Sahibsiz bir saza bənzəyir ömrüm, Çalır əsəbimi hər nadan bir az - Suliddin Qasımlı

Mədəniyyət13 dekabr 2024 22:55

Suliddin Qasımlı Məmmədov
Suliddin Qasımlı
Suliddin Qasımlı 1948-ci il noyabrın 20-də qədim Qaraqoyunlu ellərinin füsunkar təbiətli, azarlı-baxarlı kəndlərindən olan Çaykənd kəndində dünyaya göz açmışdır.
Başı buludlara dəyən ağ çalmalı dağlarla, yaşıl meşələrin ahəng yaratdığı bu dilbər guşədə dünyaya gəlib şair olmamaq mümkün deyil.
Buzluqdan ötüb Cantəpəyə üz tutmaq, oradan isə soyuq bulaq yaylağına,
Çalmalı dağına qalxıb, Göyçə gölünün lacivard ləpələrinə könül vermək Suliddin dünyası üçün, onun sirli-sehirli aləmi üçün sən demə nəticədə şer-sənət, şairlik demək imiş..
Suliddin orta təhsilini Gölkənddə başa vurmuş, 1966-cı ildə Az.Dillər İnstitutunun alman dili fakultəsinə qəbul olmuş, lakin könüllü olaraq təhsilini davam etdirməmişdir.
S.Qasımlı 1969-cu ildə ADU-nun jurnalistika fakultəsinə qəbul olunmuş,
1974-cü ildə oranı bitirdikdən sonra Sumqayıt şəhərində boru-prokat zavodunda və radio qovşağında əmək fəaliyyətinə başlamışdır. 1975-ci ildən “Azərbaycan təbiəti” jurnalı redaksiyasında redaktor vəzifəsində çalışmışdır.
Bədii yaradıçılığa 70-ci illərdən başlamışdır. Şerləri dövri mətbuatda çap olunurdu.
Bu sevdaya düşəndən-(1980), Görüşünə gəlirəm-(1987), Mənim nigaran anam-(1992), əsərləri, Qara Musa poeması çap edilmişdir.

 

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1325