Ana və sevgilisi 13 yaşlı qıza zorakılıq edib... - Ağır cəza!

Beyləqan rayonunda yetkinlik yaşına çatmamış qıza qarşı seksual xarakterli zorakılıq əməlləri törətmiş şəxslərin məhkəməsi başa çatıb.

“Qafqazinfo” xəbər verir ki, Lənkəran Ağır Cinayətlər Məhkəməsində keçirilən prosesin yekununda qızın anası 1982-ci il təvəllüdlü G.Quliyeva və onun sevgilisi 1980-ci il təvəllüdlü N.İsmayılova hökm oxunub. N.İsmayılova 18 il 6 ay, qızın anasına isə 18 il həbs cəzası verilib.

Bildirilib ki, hadisə Beyləqanda məcburi köçkünlər üçün salınmış qəsəbələrdən birində baş verib. 2023-cü ildə G.Quliyevanın əri öldükdən sonra o, N.İsmayılov ilə sevgili olub və mütəmadi olaraq müxtəlif yerlərdə görüşüblər. Bir müddət sonra N.İsmayılov G.Quliyevaya 13 yaşlı qızını bəyəndiyini bildirib və görüş təşkil etməsini istəyib. Qadın sevgilisinin bu istəyini həyata keçirib və qəsəbədən kənarda gecə saatlarında qızını məcburən həmin şəxslə görüşdürüb. Burada ana və sevgilisi qıza qarşı seksual xarakterli zorakılıq hərəkətləri ediblər.

Daha sonra isə N.İsmayılov G.Quliyevadan qızının çılpaq videolarını istəyib. Qadın bunu da edib, görüntüləri həmin şəxsə göndərib.

Dövlət qurumları tərəfindən hadisənin üstü açıldıqdan sonra hər iki şəxs barəsində Cinayət Məcəlləsinin zorlama, uşaq pornoqrafiyası, seksual xarakterli zorakılıq və digər maddələri üzrə cinayət işi başlanılıb.