinin 189-cu maddəsinə görə, yetkinlik yaşına çatmayanların tərbiyə və təlimi vəzifələrinin valideynlər və ya onları əvəz edən şəxslər tərəfindən üzrlü səbəblər olmadan yerinə yetirilməməsinə və ya lazımınca yerinə yetirilməməsinə görə onlar xəbərdarlıq edilir və ya qırx manatdan altmış manatadək məbləğdə cərimə edilir.
Ağırlaşdırıcı hallarda – valideynlik vəzifələrinin yerinə yetirilməməsi yetkinlik yaşına çatmayanların baxımsız qalmasına səbəb olduqda altmış manatdan yüz manatadək, yetkinlik yaşına çatmayanların spirtli içki, narkotik vasitələr və ya psixotrop maddələr qəbul etməsinə və ya avaralıqla məşğul olmasına, cinayət məsuliyyətinə cəlb etməyə imkan verən yaş həddinə çatmamış uşaqlar tərəfindən cinayət əlamətləri olan ictimai təhlükəli əməlin törədilməsinə və ya on dörd yaşından on altı yaşınadək uşaqlar tərəfindən inzibati xəta əlamətləri olan əməlin törədilməsinə səbəb olduqda valideynlər və ya onları əvəz edən şəxslər altmış manatdan yüz manatadək məbləğdə cərimə edilir.
Hesab edirəm ki, valideynlik vəzifələrinin yerinə yetirilməməsi, habelə uşağın mənafeyinə ziyan vuran hərəkətlərin xarakteri və ictimai təhlükəlilik dərəcəsi nəzərə alınmaqla istinad etdiyimiz maddənin mətninin reallığa uyğun olaraq təkmilləşdirilməsinə ehtiyac var. Hər şeydən əvvəl maddənin mətnində valideynlik vəzifələrinin yerinə yetirilməməsinin səbəb olduğu mənfi nəticələrin (yetkinlik yaşına çatmayanların spirtli içki, narkotik vasitələr və ya psixotrop maddələr qəbul etməsi və ya avaralıqla məşğul olması) siyahısına "tütün çəkməsi" kimi nəticə də əlavə edilməlidir. Çünki tütünün insan sağlamlığına vurduğu ziyan heç də spirtli içkinin ziyanından az deyil.
Bundan başqa, uşağın tərbiyəsinə və mənafeyinə ziyan vuran hərəkətlərin sosial şəbəkədə paylaşılmasının daha çox ictimai təhlükəliliyinin olmasını, daha çox mənafelərə qəsd etməsini nəzərə alaraq həmin əməlin ayrıca tövsifedici ağırlaşdırıcı hal kimi maddənin mətnində nəzərdə tutulması daha məqəsədə müvafiqdir.
Göründüyü kimi, istinad etdiyimiz maddənin sanksiyasında cərimə qismində 40-60 manat, ən çoxu 100 manat kimi yüngül inzibati tənbehlər müəyyən edilib. Maddənin çəkindiricilik təsirinin artırılması üçün hesab edirəm ki, maddənin sanksiyasının da sərtləşdirilməsinə ehtiyac var".
- Bu şəxslərə birdəfəlik 500 manat veriləcək
16 sentyabr 2025 22:06
- Azərbaycan təhsil xərclərini 1 % artırır
16 sentyabr 2025 11:23
- Rusiya Britaniyanın müsəlman daxili işlər nazirini hədəfə alıb - Kreml mediası Şabanaya böhtanlar yağdırır
14 sentyabr 2025 23:51
- 1992-ci ildə Baş nazir vəzifəsindən istefa verdim, Heydər Əliyevə zəng vurdum… –Sabiq Baş nazir Həsən Həsənovdan maraqlı açıqlamalar /VİDEO
13 sentyabr 2025 15:35
- Prezident yol təmirinə 1,5 milyon manat ayırdı (SƏRƏNCAM)
11 sentyabr 2025 13:23
- Günəş nədən ibarətdir və niyə Yeri yandırmır? - Cavab sizi təəccübləndirə bilər
11 sentyabr 2025 11:22
- Azərbaycan kürünü xaricə neçəyə satır?
11 sentyabr 2025 10:27
- Məktəb direktoru qızına görə işdən çıxdı: Mənə bibi deyirdi
9 sentyabr 2025 20:53
- Varlılar niyə pullarını İsveçrə banklarında saxlayır?
7 sentyabr 2025 22:23
- Alim Qasımov villasını satır - Qiyməti 5 MİLYON
7 sentyabr 2025 21:28
- Tramp Britaniyada qaydaları pozdu: Kraldan qabağa keçmək və ona toxunmaq qadağandır
18 sentyabr 01:38
- Arvaddır, boşayıram, yenə alacağam
18 sentyabr 00:23
- Azərbaycanda qeydiyyatda olan narkomanların sayı açıqlandı - 40 MİN 490
17 sentyabr 22:34
- Fətəli xan Xoyskinin 150 illik yubileyi keçiriləcək (SƏRƏNCAM)
17 sentyabr 21:52
- Narkomanlığa qarşı mübarizəyə dair Dövlət Proqramı təsdiq edildi
17 sentyabr 21:00
- Gürcüstan Azərbaycana borcunu tam ÖDƏDİ
17 sentyabr 13:57
- Ay nazir, sənə yazmışam, niyə cavab vermirsən?
17 sentyabr 12:22
- Azərbaycan Prezidenti Donald Trampa təşəkkür etdi
17 sentyabr 11:52
- QARABAĞ-ın Lissabon zəfəri -FOTO
17 sentyabr 02:19
- Türk Dünyası Gənclik Qurultayı
16 sentyabr 22:57
- Bu şəxslərə birdəfəlik 500 manat veriləcək
16 sentyabr 22:06
- Cəlilabadda məktəbli sinif yoldaşını bıçaqla öldürdü
16 sentyabr 15:44
- Veysəloğlu-Distribusiya ucqar kəndlərdə məktəblilərə dəstəyini davam etdirir - Xoşbəxtlik Çantası layihəsinin növbəti mərhələsi baş tutdu
16 sentyabr 15:34
- İlham Əliyev BƏƏ Prezidentini Füzulidə qarşıladı - Fotolar
16 sentyabr 13:23
- Özbəkistan Rusiyaya nota verdi
16 sentyabr 13:08
- Ağsu sakini nazir Vilayət Eyvazova müraciət etdi
16 sentyabr 12:26
- Azərbaycan təhsil xərclərini 1 % artırır
16 sentyabr 11:23
- Bir evdən 6 uşaq məktəbə getdi
16 sentyabr 11:11
- Prezident Selçuk Bayraktaroğlunu qəbul etdi (FOTO)
16 sentyabr 01:57
- Bakcell Bilik Günü münasibətilə Müasir Təhsil Kompleksinin şagirdləri ilə görüşdü
16 sentyabr 01:12
- Özbəkistan səfərindən tez-tələsik təəssüratlarım - iLQAR TAĞI
16 sentyabr 00:33
- Azərbaycanlı Rusiyada deputat seçildi
15 sentyabr 11:26
- Kəlbəcərdən çıxanda 80 yaşı olub - İndi 113 yaşında qayıdır
15 sentyabr 10:21
- Prezident Seyidbəyliyə getdi - Fotolar
15 sentyabr 09:59
- Asiyada ən böyük hərbi təlim başlanır - Üç ölkə üç məkanda...
15 sentyabr 09:46
- Bakının işğaldan azad edilməsindən 107 il ötür
15 sentyabr 00:55
- Azərbaycanda Bilik Günüdür
15 sentyabr 00:42
- Rusiya Britaniyanın müsəlman daxili işlər nazirini hədəfə alıb - Kreml mediası Şabanaya böhtanlar yağdırır
14 sentyabr 23:51
- Sumqayıtda xəstəxana həyətindən 8 aylıq qız DÖLÜ TAPILIB
14 sentyabr 18:04
- Bu gün erməni əsilli şəxs Xankəndidə polisə qumbara atdı, atəş açdı...
14 sentyabr 17:43