Əsl Q U L D U R L U Q ! - Elşən Həsənov yazır

Verdikləri cavabdan belə çıxdı ki, qiymət artımı, sürətlə bağlıdır. O zaman, yeni bir sual meydana çıxdı – Əcəba, qiymət artımı sürətlə bağlıdırsa aldığım sürət niyə dəyişmir? Əvəzində xəttin o başından cavab gəldi ki, müraciət, texniki şöbəyə yönləndirilir. Məsələ, bir iş günü ərzində həllini tapacaq.

Bir iş günü ərzində həllini tapmayan məsələ ilə bağlı oktyabr ayının 4 – də, yenidən yuxarıda adı çəkilən təşkilatla əlaqə saxladım. Müraciətim cümə gününə təsadüf etmişdi deyə qarşı tərəfdən məsələyə gələn həftənin Bazar ertəsi baxılacağı haqqında məlumat aldım.

Nəhayət, bu gün də cavab almadığımdan, 155 saylı çağrı mərkəzinə zəng etdim. Verilən cavabdan bəlli oldu ki, məsələ heç də adi texniki məsələ deyil

- Modeminizin dəyişməsi ilə bağlı texniki şöbəyə məlumat verilmişdir. Amma nə zaman dəyişiləcəyi barədə bizdə məlumat yoxdur. Dövlət, bu prosesi hələ ki, dayandırıb.

- Dövlət prosesi dayandırıbsa o zaman məndən niyə artıq pul tutur? Deməli belə çıxır ki, mən, göstərilməyən xidmətə görə artıq pul ödəməliyəm? O zaman elə bir başa deyin ki, sadəcə qiymətləri artırmışıq.

Üstəlik verdiyim – Konkret söyləyə bilərsinizmi modemlərin dəyişilməsi nə vaxta nəzərdə tutulub? – sualıma – Bilmirik – deyə cavab aldım

Nazirliyin qaynar xəttinə zəng edib məlumat vercəyim barədə xəbərdarlğa da reaksiya belə oldu – Zəng edin!

Əlqərəz ki, Rəqəmsal İnkişaf və Nəqliyyat Nazirliyi-nin qaynar xəttinə zəng edib məlumatlandırsam da, aldığım cavab təxminən eyni oldu – Şikayətiniz baxılmaq üçün müvafiq şöbəyə yönləndilildi.

Şəxsi araşdırmamdan məlum oldu ki, yeni sistemə keçid ilə bağl vətəndaşların istifadəsində olan modemlərin dövlət tərəfindən dəyişdirilməsi prosesi dayandırılıb. Modemi vətəndaş, öz cibindən 110 manat ödəməklə əldə edə bilər. Amma bundan sonra da sürətin arta biləcəyi sual altındadır. Çünki dövlətdə olan avadanlığın özünün buraxıcılıq qabiliyyəti göstəricilərə cavab vermir. Bundan əlavə də 10 ünvan arasında paylaşımalı olan internet, daha artıq ünvan arasında paylanılır ki, bu da əlbəttə qanunsuzdur.

Yazını oxuyub özünüz üçün nəticə çıxarın.

İndiki halda əhalidən olmayan sürət üçün artıq vəsait alınır. Dövlətin həyata keçirməli olduğu tədbiri, vətəndaş maliyyələşdirir. Kəsilən sürət, digər ünvanlara ötürülür və daha nələr.

Nazirliyin əməkdaşına isə sonda beləcə də dedim – İlham Əliyev hər çıxışında deyir ki, mənə siqnal verin. Bu da siqnal.

Uşaqlıq edib – Bib, BİİİİİB də eləməyim gəldi.

Amma düşünürəm ki, bu siqnalın səsi əvvəl – axır çıxacaq – Vətəndaş narazılığı öz sözünü deməlidir.