Mirmahmud Mirəlioğlu niyə görünmür?

Klassik Xalq Cəbhəsi Partiyasının sədri, sabiq deputat Mirmahmud Mirəlioğlu uzun müddətdir mediadan kənar gəzir.

“Qafqazinfo” xəbər verir ki, hətta onun sosial şəbəkə hesablarında da xeyli zamandır heç bir paylaşım olunmur.

“Modern.az”ın partiya sədrinin gündəmdən niyə kənar qalması ilə bağlı suallarına yazar Elman Eldaroğlu aydınlıq gətirib.

“Ağanı evində ziyarət etdik. Məlum oldu ki, onun feysbuk səhifəsi ötən ilin noyabr ayının 9-dan hansısa nəməlum səbəblərə görə bağlanıb. Hətta mütəxəsislər çalışsa da, səhifəni bərpa etmək mümkün olmayıb və artıq 3 aya yaxındır ki, sosial şəbəkədə heç bir status paylaşa bilmir. Qəribədir, nədənsə sosial platformalarda bu haqda heç bir xəbər getməyib ki, insanlar məlumatlansınlar...

Mirmahmud Mirəlioğludan ayrılarkən hamıya salam söyləməyimizi xahiş etdi. Mirmahmud ağaya can sağlığı, tezliklə əhval-ruhiyyəsinin bərpasını arzulayırıq”.