Deputat Əli Məsimli Qax rayonunun İlisu kəndində seçicilərlə görüş və qəbul keçirdi

Öncə torpaqlarımızın azadlığı və suverenliyimizin bərpası uğrunda canlarından keçən qəhraman şəhidlərimizin əziz xatirəsi bir dəqiqlik sükutla yad edildi.

Sonra millət vəkili VII çağırış Milli Məclisin ilk iclasında Azərbaycan prezidenti İlham Əliyevin çıxışının əsas məqamlarını diqqətə çatdırdı.Bu kontekstdə ərazi bütövlüyümüz və suverenliyimiz tam bərpa edildikdən sonra Azərbaycana qarşı artan xətlə gedən təzyiqlərə, xüsusən də Avropa İttifaqının Azərbaycana haqda son qətnaməsinə münasibət bildirdi.Geosiyasi qarşıdurmaların kəskinləşdiyi bir dövrdə Azərbaycana təzyiqlərin getdikcə gücləndiyi bir şəraitdə hərbi qüdrətimizin artırılması və təhlükəsizliyimizin təminatınn daha da gücləndirilməsi,eləcə də Böyük Qayıdışın sürətləndirilməsi istiqamətində görülən işlər və əhalinin güzaranının yaxşılaşdırılmasının zəruriliyi məsələlərinə toxundu.

Daha sonra Əli Məsimli VII çağırış Milli Məclisin işə başladığı müddətdən keçən ilk ay ərzində gördüyü işlər barədə məlumat verdi.Deputat seçicilərin Qax kəndlərinin qazlaşdırılması ilə bağlı müraciətləri əsasında AZƏRİQAZ-ın baş direktoru Azər Məmmədovla görüşu,eləcə də Bələdiyyələrin birləşməsi yolu ilə yeni bələdiyyələrin yaradılması haqqında qanununun layihəsinin müzakirəsi zamanaı Milli Məclisin plenar iclasında etdiyi çıxış əsas məqamları,həmçinin Qaxda,eləcə də İlisuda formalaşacaq yeni bələdiyyələrin əhatə dairəsi barədə məlumat verdi.Əli Məsimli bildirdi ki,bələdiyyələrin birləşdirilməsi sahəsində ən radikal addımalardan biri Qax rayonunda həyata keçiriləcək.Bələdiyyələrin birləşməsi bələdiyyələrdə idarəetmənin effektivliyinin artırılmasına, resurslardan qənaətlə istifadə edilməsinə, xidmətlərin keyfiyyətinin yükəldilməsinə, bələdiyyələr arasında daha sıx əməkdaşlığın qurulmasına hədəflənib.Həmin hədəflərə nail olmaqdan ötrü bələdiyyələrin birləşməsi istiqamətində atılan addımlar mütləq onların səlahiyyətlərinin artırəlması və müstəqilliyinin təmin edilməsi ilə tamamlanmalıdır.Bələdiyyələrin maliyyə imkanlarını genişləndirilməlidir. Bundan ötrü bələdiyyələrə dövlət dəstəyi ilə yanaşı,çoxmənbəli maliyyələşdirmə mexanizmləri yaradılması sisteminə keçid tezləşdirilməliidr.Yerli özünüidarəetmə orqanlarının dayanıqlı gəlir mənbələri əldə etməsi, sahibkarlığın inkişafı, həmçinin əhalinin məşğulluğunun təmin olunmasında bələdiyyələrin iştirakının genişləndirilməsi istiqamətində təsirli tədbirlər görülməlidir.Bələdiyyə müəssisələrinin, xüsusəndə regionlarda, kənd yerlərində kənd təsərrüfatı məhsullarının istehsalı, emalı və satışı, təmir-tikinti və sair bu kimi istiqamətlərdə bələdiyyə müəssisələrinin yaradılmasının dairəsinin genişləndirilməsi istiqamətində kompleks tədbirlərin həyata keçirilməlidir. Bələdiyyə mülkiyyətindən istifadənin səmərəliliyini artırmaq üçün xüsusi məqsədli proqram sənədləri hazırlayıb həyata keçirmək lazımdır.Eyni zamanda perspektiv planlar hazırlanan zaman hər ailəyə 5-6 sot torpaq verilməsi ilə yanaşı,çoxmərtəbəli binaların tikilməsi də əsas hədəf kimi götürülməlidir.Çünki, torpaq fondu tükənən resursdur və zaman gələcək ki, fərdi yaşayış üçün ev tikməyə verilməyə torpaq qalmayacaq, məcbur olaraq kənd təsərrüfatı təyinatlı torpaqlardan istifadə etməli olacağıq.Bunun da nəticəsində həm qida təhlükəsizliyi ilə bağlı, həm də ki, mənzillə bağlı ciddi problemlər yaşayacağıq. Yerli problemlərin optimal həll yollarının tapılması üçün bu problemlərə daha yaxından bələd olan bələdiyyələrdən gələn təkliflərini sistemləşdirmək və öz təyinatı üzrə istifadə etmək lazımdır.Bundan ötrü həm də qarşıdan gələn bələdiyyə seçkiləri zamanı perspektivli yerli kadrların,yəni yerli problemləri həll etməyə qadir insanların xeyli hissəsini bələdiyyələrə cəlb etmək lazımdır.

Əli Məsimli bildirdi ki, ona olan çoxsaylı müraciətlərə əsaslanaraq pensiyaçıların xeyli hissəsinin çətinliklə üz-üzə qaldığı bir vaxtda pensiyaların verilmə qrafikinin dəyişdirilməsinin yaratdığı problemlərin optimal həllinə nail olmaqdan ötrü mətbuat vasitısi ilə Dövlət Sosial Müdafiə Fonduna eləcə də krediti olan pensiyaçılardan Banklar pensiyaların verilmə qrafikindəki dəyişikliyə uyğun olaraq yeni qrafik tətbiq etməsi, onsuz da çətin durumda olan pensiyaçılarla gecikmə faizi tətbiq etməməsi barədə müracit etdiyini bildirdi.Onsuz da pensiyasının xeyli hissəsini müalicə, dava-dərman üçün kreditə ödəyən vətəndaş bir də gecikməyə görə faiz cəriməsi ödəməsin.Əli Məsimlinin etdi bu təklif razılıqla qarşılandı.

Bunlarla yanaşı Əli Məsimli bildirdi ki, 2025-ci ilin büdcə zərfi artıq Milli Məclisə daxil olub.Büdcə zərfinin müzakirələri zamanı qaldıracağı məsələlər arasında Qax və Şəkidə məşğulluğun artırılması,Qax və Şəki kəndlərinin qazlaşdırılmasının davam etdirilmsi,yaşa görə müavinət alanların 220 manatlıqlıq müavinətinin artırırılaraq yaşayış minimumuna çatdırılması,80 manatlıq veteran pulunu ən azından 2 dəfə artırılması və sair bu kimi məsələləri qaldırmaq fikrindədir.

Seçicilər İlisunun tarixi-mədəni abadilərinin qorunub saxlanılması istiqamıtində zəruri olan işlər,İlisi kimi dəniz səviyyəsindən çox yüksək hesab olunan dağ kəndlərində qaz limitinin götürülməsi,uşaqpulu və sair bu kimi məsələlər qaldırdılar.Seçicilərin qaldırdığı problemlər və təkliflər dinlənildi, onların həlli istiqamətində zəruri işlərin görüləcəyini diqqətə çatdırdı.

Görüşdən sonra qəbula gələn seçicilər dinlənildi, onların qaldırdığı məslələrin bir qismi yerindəcə müvafiq yerli qurumlarla müakirə olunub həlli barədə prinsipial razılığa gəlindi.Operativ həlli mümükün olmayan digər məsələrin həlli ilə bağlı müvafiq mərkəzi icra hakimiyyəti orqanlarına müraciətlər edilməsi üçün qeydiyyata alındı.